ISAIAH 51:1 - BUKUIT NE TILIL

¹ Oepcha it, okwek che osubi imanda, okwek che ocheng’e Jehovah: ogeer ruandet ne kigimoong’unenok eng’ waet, ak ogeer keringet ne kigibalunenok.

Bukuit Ne Tilil

¹ Oepcha iit, okweek che osubi imanda, okweek che ocheeng'e Kamuktaindet ne Toroor: ogeer rwandet ne ki kimoong'unenok eng' waet, ak ogeer keriinget ne ki kibalunenok.

BUKUIT NE TILIIL Sireet ne Dutero Kanon

¹ Oepcha iit, okweek che osubi imanda, okweek che ocheeng'e Kamuktaindet ne Toroor: ogeer rwandet ne ki kimoong'unenok eng' waet, ak ogeer keriinget ne ki kibalunenok.

ISAIAH 51:1 ပူးပေါင်းရင်းမြစ်များ

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 15:4

ago kingoweekyigei Jehovah, Kamuktaindetab Israel, eng’ nyalildanywa, ak kocheng’ inendet, konyor inendet.

TIENWOGIKAL 24:6

Nito ibinda ne cheng’ei inendet, Ne cheng’ei togeng’ung’, ee Kamuktaindetab Jakobo.

TIENWOGIKAL 94:15

Amu weekyingei kiruoget imanda: Ak kosubi noto tugul che bo iman eng’ mugulelwekwak.

KALEWANAIK 15:9

Wechei Jehovah oretab kiptengekyot: Ago chamei ne isubi imanda.

KALEWANAIK 21:21

Inendet ne isubi imanda ak rirenet, Konyoru sobondo, imanda ak teegisto.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

ISAIAH 48:1

Ogas ni anyun, okwek, ee gotab Jakobo, che kimwaitoenok kainetab Israel, che kiobiitune beekab Juda; che oyostosi eng’ kainetab Jehovah, ak omwae Kamuktaindetab Israel, ago ma eng’ iman, anan ko eng’ imanda.

ISAIAH 48:12

Oepcha it, ee Jakobo, ak Israel nenyu, ne kiaguur: a inendet; a ne bo tai, ak ko a ne bo let kogeny.

ISAIAH 51:4

Ogasa, ee bikyuk; oepcha it, ee, bororiennyu: amu mong’unena ng’atutiet, ak ayai kiruogennyu kotonon koek lapkeiyetab bik.

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

ISAIAH 55:6

Ocheng’ Jehovah kota kimuchi kenyor, oguur kota ko negit:

ISAIAH 65:10

Ak koek Saron biutab akwotisiekab kechirek, ak koek atebwetab Akor ole ruiye akwotisiek, amu bikyuk che kigocheng’a.

AMOS 5:6

Ocheng’ Jehovah si osopche: si ma lal ko u mat eng’ gotab Josep, ak kobeel koges, ama biitu chi ne imisi eng’ Bet-el:

SEPANIA 2:3

Ocheng’ Jehovah, okwek tugul che o taloen che o bo ng’ony, che kigoyai kiruogutikyik; ocheng’ imanda, ocheng’ talasiet: abere tun kiunyok eng’ betutab neregekab Jehovah.

MATAYO 5:6

Boiboen che amei rubo ak melelda agobo imanda: amu tun biyong’dos.

MATAYO 6:33

Ago ocheng’ korok bounatennyi, ak imandanyi; si keteswok tuguchu tugul.

ROMANIK 10:3

Amu ye kima nai ichek imandab Jehovah, ak ye kicheng’ kogimit nenywa, ko ma kogas it imandab Jehovah.

ROMANIK 14:19

Noto anyun, ongisub tuguk che yaei kalyet, ak tuguk che kiteegege achege eng’ achege.

PILIPIK 3:13

Che kitupche, maiiti ane ale kaanam: ago ayae kit agenge, autie tuguk che mi let eng’ ane, ayogochinige tuguk che mi tai.

1 TIMOTEO 6:11

Ago inye, ee, chitab Jehovah, mwee tuguchuto; ak isub imanda, ak kaiyweet ne kiywei Jehovah, kayanet, chamnyet, muitaet, mutyonet.

2 TIMOTEO 2:22

Ago mwee magutik che bo neranik, ak isub imanda, chamnyet, kayanet, kalyet, koboto icheget che kuurei Kiptaiyat eng’ mugulelwek che tililen.

HEBRANIK 12:14

Ogiilge otebi eng’ kalyet koboto bik tugul, ak tililinoto ne ngo matinyei chi ko maimuchi kogeer Kiptaiyat: