ISAIAH 57:5 - BUKUIT NE TILIL

⁵ che olaali mageng’wong’ eng’ ketik kel, eng’ kelutab ketit age tugul ne tuon; okwek che obare lagok eng’ atebwosiek, eng’ ole kibetak eng’ ruandosiek?

Bukuit Ne Tilil

⁵ che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?

BUKUIT NE TILIIL Sireet ne Dutero Kanon

⁵ che olaali mageng'wong' eng' keetiik keel, eng' kelutap keetit age tugul ne tuon; okweek che obare lagok eng' atebwosyek, eng' ole kibetak eng' rwandosyek?

ISAIAH 57:5 ပူးပေါင်းရင်းမြစ်များ

1 LAITORINIK 14:23

Amu kiteekyigei agichek komoswek che tororen, ak tolochik, ak Aserik, eng’ tulwet age tugul ne koi, ak eng’ ketit kel eng’ ketit age tugul ne tuon;

2 LAITORINIK 17:10

Ak kilumda tolochik ak Aserik eng’ tulwet age tugul ne koi, ak eng’ kelutab ketit age tugul ne tuon:

2 LAITORINIK 17:7

Ak kiyaak ko u noto, amu kiga yachi lagokab Israel tengekto Jehovah Kamuktaindenywa, ne kiimutu ichek komong’ eng’ emetab Misri, komong’une eutab Parao laitoriatab Misri, ak kiga koiywei kanamonik,

2 LAITORINIK 23:10

Ak kiing’wanit Topet, ne mi atebwetab lagokab Hinom, si ma igoito chi werinnyi anan ko cheptanyi kobun mat kogochi Molek.

2 ATEPTAP PEETUUSYEK 28:3

Kibeel kogeny nyamdutik eng’ atebwetab weritab Hinom, ak kobeel lagokyik eng’ mat, ko u tuguk che kiwechei che bo bororiosiek, che kiga on Jehovah eng’ taitab lagokab Israel.

KOMONG'U 32:6

Ak king’eetyo karon mising’ eng’ betut ne kiisubi betunoto, ak kiigoito kagochinoik che kibeelei, ak kiib kagochinoikab kalyet; ak kiteb ng’ony bik koamis ak koeeiso, ak kong’eetyo kourerenso.

ISAIAH 1:29

Amu ililandos ichek amu ketik che kiomache, ak kitewerak agobo mbarenik che kiolewen.

JEREMIA 17:2

ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 3:13

Ng’any tengektang’ung’ kityo, ile kiingelelji Jehovah Kamuktaindeng’ung’, ak kiiseerji toek ortinweguk eng’ kelutab ketit age tugul ne tuon, ak ma ogas it kutinnyu, mwaei Jehovah.

JEREMIA 3:6

Kimwawa anyun Jehovah kogeny eng’ betusiekab Josia laitoriat kolenja, Tos kiigeer noto kiyai Israel ne kigogetyigei let? Kigotogosta tulwet age tugul ne koi, ak kwo kelutab ketit age tugul ne tuon, ak kiyai kugoinatet eng’ oloto.

JEREMIA 32:35

Ak kiteech komoswek che tororen che bo Baal, che mi atebwetab weritab Hinom, si kogoito werikwak ak tibikwak kobun mat kogochi Molek; ne kima ang’at, ama kuura met, ale si kobiit koyai kii kiwechei; ak kogochi Juda koyai tengekto.

JEREMIA 50:38

Tebe kemeut baragutab ainosiekyik, ak kotenyo: amu emonito ko emetab kanamonik che kigiwai, ak kigoyai kanamonikwak ichek koek kibion.

JEREMIA 51:7

Ki kikombetab tahabu Babulon eng’ eutab Jehovah, ne kiigochi ng’ony komugul kobogit: kigoee bororiosiek divaikyik; amei anyun iywek bororiosiek amu noto.

JEREMIA 7:31

Ak kigoteech komoswek che tororen che bo Topet, ne mi atebwetab weritab Hinom, si kobeel werikwak ak tibikwak eng’ mat; ne kima ang’at, ne ma kuura met.

EZEKIEL 16:20

Kiinam kogeny weriguk ak tibiguk, che kiisikwa, ak ieng’ji ichek si kobiit koam. Tos ki kit ne ming’in kugoinatosieguk,

EZEKIEL 20:26

ak kiamuruon ichek eng’ konunoikwak ichegei, amu kiigoito lagok tugul che yatei iyotet kobun mat, si kobiit agochi ichek kobononso, si konai kole a Jehovah.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 20:31

Ak ye ogoitoi kagochinoikwok, ye ogoitoi werikwok kobun mat, ko tos ma omuruonege kanamonikwok agoi rani? Ko tos oteepsena, okwek gotab Israel? Mwaei Kiptaiyat Jehovah kole, Ko u ye asobe, ko ma achame oteepsena:

EZEKIEL 6:13

Ak onai ole a Jehovah, ye tun mi bikwak che kigebar, koboto kanamonikwak, che mi kapkorosusiekwak komoswekwak tugul eng’ tulwet age tugul ne ming’in ne toror, eng’ walisiek tugul che bo tulonok, ak eng’ kelutab ketit age tugul ne tuon, ak eng’ kelutab ketit age tugul ne nyigis, ole kibeeljine kanamonikwak tugul nyamdutik.

ATEPTAP LAWIK 18:21

Amegoite iyoteng’ung’ ibeelji Molek, ak amereny kainetab Kamuktaindeng’ung’: a Jehovah.

KAITOSYEK 25:6

Ak ogeero, kinyo Israelindet age komutyin tupchosiekyik kobogoriotab Midianik, eng’ taitab Musa, ak eng’ taitab tuiyet komugul ne bo lagokab Israel, ye kita korirtos eng’ kurgetab emait ne kituiyechin.

NG'ATUTIK 12:2

Ong’em anyun iman oldinwek tugul, ole kioote kanamonikwak bororiosiek che oluule, che mi tulonok che koen, ak che mi legemosiek, ak che mi ketik che tuonen kel:

NG'ANG'UTYET 18:3

Kagobutyo bororiosiek tugul amu divaikab koromnatetab soksennyi; ak kisokso laitorinikab ng’ony ak inendet, ak kiek magorek chemung’arainikab ng’ony eng’ kimnatetab kaseretab tugukyik.