ISAIAH 51:9 - BUKUIT NE TILIL

⁹ Ng’eet, ng’eet, ilaach kimnatet, ee, eutab Jehovah; ng’eet, ko u betusiek che bo keny, ibinwekab betusiek che bo keny. Tos ma inye ne kiitonaton Rahab, ne kiitoor maswetit?

Bukuit Ne Tilil

⁹ Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

BUKUIT NE TILIIL Sireet ne Dutero Kanon

⁹ Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 51:9 ပူးပေါင်းရင်းမြစ်များ

Kitabuutap JOB 26:12

Wasei nyanjet eng’ kamuktaennyi, Toorei Rahab kosore eng’ naennyi.

Kitabuutap JOB 9:13

Maistoi Kamuktaindet neregekyik; Ing’uruksei toretikab Rahab eng’ kelyekyik.

TIENWOGIKAL 21:13

Tororitu, ee Jehovah, eng’ kimnateng’ung’; Si ketien kilosu kimnateng’ung’.

TIENWOGIKAL 44:1

Kigegas eng’ itikyok, ee Kamuktaindet, kigomwawech kwanisiekyok, Boisiosiek che kiiyai eng’ betusiekwak che ki bo keny.

TIENWOGIKAL 44:2

Kole, Kiion bororiosiek eng’ eung’ung’, ak kiigochi komeny oloto; Ak kiinyalil inye bik, ak kiiyeste.

TIENWOGIKAL 44:23

Ee Kiptaiyat, ng’eet, amu nee si iru? Ng’eet, amebagaktech agoi.

TIENWOGIKAL 44:24

Amu nee si iuny togeng’ung’, Ak iutie nyalildanyo ak sastaennyo?

TIENWOGIKAL 59:4

Ruaei ichek kochobegei ma amu lelutiennyu: Ng’eet inye, toreta, ak igeer.

TIENWOGIKAL 7:6

Ng’eet, ee Jehovah, eng’ neregeguk, Tonon kirinde koromnatetab neregekab bunikyuk: Ng’eet amu ane; kiing’at kiruoget.

TIENWOGIKAL 77:5

Koabwat betusiek che bo keny. Kenyisiek che kigobunji keny mising’.

TIENWOGIKAL 78:65

King’eet anyun Kiptaiyat ko u ne karuei, Ko u chito ne kim ne barori amu maiyek.

TIENWOGIKAL 87:4

Amwae kainetab Rahab ak Babulon eng’ ichek che ingena: Ogeer Pilistia, ak Turo, koboto Etiopia; Kigisikyin chichi oloto.

TIENWOGIKAL 89:10

Kiituatui Rahab ko u ne kagebar. Kiiyeste buniguk eng’ eutab kimnateng’ung’.

TIENWOGIKAL 89:11

Cheguk kipsengwetisiek, ak ng’ony agine: Inye ne kiiyai ng’ony ak che nyiitat oloto.

TIENWOGIKAL 93:1

Laitorani Jehovah; ilaagat eng’ telunatet; Ilaagat Jehovah, kigermenegei kimnatet: Kigigimit ng’ony, si mang’eigei.

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

ISAIAH 27:1

Tun birei Jehovah eng’ betunoto eng’ rotwennyi ne bo chok ne korom ak ko o ak ko kim, tiondo ne bo beek ne u ting’ong’et, ne erenet ne chepcheb, ak tionyoto ne erenet ne taategei; ak kobar maswetit ne mi nyanjet.

ISAIAH 30:7

Amu toretisiei buch Misri, ama tilei kiy toretonoto: kiaguure anyun inendet Rahab ne tebyei kosisei.

ISAIAH 51:17

Ng’eet, ng’eet, tonon, ee Jerusalem, ne kiiee kikombetab neregek che koromen che bo Jehovah eng’ eunnyi; kiiee tabetab kikombet ne bo terteriotet icholol.

ISAIAH 51:5

Negit imandanyu, kamong’ yetunennyu, ak koruokyi bik eunekyuk; igena ngegusiek, ak komang’u eunnyu.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

ISAIAH 53:1

Ng’o ne kiiyan ng’alekyok? Ak kiging’ang’ji ng’o eutab Jehovah?

ISAIAH 62:8

Kigoyosio Jehovah eng’ eunnyi ne bo tai, ak eng’ eutab kimnatennyi, kole, Iman, ma agoitoi beguk koek amitwogikab buniguk; ama koee toek divaiguk, che kiiyai:

EZEKIEL 29:3

ng’alal, ak imwa ile, Mwaei Kiptaiyat Jehovah ko u ni kole; Keero, aborienen, inye Parao laitoriatab Misri, maswetit ne o ne rue kwenutab ainosiekyik, ne kigomwa kole, Ainennyu ko nenyu anege, kiayachinige.

MIKAH 7:15

Aborjini inendet tuguk che kikwong’e ko u eng’ betusiek che kiimong’u eng’ emetab Misri.

HABAKUK 2:19

Bwa inendet ne lenjin ketit, Kosu; ak ne lenjin koita ne matwegu, Ng’eet! Tos inetisiei nito? Ogeero, kigiliige tahabu ak feda, ama tinyei kabuset eng’ kwenunnyi, agot kitigin.

HABAKUK 3:13

Kiimong’u agobo yetunetab biguk, Agobo yetunetab neng’ung’ ne iilat; Kiiguoten kandoindetab gotab kiptengeginik, Ing’anye lumeiywot agoi kaatit.

SEKARIA 10:11

Ak beek che mildogei eng’ nyanjet, ak kotenyo rirosiek tugul che bo Nael: ak kiming’in menotetab Asuria, ak koistogei siaritab Misri.

SEKARIA 2:13

Osisye, okwek bik tugul eng’ taitab Jehovah: amu kagong’eet eng’ meng’otennyi ne tilil.

LUKA 1:51

Kigobor kimnatet eng’ eunnyi; Ak kigoiyesta che menotik eng’ kabwatutikab mugulelwekwak.

JOHANA 12:38

si kobiit kosulda ng’olyotab maotiot Isaia, ne kimwa, kole, Kiptaiyandani, kiiyan ng’o ng’alekyok? Ak kigeng’ang’ji ng’o eutab Kiptaiyat?

POISYONIGAP CHE KIYOKTOI 7:7

Ak kimwa Jehovah, kole, Aruokyini bororionoto ne tun ratei ichek: ak ye ibata noto komong’ ak koboisiewa eng’ olito.

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

KIRUOGIK 6:13

Ak kilenji Gideon inendet, Bwa kiptaiyandennyu, ngot komi Jehovah kobotech, ko amu nee si kobwanjech tuguchu tugul? Ak mi ano boisionikyik tugul che bo kwong’et che kimwawech kwanisiekyok, kolenjech, Tos kima imutwech Jehovah ketogosu eng’ Misri? Ago kigobagaktech Jehovah, ak kondeech eunekab Midianik.