ISAIAH 57:1 - BUKUIT NE TILIL

¹ Begu che bo iman, ama iiti chi; ak kimuti bik che tinyei rirgei, amaibwati chi kole, kimuti che bo iman si mageer yaitiet ne nyonei.

Bukuit Ne Tilil

¹ Pegu che po iman, ama iiti chii; ak kimuti piik che tinyei riirge, ama ibwaati chii kole, kimuti che po iman si ma keer yaityet ne nyoonei.

BUKUIT NE TILIIL Sireet ne Dutero Kanon

¹ Pegu che po iman, ama iiti chii; ak kimuti piik che tinyei riirge, ama ibwaati chii kole, kimuti che po iman si ma keer yaityet ne nyoonei.

ISAIAH 57:1 ပူးပေါင်းရင်းမြစ်များ

1 LAITORINIK 14:13

Ak korirji Israel tugul inendet, ak kotub; amu inendet inegei ne bo gab Jeroboam ne wendi kererit: amu koginyorji inendet kit ne mie eng’ Jehovah, Kamuktaindetab Israel, eng’ gotab Jeroboam.

2 LAITORINIK 22:20

Ara anyun, keero, ayumin iwe ole mi kwanisieguk, ak kiyumin iwe ketering’ung’ eng’ kalyet, ama keerei konyeguk yaitionoto tugul aipchini koroni. Ak kiipchi ng’olyot laitoriat kogeny.

2 ATEPTAP PEETUUSYEK 32:33

Ak kiru Hesekia koboto kwanisiekyik, ak kigitupchi ole kitogostoe kebendi kererisiekab werikab Daudi: ak kigonyit inendet Juda tugul ak bik che kimenyei Jerusalem eng’ meenyi. Ak kilaitoran Manase werinnyi, kogeer inendet.

2 ATEPTAP PEETUUSYEK 34:28

Keero, ayumin iwe ole mi kwanisieguk, ak iwe kerering’ung’ eng’ kalyet, ama keerei konyeguk yaitiet tugul ne aipchini koroni, koboto bik che menyei. Ak kiipchin laitoriat ng’olyot kogeny.

2 ATEPTAP PEETUUSYEK 35:24

Komut anyun otwogikyik inendet eng’ karit, ak konde inendet karit ne bo aeng’ ne kitinyei, ak kiimut inendet konyo Jerusalem; ak kime ak kigitupchi kererisiekab kwanisiekyik. Ak kirirji Josia Juda tugul ak Jerusalem.

TIENWOGIKAL 12:1

Soru, ee Jehovah; amu ma komi chitab iman; Amu kagobetyo kayanik eng’ kwenutab werikab bik.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

ISAIAH 42:25

Kirong’ji anyun neregekyik che koromen, ak kimnatetab luget; ak koyieme mat inendet, ago ma nai kora ak kobeel inendet, ago ma chut muguleldanyi.

ISAIAH 47:11

Nyonjinin anyun yaitiet; memuchi igirinde: ak ibutyinin bichiindo, memuchi iiste: ak kochein ng’emisiet, ne mengen.

ISAIAH 47:7

Ak kiimwa ile, Aegu chebioset agoi; kot ko mata inde tuguchuto muguleldang’ung’, amata ibwat kagesunenywa.

ISAIAH 57:11

Ak kiiywei ng’o anyun ak itoptoben, kot imwa lembech, ak ma ibwata, ama chut ng’olyondonito muguleldang’ung’? Ma asis betusiek che chang’, ama iywea?

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 22:10

Amorirji ne kigome, anan ote agobo inendet: ago orir mising’ agobo inendet ne mandoi; amu ma koweeksei inendet kogeny, anan kogeer emennyi ne kigisikyin.

EZEKIEL 21:3

ak ilenji emetab Israel, Mwaei Jehovah ko u ni kole: Keero, aborienen ak ang’usu rotwennyu bo chok, ak aiste eng’ inye chito ne bo iman ak ne ya.

MIKAH 7:2

Kigobet chi ne iywei Jehovah eng’ ng’ony, ama mi agot agenge ne bo iman eng’ bik: saptoi tugul kotumdoi korotik; riichei chi age tugul mestet agobo ng’etab kamet.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

KAITOSYEK 23:10

Ng’o ne imuchi koiit temburiekab Jakobo, Anan ng’o ne imuchi koiit kebeberta agenge eng’ ang’wan ne bo Israel? Ingame meetab che bo iman, Ak ingogergeit kagesunennyu ak nenyinet!