ISAIAH 6:3 - BUKUIT NE TILIL

³ Ak kitwekyi age age kolenji, Tilil, tilil, tilil, Jehovah ne bo lugosiek: nyiitat ng’ony komugul torornatennyi.

Bukuit Ne Tilil

³ Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

BUKUIT NE TILIIL Sireet ne Dutero Kanon

³ Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ISAIAH 6:3 ပူးပေါင်းရင်းမြစ်များ

EZRAH 3:11

Ak kiwoljingei kotieni kolosu ak komwachin kongoi Jehovah, kolen, Amu mie inendet, amu bo koigeny rirenennyi eng’ Israel. Ak kiwaach bik tugul eng’ waagat ne o ye kiilosu Jehovah, amu kiga kelumda lumeiywotab gotab Jehovah.

TIENWOGIKAL 57:11

Tororitu, ee Kamuktaindet, isiir kipsengwetisiek, Ingoeet teegistang’ung’ eng’ ng’ony komugul.

TIENWOGIKAL 66:2

Otien torornatetab kainennyi; Otoror kalosunennyi.

TIENWOGIKAL 72:19

Ak iberurot kainennyi ne tinyei torornatet agoi koigeny; Ak ingonyi ng’ony komugul torornatennyi. Amen, ak Amen.

TIENWOGIKAL 8:2

Kiing’at kimnatet kobun kutuswekab lagok ak che reritos, Amu buniguk, Si iger kong’ bunyot kosis ak ne yaaktoi mugetut.

TIENWOGIKAL 90:16

Ingotook boisioniguk eng’ kiboitiniguk, Ak telunateng’ung’ eng’ lagokwak.

TIENWOGIKAL 97:6

Ibortoi kipsengwetisiek imandanyi, Ak kigogeer bik tugul torornatennyi.

TIENWOGIKAL 99:3

Ingolos ichek kaineng’ung’ ne o ne imuisei. Tilil inendet.

TIENWOGIKAL 99:9

Otoror Jehovah Kamuktaindennyo, Ak ogutung’ji eng’ tulwennyi ne tilil; Amu tilil Jehovah Kamuktaindennyo.

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

ISAIAH 24:16

Kigegas tienwogik che bunu tabanwekab ng’ony, kolen bo torornatet ne bo imanda. Ago kiale, Asagiti, asagiti, bwa eng’ ane! Kigoberberis kaberberik; ee, kigoberberis mising’ kaberberik.

ISAIAH 40:5

Ak keng’any torornatetab Jehovah, ak tun keerei bik tugul: amu kamwa Jehovah nito.

ISAIAH 54:5

Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

EZEKIEL 43:2

ogeero, kimong’une oretab kong’asis lilindab Kamuktaindetab Israel: ak ki u twegunennyi cheetab beek che chang’: ak kiiluu ng’ony eng’ lilindanyi.

EZEKIEL 44:4

Yeityo komutwa anyo oret ne bo ormarichet ne bo murot ne bo katam eng’ taitab got; ak kiageer, ogeero, kinyi gotab Jehovah lilindab Jehovah: ak kiabut, kot kotiiny toget ng’ony.

HABAKUK 2:14

Amu nyiiei ng’ony naetab torornatetab Jehovah, ko u ye nyiiei beek nyanjet.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

KAITOSYEK 14:21

ago iman, ko u ye asobe, ak ko u ye tun nyiei ng’ony komugul tororindab Jehovah;

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,