ISAIAH 6:4 - BUKUIT NE TILIL

⁴ Ak kiitumdumgei lumeiywekab tugatugikab kurget amu tugetab inendet ne kitwek, ak kinyi got iyeto.

Bukuit Ne Tilil

⁴ Ki itumdumgei lumeiywegap tugatugigap kurgeet amu tuugeetap ineendet ne kitwek, ak ki nyi koot iyeto.

BUKUIT NE TILIIL Sireet ne Dutero Kanon

⁴ Ki itumdumgei lumeiywegap tugatugigap kurgeet amu tuugeetap ineendet ne kitwek, ak ki nyi koot iyeto.

ISAIAH 6:4 ပူးပေါင်းရင်းမြစ်များ

2 ATEPTAP PEETUUSYEK 5:13

ak kingoyomogei bik che kuutei iriagok ak tienik koek agenge, si kotien cheet agenge kegas eng’ kalosunet ak komwachin Jehovah kongoi; ak kingotien eng’ kutit ne o eng’ iriagok ak sanisiekab sugunonik, ak kibugandinikab tienwogik, ak kolos Jehovah, kole, Amu mie inendet; bo koigeny rirenennyi: konyi got anyun boldet, ne noto ko gotab Jehovah,

TIENWOGIKAL 18:8

Kitogostae iyeto serunekyik, Ak kibeelso mat ne kimong’une kutinnyi: Kilalyo nesek eng’ maata.

KOMONG'U 40:34

Kinyo kotuch anyun boldet emait ne kituiyechin, ak kinyi got lilindab Jehovah.

EZEKIEL 1:24

Ak kingobendi, agas kirgirenetab kebebaikwak ko u cheetab beek che chang’, ko u twegunetab Inendet ne bo Kamuktaet, ko u cheet ne imuuti, ne kergei ak cheetab luget: kingotononso kochoor kebebaikwak kobwa ng’ony.

EZEKIEL 10:5

Ak kigigasei kirgirenetab kebebaikab kerubik agoi seremut ne bo sang’, ko u kutitab Kamuktaindet ne bo Kamuktaet ye ng’alali.

EZEKIEL 41:16

koboto tugatugik, ak tirisiok che regerotin, ak komoswek che kibendote, che kimi komoswek tugul che bo gorikyik che kigiyab koba barak konyil somok, che tokyingei tugagukyet, che kigiliige ketik komoswek tugul, koboch ng’ony agoi tirisiok; kiga kituch anyun tirisiochoto;

EZEKIEL 44:4

Yeityo komutwa anyo oret ne bo ormarichet ne bo murot ne bo katam eng’ taitab got; ak kiageer, ogeero, kinyi gotab Jehovah lilindab Jehovah: ak kiabut, kot kotiiny toget ng’ony.

AMOS 9:1

Kiageer Kiptaiyat kotonone ole negite kaptisisiet: ak kile, Kwer walisiekab tolochik, kot kotumdumgei tugatugik: yeityo itonaton walisiechoto eng’ metowekab ichek tugul; ak abere rotwetab chok che ng’etu: mamweei agot agenge eng’ ichek, ama chilili agot agenge.

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 15:8

Ak kinyi hekalut iyeto ne kibunu torornatetab Jehovah, ak kamuktaennyi; ak kima imuch chi kwo hekalut orit, agoi kogesgei korotwek tisabu che bo malaikaisiek tisab.