ISAIAH 47:3 - BUKUIT NE TILIL

³ King’anyin itebi ach ngor, ee, toogu tewernateng’ung’: ayaaktoi mugetut, amataache chi age tugul.

Bukuit Ne Tilil

³ King'aanyin itebi aach ngor, ee, taagu teweernateng'ung': ayaaktoi mugetuut, amataache chii age tugul.

BUKUIT NE TILIIL Sireet ne Dutero Kanon

³ King'aanyin itebi aach ngor, ee, taagu teweernateng'ung': ayaaktoi mugetuut, amataache chii age tugul.

ISAIAH 47:3 ပူးပေါင်းရင်းမြစ်များ

TAUNET 3:7

Koyatogis anyun konyekwak ichek tuwai, ak konai kole mi ach ngor; konabanab anyun sogekab mogoiywet, konapchigei ngoroik che kigermenegei.

ISAIAH 20:4

imuti ko u noto laitoriatab Asuria luulenik che bo Misri, ak luulenikab Etiopia, che mengech ak che osen, komi ach ngor ama tinyei kweonik, kotoogu ngorook, ne kalilanetab Misri.

ISAIAH 3:17

bire anyun Kiptaiyat tibikab Sion bokbogenetab metowekwak, ak kong’anyei Jehovah ichek koba ach ngor.

ISAIAH 35:4

Olenji ichek che arogendos, Ogimegitu, amoiyweisie: ogeero, nyonei Kamuktaindeng’wong’ ak yaaktaetab mugetut, koboto kageeretab Kamuktaindet; nyonei kosoruok.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 13:26

Ang’anye anyun agane ngoroiguk kot koit metit, ak kotook tewernateng’ung’.

JEREMIA 51:11

Olit kipchabonik; onam long’onik komie: kagong’eet Jehovah tamirmirikab laitorinikab Medik; amu chobennyi ko kogirinda Babulon, kong’em: amu yaaktaetab mugetut ne bo Jehovah, yaaktaetab mugetut ne bo hekalunnyi.

JEREMIA 51:4

Ak kobutyo ko kagobek eng’ emetab Kaldeik ko kagetoor eng’ ortinwekyik.

JEREMIA 51:56

amu kagonyonji inendet luulindet, kagonyonji Babulon, ak kagenam murenikyik che nyigonen, kagetonaton kwangokwak: amu Jehovah ko Kamuktaindet ne bo yaaktaetab mugetut, yaaktoi iman mugetut.

EZEKIEL 16:37

noto anyun, keero, ayumi chamaniguk tugul, che kiobaibaige, koboto ichek tugul che koicham, ak koboto ichek tugul che koiwech; ayumjinin ichek kobun komosta age tugul, ak ang’ang’ji ichek kogeerin imi ach ngor, si kobiit kogeer ach ngorieng’ung’ tugul.

NAHUM 3:5

Keero, aborienen, mwaei Jehovah ne bo lugosiek, ak ang’anye ngoroiguk kot koit metit; ak aborjin bororiosiek imi ach ngor, ak kaborji bounatosiek tewernateng’ung’.

ROMANIK 12:19

Chamanichu, amoyaakte mugetut, ago ogochi boroindo neregek: amu sirat kole, Nenyu yaaktaetab mugetut; ayaaktoi, mwaei Kiptaiyat.

NG'ATUTIK 32:35

Nenyu mugetut, ak kageeret, Eng’ betut ne kagochabaita kelyekwak: Amu karik betutab nyalildanywa, Ak chogu tuguk che bwanjin ichek.

NG'ANG'UTYET 16:19

Ak kipcheak nganaset ne o koek kebeberwek somok, ak kilulyo nganasokab bororiosiek: ak kigibwat Babulon ne o eng’ taitab Jehovah, si kobiit kigochi inendet kikombet ne bo divaikab koromnatetab neregekyik.

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.