ISAIAH 53:3 - BUKUIT NE TILIL

³ Kigisas, ak kiesio bik inendet; chitab arogenosiek, ne ingen ng’wanindo: ak kigisas inendet ko u chito ne ung’e bik togochikwak, ama kiit inendet kele kiy.

Bukuit Ne Tilil

³ Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

BUKUIT NE TILIIL Sireet ne Dutero Kanon

³ Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

ISAIAH 53:3 ပူးပေါင်းရင်းမြစ်များ

TIENWOGIKAL 69:29

Ago a kibananiat ak atinye arogenet: Ingotorora yetuneng’ung’, ee Kamuktaindet.

TIENWOGIKAL 88:4

Kagiitita che chorjingei keringet; A u chi ne matinyei toreto:

ISAIAH 49:7

Mwaei ko u ni Jehovah, katiagindetab Israel, ak ko Nenyi ne Tilil, inendet ne sasei bik, inendet ne wechei bororiet, ne otwogindetab bounik: Tun keerei laitorinik ak kong’eetyo; ak kogutung’so bounik; amu Jehovah ne kiyani, Inendet ne Tilil ne bo Israel, ne kilewenin.

ISAIAH 50:6

Kiagochi kobir batennyu birik, ak agochi matang’wekyuk icheget che kiitut sumeek: ma aung’e togennyu tewernatet ak che sing’iljina.

ISAIAH 52:14

Ko u ye kikwong’enen che chang’, (kiging’em togennyi kosiir ne bo chi age tugul, ak kiging’em itondanyi kosiir werikab bik,)

ISAIAH 53:10

Ago kicham Jehovah koguoten inendet; kiigochi arogenet; ye tun iyai sobondanyi koek kagochinet agobo tengekto, tun keerei iyotennyi, tun tesei betusiekyik, ak kotesak chametab Jehovah eng’ eunnyi.

ISAIAH 53:4

Kiib iman ng’woninwekyok, ak kigesen arogenosiekyok: ago kigiit inendet kele kigibir, kibir Kamuktaindet ak konyalil.

MIKAH 5:1

Iyumge anyun, obee kweanaikab luget, ee cheptab kweanaikab luget; kogoyiemech: kwere kirokto matandab kiruogindetab Israel.

SEKARIA 11:8

Ak kiang’em mestowek somok eng’ arawet agenge; amu kigong’et sobondanyu agobo ichek, ak kowecha kogeny sobonwekwak.

MATAYO 26:67

Yeityo kosing’ilji togennyi ak koluch: ak korabach alak,

MATAYO 27:63

ak kolenji, Kiptaiyandani, kibwati kele, kimwa kenindonoto, kota kosobei, kole, Ye ibata betusiek somogu ang’eet kogeny.

MARIKO 10:33

kole, Ogeero, kitogostoi Jerusalem; ak kindoi Weritab chi eunekab tisiik che eechen ak sirik; ak koruokyi kiruoget ne bo meet, ak konde inendet eunekab bororiosiek:

MARIKO 10:34

ak kochurochur inendet, ak kong’utyi, ak kobire kipcharitit, ak kobar; ak ye ibata betusiek somogu kong’eet kogeny.

MARIKO 14:34

Ak kilenji ichek, Kaarogen sobondanyu mising’ agoi meet: otebe yu ak oripse.

MARIKO 15:19

Ak kikwer metinnyi eng’ tegat, ak kosing’ilji, ak kogutuny kolos inendet.

MARIKO 9:12

Ak kilenji ichek, Iman, nyonei Elija korok, ak koweech tuguk tugul ko u ye kinye: ak kiteptoi ano si kesir agobo Weritab chi kele nyalili eng’ tuguk che chang’ ak kiit koek buch?

LUKA 16:14

Ak kigas Parisaik tuguchuto tugul. Kichamei siling’isiek icheget, ak kororechi inendet.

LUKA 19:41

Ak kingorik, kogeer nganaset ak korirji,

LUKA 8:53

Ak kirorechi inendet anyun kochot, amu kiingen kole kagome.

LUKA 9:22

kole, Kanyolji Weritab chi konyalil eng’ tuguk che chang’, ak koesio boisiek inendet ak tisiik che eechen ak sirik, ak kebar, ak king’eet eng’ betutab somok.

JOHANA 11:35

Korir Jesu.

JOHANA 8:48

Kowolji anyun Yahudik kolenji, Magimwae achek iman kele, I Samarindet, ak itinye oindet?

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

HEBRANIK 4:15

Amu magitinye tisiindet ne o ne maimuchi kogaswech nyalulnatosiekyok; ago ne kigiyom ko u achek eng’ tuguk tugul, ama yai tengek.

HEBRANIK 5:7

Ne ki eng’ betusiek che kimi eng’ borto, ko kagogoito sautik ak somutik eng’ rirek che eechen ak beekab kong’, korirjin inendet ne kiimuchi kosor eng’ meet, ak kingo kagegasyi amu kaiyweisiennyi ne kiywei Jehovah.