ISAIAH 48:2 - BUKUIT NE TILIL

² Amu mwaei kole ki bo nganaset ne tilil, ak kotiiegei Kamuktaindetab Israel: kainennyi ko Jehovah ne bo lugosiek.

Bukuit Ne Tilil

² Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

² Amu mwaei kole ki po nganaseet ne tiliil, ak kotiegei Kamuktaindetap Israel: kainennyi ko Kamuktaindet ne Toroor ne po lugoosyek.

ISAIAH 48:2 ပူးပေါင်းရင်းမြစ်များ

NEEMIA 11:1

Ak kimeny Jerusalem bounikab bik: ak kiser kogeny barbarek bik che king’et, kole komut kebeberta agenge eng’ taman ne bo bik, komeny Jerusalem, nganaset ne tilil, ak kebeberwek sogol eng’ taman ne bo bik, komeny nganasok alak.

NEEMIA 11:18

Lawik tugul che kimi nganaset ne tilil ko ki bogol aeng’ ak tamanwogik sisiit ak ang’wan.

TIENWOGIKAL 48:1

O Jehovah, ak kanyol kilos mising’, Eng’ nganaset ne bo Kamuktaindennyo eng’ tulwennyi ne tilil.

TIENWOGIKAL 87:3

Kimwaitaenen tugukab teegisto, Ee inye nganasetab Kamuktaindet.

ISAIAH 10:20

Ak eng’ betunoto ko ma kotiiegei kogeny che king’et eng’ Israel, ak ichek che kichililyo eng’ gotab Jakobo, inendet ne kibirei ichek; ago tiiegei Jehovah iman, Inendet ne Tilil ne bo Israel.

ISAIAH 47:4

Katiagindennyo, kainennyi ko Jehovah ne bo lugosiek, Inendet ne Tilil ne bo Israel.

ISAIAH 51:13

ak kiiutie Jehovah Yaindeng’ung’, ne kiito kipsengwetisiek, ak kolumda lumeiywekab ng’ony; ak iyweisiei kotugul, betut komugul, amu koromnatetab usindet ye chobegei si kong’emis? Mi ano koromnatetab usindet?

ISAIAH 51:15

Amu a Jehovah Kamuktaindeng’ung’, ne awase nyanjet, si komoror mildaetab ge ne bo beek: kainennyi ko Jehovah ne bo lugosiek.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

JEREMIA 10:16

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

JEREMIA 21:2

Asomin ale, teebwech eng’ Jehovah; amu ibokyinech Nebukadresar laitoriatab Babulon: tamangab koyaiywech Jehovah ko u boisionikyik tugul che kikwong’e, si kobiit kwo koistoeneigei.

JEREMIA 44:26

Ogas anyun ng’olyotab Jehovah, okwek bikab Juda tugul che omenye emetab Misri: Ogeero, koayosie eng’ kainennyu ne o, mwaei Jehovah, ale, ma komwaei kainennyu chi age tugul ne bo Juda eng’ emet tugul ne bo Misri, kole, Ko u ye sobei Kiptaiyat Jehovah.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MATAYO 27:53

ak ye kingo kagong’eet Jesu, komong’ bichoto agichek eng’ kererisiekwak komong’ji nganaset ne tilil, koborjigei che chang’.

MATAYO 4:5

Yeityo komut oindet inendet kwo nganaset ne tilil; kiimut kwo kimonjogut ne bo hekalut,

ROMANIK 2:17

Ago ngeguurenen Yahudiot, ak itiiege Ng’atutiet, ak ichouge eng’ Jehovah,

NG'ANG'UTYET 11:2

Ago bagakte, amat ikwa seremut ne mitei hekalut sang’; amu kigigochi Bororiosiek: ak kotiechei eng’ kelyekwak nganaset ne tilil eng’ arawek artam ak aeng’.

NG'ANG'UTYET 21:2

Ak kiageer nganaset ne tilil, Jerusalem ne leel, kochorugei eng’ kipsengwet kobunu Jehovah, ko kagechob ko u mureret ne kagelelesonjinechi manong’otiondennyi.

NG'ANG'UTYET 22:19

ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.

KIRUOGIK 17:13

Kole anyun Mika, Angen nguno ale yaiywa Jehovah ne mie, amu atinye Lawindet ne tisiindennyu.