ISAIAH 48:1 - BUKUIT NE TILIL

¹ Ogas ni anyun, okwek, ee gotab Jakobo, che kimwaitoenok kainetab Israel, che kiobiitune beekab Juda; che oyostosi eng’ kainetab Jehovah, ak omwae Kamuktaindetab Israel, ago ma eng’ iman, anan ko eng’ imanda.

Bukuit Ne Tilil

¹ Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

BUKUIT NE TILIIL Sireet ne Dutero Kanon

¹ Ogas ni anyun, okweek, ee kootap Jakobo, che kimwaitoenok kainetap Israel, che ki obiitune peegap Judah; che oyostosi eng' kainetap Kamuktaindet ne Toroor, ak omwae Kamuktaindetap Israel, ago ma eng' iman, anan ko eng' imanda.

ISAIAH 48:1 ပူးပေါင်းရင်းမြစ်များ

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

TAUNET 35:10

Ak kilenji Kamuktaindet inendet, Kaineng’ung’ ko Jakobo: ma keguurenen Jakobo kogeny, ago ngeguurenen Israel, ak kiguure kainennyi Israel.

2 LAITORINIK 17:34

Yaei kora ko u atebosiek che ki bo tai agoi ra; maiywei Jehovah, amaisubi konetisiosiekwak, anan ko kotigonutikwak, anan ng’atutiet, anan kayomiset, che king’at Jehovah lagokab Jakobo, ne kiguure inendet Israel;

2 LAITORINIK 5:20

Ago kile Geasi otwogindetab Elisha chitab Kamuktaindet, Keero, kabagakyi kiptaiyandennyu Naaman Suriaindet, amataach eng’ eunnyi tuguk che kaibu: ko u ye sobei Jehovah, alabati asubi inendet, ak aibe inendet tuguk alak.

TIENWOGIKAL 63:11

Ago baibai laitoriat eng’ Kamuktaindet: Igasegei age tugul ne iyostos eng’ inendet; Amu kigerei kutuswekab kiplembechonik.

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

TIENWOGIKAL 68:26

Olosu Kamuktaindet eng’ tuiyosiek, Olosu Kiptaiyat, che ko bo kondametutab Israel.

TIENWOGIKAL 68:27

Mitei Benjamin ne ming’in, bounindenywa, Mitei bounikab Juda ak tuiyenywa, Bounikab Sebulun, bounikab Naptali.

KOMONG'U 23:13

Ak orib tuguk tugul che kaamwawok: amat omwa kainaikab cheptalelisiek, amat kegasyi kuting’ung’.

KALEWANAIK 5:16

Tos kanyol koseergei kondametusieguk che bo beek eng’ olo tugul, Ak ainosiekab beek eng’ ortinwek?

ISAIAH 26:13

Ee Jehovah Kamuktaindennyo, kigoboiywech kiptainik alak; ago eng’ inye, inyege, kemwae kaineng’ung’.

ISAIAH 44:5

Mwaei age kole, A bo Jehovah; ak koguuregei age kainetab Jakobo; ak kosirji age eunnyi kainetab Jehovah; ak komwaitoegei kainetab Israel.

ISAIAH 45:23

Kiayosiechige, kagomong’une ng’olyot kutinnyu eng’ imanda, ama weechegei, ale, kutung’jina kutundo age tugul, iyostos ng’elyepta age tugul.

ISAIAH 46:12

Oepcha it, okwek che o nyigonen, che o looen eng’ imanda:

ISAIAH 51:1

Oepcha it, okwek che osubi imanda, okwek che ocheng’e Jehovah: ogeer ruandet ne kigimoong’unenok eng’ waet, ak ogeer keringet ne kigibalunenok.

ISAIAH 51:2

Ogeer Abraham kwandang’wong’, ak Sara ne kisichok: amu kiaguur inendet ye kita komi inegei, ak aberur inendet ak abaraa.

ISAIAH 58:2

Ago cheng’a betut age tugul, ak chamei konai ortinwekyuk: ko u bororiet ne kiyai imanda, ama meto kiruogetab Kamuktaindenywa, teebena kiruogutik che bo iman, chamei korikyi Kamuktaindet.

ISAIAH 62:8

Kigoyosio Jehovah eng’ eunnyi ne bo tai, ak eng’ eutab kimnatennyi, kole, Iman, ma agoitoi beguk koek amitwogikab buniguk; ama koee toek divaiguk, che kiiyai:

ISAIAH 64:6

Amu kigiige tugul chi ne bo simdo, ak u imandanyo tugul ngoriet ne muruon: ak kirestosi achek tugul ko u sogot; ak onech yaitwogikyok ko u ye onsei usonet.

