ISAIAH 6:2 - BUKUIT NE TILIL

² Kitonondos serapik eng’ baragunnyi: kitinyei age tugul kebebaik lo; kituge aeng’ togennyi, kotuge aeng’ kelyekyik, ak kitirirene aeng’.

Bukuit Ne Tilil

² Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'.

BUKUIT NE TILIIL Sireet ne Dutero Kanon

² Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'.

ISAIAH 6:2 ပူးပေါင်းရင်းမြစ်များ

TAUNET 17:3

Ak kiibutyi ng’ony Abram: kong’alal Kamuktaindet ak inendet kolenji,

1 LAITORINIK 19:13

Ak kingogas Elija kotuch togennyi eng’ ngoriennyi, ak kotonon eng’ ye kichutei kebendi kebenet. Ak ogeero, kinyonji inendet kutit, kolenji, Iyae nee eng’ yu, Elija?

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

1 LAITORINIK 6:24

Ak ki kakwautik mut che bo eut kebepchet agenge ne bo kerubit: ak ki kakwautik mut che bo eut kebepchet age ne bo kerubit, koboch walitab kebepchet age agoi walitab kebepchet age ko ki kakwautik taman che bo eut.

1 LAITORINIK 6:27

Ak kiinde kerubisiechoto got ne bo orit: ak kiga iitagei kebebaikab kerubisiechoto, kot kotiiny kebepchetab age inatut age, ak kitiiny kebepchetab kerubit age inatut age; ak kitiinygei kebebaikwak eng’ kwenutab got.

1 LAITORINIK 8:7

Amu kiga iito kerubisiek kebebaikwak kouur ole mi moinget, ak kituch kerubisiek moinget ak ketikyik che kiibe.

NEEMIA 9:6

I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

Kitabuutap JOB 1:6

Kimi anyun betut ye kibwanei werikab Kamuktaindet kotonondos eng’ taitab Jehovah, ak kinyo agine Setani koboto ichek.

Kitabuutap JOB 15:15

Keero, maimang’u bikyik che tililen; Ee, ma tililen kipsengwetisiek eng’ tainnyi.

Kitabuutap JOB 4:18

Keero, maimang’u inendet otwogikyik; Ak iityin malaikaisiek berberindo:

TIENWOGIKAL 103:20

Olosu Jehovah, okwek malaikaisiekyik: Okwek che o kimen eng’ kamuktaet, che osuldoi ng’olyondennyi, Che oepchini it tugetab ng’olyondennyi.

TIENWOGIKAL 104:4

Inendet ne yaei usonaik koek chechik che kiyoktoi; Ne yaei kiboitinikyik koek mat ne liblibeni:

TIENWOGIKAL 18:10

Ak kilany kerubindet, ak kotiriren: Ee, kitiriren anyun kochakta eng’ kebebaikab usonet.

TIENWOGIKAL 89:7

Inendet Kamuktaindet ne kiywei mising’ eng’ tuiyetab che tililen, Ne kiywei kosiir tugul che kiyiem inendet?

KOMONG'U 25:20

Ak koiito kerubisiek kebebaikwak koba barak, kouure kebebaikwak keruetab rirenet, ak kotoorjin togochikwak; ing’ururi kerubisiechoto keruetab rirenet.

KOMONG'U 3:6

Ak kilenji kogeny, A Kamuktaindet ne bo kwandang’ung’, a Kamuktaindet ne bo Abraham, a Kamuktaindet ne bo Isak, a Kamuktaindet ne bo Jakobo. Ak kiuny Musa togennyi; amu kiiywei kogeer Kamuktaindet.

KOMONG'U 37:9

Ak kiito kerubisiek kebebaikwak koba barak, kotuch keruetab rirenet eng’ kebebaikwak, ak kotoorjin togochikwak, ing’ururi togochikab kerubisiechoto keruetab rirenet.

ISAIAH 6:6

Kitirirenja anyun age eng’ serapik, kotinyei ng’etetiot eng’ eunnyi, ne kiinemune kanameiywot eng’ kaptisisiet.

EZEKIEL 1:11

Ki besiotin togochikwak ak kebebaikwak eng’ ole bo barak; kiga namgei kebebaik aeng’ eng’ age tugul, ak kotuch kebebaik aeng’ borwekwak.

EZEKIEL 1:24

Ak kingobendi, agas kirgirenetab kebebaikwak ko u cheetab beek che chang’, ko u twegunetab Inendet ne bo Kamuktaet, ko u cheet ne imuuti, ne kergei ak cheetab luget: kingotononso kochoor kebebaikwak kobwa ng’ony.

EZEKIEL 1:4

Ak kiageer, ak ogeero, kimong’une murot ne bo katam usonet ne o, boldet ne o, koboto mat ne barbaregei, ak kiyiem kaluunet maata, ak kimong’une kwenunnyi kit ne u itondab taet, komong’une kwenutab mat.

EZEKIEL 1:6

Ak kitinyei age tugul togochik ang’wan, ak kitinyei age tugul eng’ ichek kebebaik ang’wan.

EZEKIEL 1:9

kiga namgei kebebaikwak; kima kogusegong’ ye kibendi; kiwendi age tugul kogeerei tai.

EZEKIEL 10:16

Ak ye kingoba kerubik, koba cheptirochoto agichek ko boiyotyin: ak kingotirirenso kerubik kong’eetyo eng’ ng’ony, ko ma istoegei cheptirok ichek.

EZEKIEL 10:21

Kitinyei age tugul togochik ang’wan ak kitinyei age tugul kebebaik ang’wan; ak kimi kergeindab eunekab chito kureretab kebebaikwak.

DANIEL 7:10

Kibiit ainet ne u mat ne kimong’une tainnyi: kiboisiechin inendet elfusiek konyil elfut, ak kitonondos eng’ tainnyi elfusiek tamanu konyil elfusiek taman: kigichob kiruoget, ak kiging’any bukuisiek.

DANIEL 9:21

ee, ye kita ang’alali eng’ saet, kotwaa chichoto Gabriel, ne kitirirenu kochogu, ne kiga ageer eng’ tai eng’ ng’ang’utiet, konyo kotwaa eng’ olo bo sait ne kigoitoe kagochinetab koskoleny.

SEKARIA 3:4

Ak kiwol inendet kolenji ichek che kitonone tainnyi, Oreegune inendet ngoroikyik che muruonen. Ak kimwachi inendet kolenji, Keero, kaistoenen tengektang’ung’, ak alaagun ngoroik che kororon.

LUKA 1:10

Ak kimi sang’ tuiyet komugul ne bo bik, kosaei eng’ sait ne kibeele nyamdutik.

HEBRANIK 1:7

Ak kimwa agobo malaikaisiek kole, Inendet ne yaei malaikaisiekyik koek usonaik, Ak koek kiboitinikyik liblibenetab mat:

NG'ANG'UTYET 14:6

Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

NG'ANG'UTYET 7:11

Ak kitonondos malaikaisiek tugul ko kayiem ng’echeretab laitornatet, ak boisiek, ak tiong’ik ang’wan che soptos; ak kiibutyi ng’ony eng’ taitab ng’echeretab laitornatet, ak kolos Jehovah,

NG'ANG'UTYET 8:13

Ak kiageer kipsichit kotirireni eng’ kwenutab kipsengwet, ak agas, kolen eng’ kutit ne o, Bwa, bwa, bwa agobo ichek che menyei ng’ony, amu cheosiek alak che bo iriagok che bo malaikaisiek somok che ta koguutei!