ISAIAH 53:1 - BUKUIT NE TILIL

¹ Ng’o ne kiiyan ng’alekyok? Ak kiging’ang’ji ng’o eutab Jehovah?

Bukuit Ne Tilil

¹ Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

BUKUIT NE TILIIL Sireet ne Dutero Kanon

¹ Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

ISAIAH 53:1 ပူးပေါင်းရင်းမြစ်များ

ISAIAH 40:5

Ak keng’any torornatetab Jehovah, ak tun keerei bik tugul: amu kamwa Jehovah nito.

ISAIAH 51:9

Ng’eet, ng’eet, ilaach kimnatet, ee, eutab Jehovah; ng’eet, ko u betusiek che bo keny, ibinwekab betusiek che bo keny. Tos ma inye ne kiitonaton Rahab, ne kiitoor maswetit?

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

ISAIAH 59:16

Ak kigeer kole mami chi age tugul, ak kikwong’ amu kima komi ne sachin age: kiipchigei anyun yetunet eng’ eunnyi; ak kiti imandanyi inendet.

ISAIAH 62:8

Kigoyosio Jehovah eng’ eunnyi ne bo tai, ak eng’ eutab kimnatennyi, kole, Iman, ma agoitoi beguk koek amitwogikab buniguk; ama koee toek divaiguk, che kiiyai:

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

LUKA 18:31

Ak kiimut taman ak aeng’ kobwa ole mi, ak kolenji, Ogeero, kitogostoi Jerusalem, ak kosulda tuguk tugul che kisir maotik agobo Weritab chi.

JOHANA 1:12

Ago tugul che kitaach inendet, ko kiigochi kamuget koek lagokab Jehovah, ichek che iyani kainennyi:

JOHANA 1:7

Kinyo chichoto koek baoriat, si kobaorianji lapkeiyet, si kobiit koyan bik tugul amu inendet.

JOHANA 12:38

si kobiit kosulda ng’olyotab maotiot Isaia, ne kimwa, kole, Kiptaiyandani, kiiyan ng’o ng’alekyok? Ak kigeng’ang’ji ng’o eutab Kiptaiyat?

1 KORINTOEK 1:18

Amu berberindo ng’olyotab kimurtoiyot eng’ icheget che lustos; ago eng’ achek che kisoru ko kimnatetab Jehovah.

1 KORINTOEK 1:24

ago eng’ ichek che kigiguur, Yahudik koboto Yunanik, Kristo ko kamuktaetab Jehovah, ak ng’omnatetab Jehovah.