ISAIAH 51:4 - BUKUIT NE TILIL

⁴ Ogasa, ee bikyuk; oepcha it, ee, bororiennyu: amu mong’unena ng’atutiet, ak ayai kiruogennyu kotonon koek lapkeiyetab bik.

Bukuit Ne Tilil

⁴ Ogasa, ee piikyuk; oepcha iit, ee, pororyennyu: amu mong'unena ng'atuutyet, ak ayai kirwoogennyu kotonon koek lapkeiyetap piik.

BUKUIT NE TILIIL Sireet ne Dutero Kanon

⁴ Ogasa, ee piikyuk; oepcha iit, ee, pororyennyu: amu mong'unena ng'atuutyet, ak ayai kirwoogennyu kotonon koek lapkeiyetap piik.

ISAIAH 51:4 ပူးပေါင်းရင်းမြစ်များ

TIENWOGIKAL 106:5

Si ageer borotetab cheguk che kigelewen, Si abaibait eng’ kagasetab ge ne bo bororieng’ung’, Si alosge koboto boroteng’ung’.

TIENWOGIKAL 147:20

Ma yachin bororiet age tugul ko u noto: Ama nai ichek kiruogutikyik. Olosu Jehovah.

TIENWOGIKAL 33:12

Iberurot bororiet ne Kamuktaindenywa Jehovah; Bik che kigolewen koek borotennyi.

TIENWOGIKAL 50:7

Oeb it, ee bikyuk, si ang’alal; Ee Israel, si abaorianun: A Kamuktaindet, Kamuktaindeng’ung’.

TIENWOGIKAL 78:1

Oepchi it ng’atutiennyu, ee bikyuk: Otokyi itikwok ng’alekab kutinnyu.

KOMONG'U 19:6

ak oegu eng’ ane bororietab tisiik, ak bororiet ne itabanat. Chuto ng’alek che iwendi imwachini lagokab Israel.

KOMONG'U 33:13

Ara anyun, asomin ale, ngo kaanyoru chamet eng’ taing’ung’ iman, iborua nguno ortinweguk, si kobiit anain, si kobiit anyor chamet eng’ taing’ung’: ak ibwat inye ile bororioni ko biguk.

KALEWANAIK 6:23

Amu kayomisutiet ko tait; ak ng’atutiet ko lapkeiyet; Ak keretab kong’ ne bo kotigonet ko oretab sobondo:

ISAIAH 1:27

Tun kitiachi Sion eng’ kiruoget, ak kitiache eng’ imanda bikyik che sigu.

ISAIAH 2:3

Ak tun itendenjin oloto bik che chang’ kolen, Obwa, kebe ketogoste tulwetab Jehovah, agoi gotab Kamuktaindetab Jakobo; si konetech ortinwekyik, si kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

ISAIAH 26:2

Oyat ormarichok, si kobiit kobun kwo orit bororiet ne bo iman, ne ribei imanit.

ISAIAH 26:8

Ee, kigigenin, inye Jehovah, eng’ oretab kiruogutiguk; makyingei sobonwekyok kaineng’ung’ ak kabwateng’ung’.

ISAIAH 33:22

Amu Jehovah ko kiruogindennyo, Jehovah ko ne konech ng’atutik, Jehovah ko laitoriandennyo; inendet ne soruech.

ISAIAH 42:21

Kiibaibai Jehovah, kotoror ng’atutiet, ak koyai koek ne kigonyiti amu imandanyi.

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 55:3

Oeb it, ak obwanja, ogas, si kosopcho sobonwekwok: ak kiyomisyige ak okwek kayomiset ne bo koigeny, noto rirenosiek che bo iman, che bo Daudi.

ISAIAH 63:8

Amu kimwa kole, Bikyuk iman, lagok che mayaei kaberberisiet: kiek anyun yetindenywa.

MIKAH 4:2

Ak bendi bororiosiek che chang’ ak komwa kole, Obwa, ketogoste tulwetab Jehovah, ak kebe gotab Kamuktaindetab Jakobo; si konetech ortinwekyik, ak kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

LUKA 2:32

Lapkeiyet ne bo ng’ang’utiet ne king’ang’jin Bororiosiek, Ak torornatetab biguk Israel.

1 KORINTOEK 9:21

eng’ icheget che mami eng’ Ng’atutik, ko kiaige agane chi ne mami Ng’atutik, ma kele mami eng’ Ng’atutik eng’ Jehovah, ago ami eng’ Ng’atutik eng’ Kristo, si anyor ichek che mami eng’ Ng’atutik.

NG'ATUTIK 18:18

Ang’eetyini maotiot eng’ tupchosiekwak, ne u inye; ak ande ng’alekyuk kutinnyin, ak komwachi ichek tugul che ang’ate inendet.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.