ISAIAH 5:5 - BUKUIT NE TILIL

⁵ Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

Bukuit Ne Tilil

⁵ “Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

BUKUIT NE TILIIL Sireet ne Dutero Kanon

⁵ “Ak nguno anyun amwaiwok kiit ne aitoi mbareennyu ne po sabibuk. Aistoi ng'otwennyi, si keam. Abute irimennyi, si ketyech.

ISAIAH 5:5 ပူးပေါင်းရင်းမြစ်များ

TAUNET 11:4

Ak kimwa kole, Obwa keteekyigei nganaset, ak keteech teekset age ne koi ne togostoi barak, ne itei kimonjogunnyi kipsengwetisiek, si keyaige keegu che toogunotin, si mata keyeste eng’ ng’ony komugul.

TAUNET 11:7

Ongebe, kechortege anyun, kitoiye kutuswekwak si mata kogasyin ichegei eng’ ng’alalet.

NEEMIA 2:3

Ak alenji laitoriat, Ingosob laitoriat agoi: kalya si ma arogen togennyu, ye kigoek karatia nganaset, oldab kererisiekab kwanisiekyuk, ak kigolalyo ormarichokyik?

TIENWOGIKAL 89:40

Kiibut ng’otonokyik tugul; Kiiluul irimoikyik.

TIENWOGIKAL 89:41

Rebe inendet tugukyik bik che siirtoi: Kigoek ne itewerat eng’ bikab kokwennyi.

KALEWANAIK 24:31

Ak ogeero, kigobitye katok mbaret tugul, Ak kituch siwek yoto tugul. Ak kigobutok inatunnyi ne bo koik.

AMDOINDET 3:3

betut ne kibarisie, ak betut ne kinyaise; betut ne kibutisie, ak betut ne kiteekse;

ISAIAH 10:6

Ayoktoi kobargei ak bororiet ne ya, ak agochini kobargei ak bik che anerekyini, si koluul ak koib barunenik, ak ketiech ichek, ko u ye kitiechi ng’atatek eng’ oret.

ISAIAH 25:10

Amu imuunyi eutab Jehovah eng’ tulwoni, ak ketiekyi ng’ony Moab eng’ oldanyi, ko u ye kitiekyin ng’ony mobek eng’ beekab kapng’atat.

ISAIAH 28:18

Ak kewal kayomiseng’wong’ ne kioyomisge ak meet koek buch, ama tononi kayanjineng’wong’ ne kioyanjine ak oldab meet: ye siirto biret ne o, ketiegatak anyun eng’ yoto.

ISAIAH 28:3

Kitiekyin ng’ony chepkuletab menotet ne bo kibogitinikab Epraim;

ISAIAH 32:10

Amu kinyalilok eng’ betusiek alak ko kagosiirto kenyit, okwek kwonyik che moribege: amu betei ruratetab sabibuk, mabiitu kesisiet.

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 21:4

Mwaei Jehovah, Kamuktaindetab Israel, ko u ni kole, Ogeero, aweektoi karikab luget che mitei eunekwok, che obarege ak laitoriatab Babulon, ak Kaldeik che yiemok, eng’ sang’utab irimoik, ak ayumji ichek kwenutab nganasani.

JEREMIA 28:8

Kimaoten maotik che bo keny che kiindounena ak che kiindounenen agobo emotinwek che chang’, ak bounatosiek, agobo luget ak yaitiet, ak koroito.

JEREMIA 45:4

Mwachi anyun inendet ko u ni, ilenji, Mwaei Jehovah ko u ni kole: Keero, abute ne kiateech, ak atutu ne kiamin; ak ayae nito eng’ emet komugul.

RIREKAB JEREMIA 1:15

Kigoyai Kiptaiyat bik tugul che nyigonen koek buch eng’ kwenunnyu; Kigoguurja tuiyet ne kiging’at kole kotuatui neranikyuk: Kigotiechatiech Kiptaiyat bergeiyatab Juda ko u ye kitiechei ole kitue sabibuk.

RIREKAB JEREMIA 2:6

Kigoisto emainnyi eng’ koromnatet, ko u kit ne bo seremut; Kigong’em oldanyi ole kituiyechin: Kigoyai Jehovah tuiyet ne kiging’at ak sabato keutie eng’ Sion, Ak kigosas eng’ nyitatetab neregekyik laitoriat ak tisiindet.

RIREKAB JEREMIA 4:12

Kima koyani laitorinikab ng’ony, anan bik tugul che menyei ng’ony, Kole imuchi usindet ak bunyot kochut ormarichokab Jerusalem.

DANIEL 8:13

Kiagas anyun inendet ne tilil kong’alali; ak kiteebe age ne tilil noto kang’alali, kolenji, Tebyei kot kotianit ng’ang’utiet agobo kagochinet ne kibeelei, ak bistoet ne ng’emisiei, si kigoito ole tilil koboto luget ketiechatiech?

HOSEA 2:12

Ak ang’em ketikyik che bo sabibuk, ak mogoonikyik, che kigomwa kole, Chu ko tuguk che kialena chamanikyuk: ak ayai tuguchoto koek osnet, ak koam tiong’ikab timin.

HOSEA 2:14

Noto anyun, ogeero, agaigai inendet, ak amut inendet kwo ong’atet, ak amwachi ng’alek che agaigae.

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

NG'ANG'UTYET 11:2

Ago bagakte, amat ikwa seremut ne mitei hekalut sang’; amu kigigochi Bororiosiek: ak kotiechei eng’ kelyekwak nganaset ne tilil eng’ arawek artam ak aeng’.