ISAIAH 65:16

si koek ne iberuregei eng’ ng’ony ne iberuregei eng’ Kamuktaindet ne bo iman, ak koek ne iyostos eng’ ng’ony ne iyostos eng’ Kamuktaindet ne bo iman; amu kigeutie nyalilwogik che bo tai, amu kigeuny si ma ageere.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

JEREMIA 44:26

Ogas anyun ng’olyotab Jehovah, okwek bikab Juda tugul che omenye emetab Misri: Ogeero, koayosie eng’ kainennyu ne o, mwaei Jehovah, ale, ma komwaei kainennyu chi age tugul ne bo Juda eng’ emet tugul ne bo Misri, kole, Ko u ye sobei Kiptaiyat Jehovah.

JEREMIA 5:2

Agot ngo mwaei ichek kole, Ko u ye sobei Jehovah; koyostos iman eng’ lembechek.

ATEPTAP LAWIK 19:12

Amoyosiechige eng’ kainennyu eng’ lembech, agoi ireny kainetab Kamuktaindeng’ung’; a Jehovah.

MIKAH 2:7

Ee gotab Jakobo, tos kimwae kele, Tos rartaat Tamirmirietab Jehovah? Tos boisionikyik chuto? Tos mayachin ng’alekyuk ne mie inendet ne wendote imanda?

SEPANIA 1:5

ak ichek che ilosu tuguk tugul che bo kipsengwet, eng’ gorik barak; koboto icheget che ilosu, che iyosiechin Jehovah, ak koyostos eng’ kainetab Malkam;

SEKARIA 5:3

Kimwawa anyun kolenja, Nito ko chubisiet ne wendi koyomu emet komugul: amu age tugul ne chorsei keistoi eng’ komosi ko u ye mwaei; ak age tugul ne iyostos keistoi eng’ komosin ko u ye mwaei bukuinoto.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

KAITOSYEK 24:7

Rootune beek terenikyik, Ak tebune iyotennyi beek che chang’, Ak eetu laitoriandennyi kosiir Agag, Ak kieeti bounatennyi.

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

JOHANA 1:47

Kigeer Jesu Natanael konyonei ole mi inendet, ak kole agobo inendet, Ogeero, Israelindet iman, ne matinyei ng’alset!

JOHANA 4:24

Jehovah ko Tamirmiriet: ak kanyol kosa inendet eng’ tamirmiriet ak iman che saei inendet.

ROMANIK 2:17

Ago ngeguurenen Yahudiot, ak itiiege Ng’atutiet, ak ichouge eng’ Jehovah,

ROMANIK 9:6

Ago ma kele kogoek buch ng’olyotab Jehovah. Amu ma Israelik ichek tugul, che bo Israel:

ROMANIK 9:8

Noto anyun, ichek ko ma lagokab borto che lagokab Jehovah; ago lagokab arorutiet che kiiti koek keswot.

NG'ATUTIK 10:20

Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.

NG'ATUTIK 33:28

Meng’isiei anyun Israel eng’ kalyet, Kondab beek ne bo Jakobo inegei, Eng’ emet ne bo bek ak divaik; Ee, isau kipsengwetisiekyik rewot.

NG'ATUTIK 5:28

Ak kigas Jehovah ng’alekwok ye kiong’alalwa; ak kilenja Jehovah, Kaagas ng’alekab bichu che kamwaun: miachen tugul che kamwa.

NG'ATUTIK 6:13

Iywei Jehovah Kamuktaindeng’ung’; ak iot, ak iyosie eng’ kainennyi.

1 TIMOTEO 4:2

eng’ chombilisietab bik che ng’alali lembech, che kigoigei kabwatutikwak che kigibeele karnet ne beelei bich;

NG'ANG'UTYET 2:9

Angen nyalildang’ung’, ak banandang’ung’ (ago i magoriot), ak chubisietab ichek che mwaei kole ki Yahudik, ago ma ichek, ago sunagogitab Setani.

NG'ANG'UTYET 3:9

Keero, agochini che bo sunagogitab Setani, icheget che mwaei kole ki Yahudik, ago ma ichek, kenu, keero, agochini ichek kobwa kogutuny eng’ kelyeguk, ak konai kole kiachamin.