ISAIAH 51:3 - BUKUIT NE TILIL

³ Amu kagogaigai Jehovah Sion: kagogaigai komoswekyik tugul che kigemeto, ak kigoyai ong’atennyi koigei Eden, ak koyai surkwenennyi koigei mbaretab Jehovah; kinyorjin oloto boiboiyet ak kagasetab ge, koboto kongoi ak tienwogik che rurei komie.

Bukuit Ne Tilil

³ Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

BUKUIT NE TILIIL Sireet ne Dutero Kanon

³ Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

ISAIAH 51:3 ပူးပေါင်းရင်းမြစ်များ

TAUNET 13:10

Kitobendo anyun Lot kogeerot atebwet komugul ne bo Jordan, kole emet ne tinyei beek eng’ olda tugul, ko u mbaretab Jehovah, ko u emetab Misri, ne tokyingei komostab Soar; ye ki tomo kong’em Jehovah Sodom ak Gomora.

TIENWOGIKAL 85:8

Agase kit ne mwaei Kamuktaindet Jehovah; Amu mwachin bikyik ak chechik che tililen, kalyet: Ago amat kota koweekyigei berberindo.

ISAIAH 12:1

Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

ISAIAH 25:9

Ak tun kimwaei eng’ betunoto kele, Ogeero, nito ko Kamuktaindennyo; kigigen inendet, ak soruech inendet: nito ko Jehovah; kigigen inendet, kigasige ak keboiboitu eng’ yetunennyi.

ISAIAH 35:6

Yeityo kotoromben chito ne ing’wali ko u cheptirgichet, ak kotien ng’elyeptab ne namat kut: amu kutu beek eng’ ong’atet, ak kobiit kererusiek eng’ surkwen.

ISAIAH 41:16

Iruri, si koib usonet, ak koyesta kipchurjuriet: ak ibaibaitu eng’ Jehovah, ilosunegei Inendet ne Tilil ne bo Israel.

ISAIAH 43:19

Ogeero, ayae kit ne leel; biitu anyun nguno; tos monae? Ayae oret eng’ ong’atet, ak ainosiek eng’ surkwen.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

ISAIAH 49:13

Otiense, ee kipsengwetisiek; ak oboiboitu, ee ng’ony; ak otiense, ee tulonok; amu kagogaigai Jehovah bikyik, ak korire bikyik che kiginyalil.

ISAIAH 49:19

Amu mariigitu komosweguk che kigemeto, ak che kigoguber, ak emeng’ung’ ne kigeng’em, iman mariigityin bik che menyei, ak kolooegitu ichek che kiluguin.

ISAIAH 49:8

Mwaei Jehovah ko u ni kole, Kiawolun eng’ betut ne chamaksei, ak kiatoretin eng’ betutab yetunet: ak aribin, ak agonin iegu arorutietab bik, si ilang’u emet, si igochi kobore borotosiek che kimi buch;

ISAIAH 51:12

Ane, anendet ne agoigook: i ng’o, kot iywei chito ne meei, ak iywei weritab chi ne kiyaei koek suswot;

ISAIAH 52:9

Oboiboitu, otiense tugul, okwek komoswek che kigemeto che bo Jerusalem; amu kigogaigai Jehovah bikyik, kigotiach Jerusalem.

ISAIAH 61:10

Abaibaitu mising’ eng’ Jehovah, boiboitu sobondanyu mising’ eng’ Kamuktaindennyu; amu kagolaakwa ngoroikab yetunet, kagotugena ngoriet ne bo imanda, ko u ye lelesane sandet kit ne indoi metit, ak ko u ye lelesane mureret sonoekyik.

ISAIAH 65:18

Ago ogasge ak oboiboitu agoi agobo kit ne atau ayae: amu atau ayae Jerusalem koek ne kiboiboitune, ak koek bikyik boiboiyet.

JEREMIA 31:25

Amu kaabai kobiyo sobondo ne ng’etat, ak kaanyiit sobondo age tugul ne arogeni.

EZEKIEL 28:13

Kiimi Eden mbaretab Kamuktaindet; kiitugege koita age tugul ne bo kamanutiet, sardio, topasio, ak yaholom, berulo, soari, jasipi, sapire, sumaragdo, ak bareqet, ak tahabu: kimitei oring’ung’ boisietab sugutisieguk che mengenchen ak ndurerusieguk; kigichob choto eng’ betut ne kigitau keyain.

EZEKIEL 36:11

ak ateswok bik ak tiong’ik; ak kotesak ak koiiyo: ak kemenyok ko u betusiekwok che bo tai, ak ayaiywok ne mie kosiir eng’ tai: si onai ole a Jehovah.

EZEKIEL 36:35

Ak tun mwaei kole, kaigei emoni kiga koguber, mbaretab Eden; ak kageng’ot ak kemeny nganasok che kiga koek karatwek, ak koguber, ak kong’emak.

JOEL 2:3

Amisiei mat eng’ tainywa; ak lalei liblibenetab mat eng’ let: u emet mbaretab Eden eng’ tainywa, ak kagoek ong’atet kityo ole bo let; ee, ma biit ne kachilile ichek.

1 PETERO 1:8

ne ochame nganda tom ogeer; inendet ne nganda mogeere nguno, oyani, ko oboiboi mising’ eng’ boiboiyet ne ma mwaoksei ak ko nyiitat torornatet: