ISAIAH 48:9 - BUKUIT NE TILIL

⁹ Agoitoi neregekyuk amu kainennyu, ak amuitoi agobo inye amu kalosunennyu, si magesun.

Bukuit Ne Tilil

⁹ Agoitoi nereegekyuk amu kainennyu, ak amuitoi agobo inyee amu kalasunennyu, si magesun.

BUKUIT NE TILIIL Sireet ne Dutero Kanon

⁹ Agoitoi nereegekyuk amu kainennyu, ak amuitoi agobo inyee amu kalasunennyu, si magesun.

ISAIAH 48:9 ပူးပေါင်းရင်းမြစ်များ

TIENWOGIKAL 106:8

Ago kisor ichek amu kainennyi, Si kobiit konaak kimnatennyi ne bo kamuktaet.

TIENWOGIKAL 143:11

Isooba, ee Jehovah, amu kaineng’ung’: Imoong’u sobondanyu eng’ nyalilda amu imandang’ung’.

TIENWOGIKAL 25:11

Nyoiywa kaat tengektanyu, amu o, Amu kaineng’ung’, ee Jehovah.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 79:9

Toretech, ee Kamuktaindetab yetunennyo, amu torornatetab kaineng’ung’; Soruech, ak iunde tengekwogikyok, amu kaineng’ung’.

KALEWANAIK 19:11

Masartae neregek chito ne ng’om; Ak egu torornatennyi ye kasiirtoe bistoet.

ISAIAH 30:18

Igenok anyun Jehovah, si kobiit koboruok mieindo, ak koek anyun inendet ne itororot, si kobiit korirenak: amu Jehovah ko Kamuktaindetab kiruoget; iberurotin tugul che igeni inendet.

ISAIAH 37:35

Amu aribe nganasani, asoru, agobo ane, ak agobo Daudi otwogindennyu.

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

ISAIAH 48:11

Ayae amu kainennyu, amu kainennyu; amu kimuruonindoi ano kainennyu? Amagochini age torornatennyu.

ISAIAH 65:8

Mwaei Jehovah ko u ni kole, Ko u ye kinyorjin divaik che leelach logoek che irurugotin eng’ temet, ak kole age, Ameng’em, amu mi kaberuret tuguchoto: ayae anyun ko u noto agobo otwogikyuk, si mang’em ichek tugul.

JEREMIA 14:7

Agot ngo baorianjinech tengekwogikyok, ee Jehovah, boisie amu kaineng’ung’: amu chang’ kachuchugosiekyok bo ge; kigeyaun tengekto.

EZEKIEL 20:14

Ago kiaboisie anyun kainennyu, si ma kimuruon eng’ taitab bororiosiek, che kigeeronu ichek amutu komong’.

EZEKIEL 20:22

Ago kiaiste eunnyu, kiaboisie amu kainennyu, si ma kimuruon eng’ taitab bororiosiek, che kigeeronu ichek amutu komong’.

EZEKIEL 20:44

Ak onai ole a Jehovah, ye kaaboisie agobo okwek amu kainennyu, ma ko u ortinwekwok che yaachen, ama ko u boisionikwok che samis, ee okwek gotab Israel, mwaei Kiptaiyat Jehovah.

EZEKIEL 20:9

Ago kiaboisie amu kainennyu, si ma kimuruon kogeerei bororiosiek, che kimi ichek kwenunywa, bororiosiek che kigeerei aborjinige ichek, amutu komong’ eng’ emetab Misri.

EZEKIEL 36:21

Ago kiarire kainennyu ne tilil, ne kigomuruon gotab Israel eng’ bororiosiek, ole kiba.

JOSHUA 7:9

Amu tun kasei Kanamik ak tugul che menyei emet, agobo kiito, ak koyiemech komuutech, ak kotil kainennyo kobet eng’ ng’ony: si iite nee kaineng’ung’ ne o?

1 SAMUEL 12:22

Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.