ISAIAH 52:2 - BUKUIT NE TILIL

² Lelekte temburiek; ng’eet, tebi ng’ony, ee Jerusalem: itiach ratutik che mi kaating’ung’, ee cheptab Sion ne kigeluul.

Bukuit Ne Tilil

² Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul.

BUKUIT NE TILIIL Sireet ne Dutero Kanon

² Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul.

ISAIAH 52:2 ပူးပေါင်းရင်းမြစ်များ

ISAIAH 10:27

Ak eng’ betunoto, koistoegei tigikyieng’ung’ lautiennyi, ak koistoegei kaating’ung’ choginnyi, ak keng’em chogit amu kaiilet.

ISAIAH 14:25

ale atonatoni Asuriek eng’ emennyu, ak atiech eng’ tulonokyuk: koistoegei eng’ ichek choginnyi, ak koistoegei lautiennyi tigikyienywa.

ISAIAH 29:4

Ak kinyeratin, ak ing’alal imi ng’ung’unyek, ak kinyerat ng’aleguk komong’une temburiek; ak kogergeit tweguneng’ung’ ak chito ne boisie oik, ne mong’une ng’ung’unyek, ak ichaam ng’aleguk eng’ temburiek.

ISAIAH 3:26

Ak koririo ormarichokyik ak koteiyo; ak koguber ak kotebe ng’ony.

ISAIAH 49:21

Yeityo imwa eng’ muguleldang’ung’ ilen, Kisikwa ng’o chuto, amu kigobegunena lagokyuk, ak ami anege, ak kigeluula, ak aombenoti? Ak ng’o ne kiigu chuto? Keero, kigibagakta anege; kimi ano chuto?

ISAIAH 51:14

Kitiachi eng’ chokyinet luulenik che kigimut; ama meei, ama wendi keringet, ama rarjin amitwogik.

ISAIAH 51:23

Ak ande eutab icheget che inyalilin; che kilenji sobondang’ung’, Ng’uruge, si kobiit kesiirte: ak iite bateng’ung’ koigei ng’onyut, ak koigei oret, eng’ ichek che siirtoi.

ISAIAH 60:1

Ng’eet, iluu; amu kagoit lapkeiyeng’ung’, ak kagochorjin torornatetab Jehovah.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

ISAIAH 9:4

Amu koiiri chogitab lautiennyi, ak siaritab tigikyiennyi, ak kiroktab usindennyi, ko u eng’ betusiekab Midian.

JEREMIA 51:45

Omong’une bikyuk, kwenunnyi, ak osoruge chi tugul oistoege neregek che ng’wonen che bo Jehovah.

JEREMIA 51:50

Oba okwek, che kiochilile rotwetab chok, amotonon; obwat Jehovah omi ole loo, ak obwat Jerusalem.

JEREMIA 51:6

Omwei eng’ Babulon, ingosor chi age tugul sobondanyi; amat ongobarak tengektanyi: amu betutab yaaktaetab mugetut ne bo Jehovah; yaakyin inendet mugetut.

EZEKIEL 34:27

Ak koi logoek ketitab mbar, ak korur emet, ak kotebe chametab ge eng’ emenywa; ak konai kole a Jehovah, ye tun airi ketikab choginywa, ko kaasoru ichek komong’ eng’ eutab bik che kiyai ichek koek otwogikwak.

SEKARIA 2:6

Eiye, eiye, omwei eng’ emetab murot ne bo katam, mwaei Jehovah: amu kiaseerak ko u usonaik ang’wan che bo kipsengwet, mwaei Jehovah.

SEKARIA 2:7

Ee Sion, soruge inye, ne omeng’isiei ak cheptab Babulon.

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

LUKA 4:18

Mi Tamirmirietab Kiptaiyat kobota, Ami kiila si kobiit aamji kibananok logoiywek che miach: Kiiyokwa si kobiit aamji luulenik katiaget, Asi kobiit kogeerto kipkoratinik, Ak atiach che kigiguoten.

NG'ANG'UTYET 18:4

Ak kiagas kutit age kobunu kipsengwet, kole, Omong’une inendet, okwek bikyuk, si moyamde tengekwogikyik, si monyoru korotwekyik: