ISAIAH 57:2 - BUKUIT NE TILIL

² Mong’jin ole mi kalyet; imuunyi eng’ itogusiekwak, age tugul ne wendoti eng’ lititindanyi.

Bukuit Ne Tilil

² Mong'jin ole mi kaalyeet; imuunyi eng' itogusyekwak, age tugul ne wendoti eng' lititindanyi.

BUKUIT NE TILIIL Sireet ne Dutero Kanon

² Mong'jin ole mi kaalyeet; imuunyi eng' itogusyekwak, age tugul ne wendoti eng' lititindanyi.

ISAIAH 57:2 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

2 ATEPTAP PEETUUSYEK 16:14

Ak kigitub inendet eng’ kererisiekyik, che kiga kowachigei eng’ nganasetab Daudi, ak kiginde itogut ne ki nyiitat nyamdutik che anyiny, ak tuguk alak che terjin che kigichob eng’ ng’omnatetab chepkerichinik: ak kigibeelji tuguk che chang’ mising’.

Kitabuutap JOB 3:17

Maiimi sogoranik oloto; Ak imuunyi eng’ oloto che ng’etyotin.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

AMDOINDET 12:7

ak koweekyigei ng’ung’unyek ng’ony ko u ye kinye, ak koweekyigei sobondo Kamuktaindet ne kigonu.

ISAIAH 14:18

Ruitos laitorinik tugul che bo bororiosiek, ruitos ichek tugul eng’ torornatet, ruei age tugul eng’ gonnyi.

ISAIAH 26:7

Litit oretab inendet ne bo iman: inye ne i litit, indochini ortinwekab chito ne bo iman.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

EZEKIEL 32:25

Kigochopchi inendet itogut eng’ kwenutab che kigibar, koboto bikyik tugul che chang’; mi kererisiekyik komoswekyik tugul: kima kimuratan ichek tugul, kigibare rotwetab chok; amu kiyaak kamuisenywa eng’ emetab bik che soptos, ak kigogesen kalilanenywa koboto icheget che chorjingei keringet: kiginde inendet kwenutab ichek che kigebar.

DANIEL 12:13

Ago ui inye oldang’ung’ agoi koit kagesunet: amu imuunyi, ak tun itononi eng’ komostang’ung’, eng’ kagesunetab betusiechoto.

MATAYO 25:21

Kilenji kiptaiyandennyi, Kiiyai ne mie, otwogindoni mie ak ne kiyani: koiegu ne bo iman eng’ tuguk che ng’ering’, kandein ibou tuguk che chang’: mong’ji anyun boiboiyetab kiptaiyandeng’ung’.

LUKA 1:6

Ak ki bo iman ichek tuwai eng’ taitab Jehovah, ak kibendate ng’atutik tugul ak karureiywek che bo Kiptaiyat, ama tinyei lelut.

LUKA 16:22

Ak kime kibananiandanato betut age, komut inendet malaikaisiek konde tegetab Abraham: ak kime agine magoriondonoto, ak kigitub.

LUKA 2:29

Ee, Kiptaiyat, ichamjini nguno otwogindeng’ung’ kwo Eng’ kalyet, ko u ng’olyondeng’ung’;

LUKA 7:50

Ak kilenji kobogoriot, Kagosorun kayaneng’ung’; ui eng’ kalyet.

2 KORINTOEK 5:1

Amu kingen kele ngobutok got ne bo ng’onyuni ne borwekyok, ketinye teekset ne bunu Jehovah, got ne kima kiteech eng’ eunek, bo koigeny, eng’ kipsengwet.

2 KORINTOEK 5:8

amwae ale, ki nyigonen, ak kemache kele, kaigai kemande eng’ borto, ak ketebi koboto Kiptaiyat.

PILIPIK 1:23

Amu kagigikya kwenutab tuguk aeng’, atinye maget awa ketebi ak Kristo; amu mie noto mising’ kosiir:

NG'ANG'UTYET 14:13

Ak kiagas kutit kobunu kipsengwet kole, Sir ile, Boiboen ichek che begu eng’ Kiptaiyat koboch nguno: ee, mwaei Tamirmiriet, kole si kobiit komuuny eng’ boisionikwak, amu isubi ichek boisionikwak.