ISAIAH 41:2 - BUKUIT NE TILIL

² Ng’o ne kiing’eet inendet ne bunu kong’asis, ne kuurei eng’ imanda konyo kelyekyik? Igoitoi bororiosiek eng’ tainnyi, ak kogochi inendet koboi laitorinik; igochin ichek koigei temburiek eng’ rotwennyi bo chok, ko u metetek che arureni, eng’ taitab kwangennyi.

Bukuit Ne Tilil

² Ng'oo ne ki ing'eet ineendet ne punu kong'asiis, ne kuurei eng' imanda konyo keelyekyik? Igoitoi pororyosyek eng' tainnyi, ak kogoochi ineendet koboi laitorinik; igoochin icheek koigei temburyek eng' rotwennyi po chok, ko uu meteteek che arureni, eng' taitap kwangennyi.

BUKUIT NE TILIIL Sireet ne Dutero Kanon

² Ng'oo ne ki ing'eet ineendet ne punu kong'asiis, ne kuurei eng' imanda konyo keelyekyik? Igoitoi pororyosyek eng' tainnyi, ak kogoochi ineendet koboi laitorinik; igoochin icheek koigei temburyek eng' rotwennyi po chok, ko uu meteteek che arureni, eng' taitap kwangennyi.

ISAIAH 41:2 ပူးပေါင်းရင်းမြစ်များ

TAUNET 11:31

Ak kiimut Tera werinnyi Abram, ak Lot weritab Haran, weritab werinnyi, ak Sarai osotiotab werinnyi Abram; kiba tugul eng’ emetab Ur ne bo Kaldeik, koba emetab Kanan; kiit Haran, koba komeny oloto.

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

2 SAMUEL 22:43

Kiatonaton anyun ichek komengegitu koigei temburiekab ng’ony, Kiatiech ko u ng’atatek che mi ortinwek, ak ayeste.

2 LAITORINIK 13:7

Amu ma ituukyi bik Jeoahas, kobate bik konom che lanyei mbartanyisiek, ak karisiek taman, ak bik elfusiek taman che bunei kelyek; amu kibar laitoriatab Suria ichek, ak koyai koigei metetek che mi ole kiborse.

2 ATEPTAP PEETUUSYEK 36:23

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda. Ingotogosta age tugul eng’ okwek che o bo bikyik tugul, ak ingoteb Jehovah Kamuktaindennyi koboto chichoto.

EZRAH 1:2

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda.

ISAIAH 40:24

Ee, kima komin ichek, ee, kima kigol ichek; ee, kima nam ng’ony tigitikwak: si koguut inendet ichek, ak koresyo, ak koib kipchurjuriet ichek ko u mobek.

ISAIAH 41:25

Koang’eet age ne bunu murot ne bo katam, ak kagoit; bunu inendet ne kuure kainennyu ole chorunei asista: ak nyonjin bounik ko u ye nyonjin menet, ak ko u cheptereniot ne tiechei menet.

ISAIAH 41:3

Onei, ak kosiirto eng’ kalyet; agot eng’ oret ne kitom kobunei.

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 45:1

Mwachin Jehovah Kirus, nenyi ne iilat, ne aname eunnyi ne bo tai, koterter bororiosiek eng’ tainnyi, ak atiach suenutikab laitorinik; si ayat kurgotik eng’ tainnyi, ama kigerei ormarichok, komwaei ko u ni kole;

ISAIAH 45:13

Kiang’eet inendet eng’ imanda, ak alititi ortinwekyik tugul: inendet ne teechei nganasennyu, ak kotiach bikyuk che kigimut, ma eng’ alet anan melekto, mwaei Jehovah ne bo lugosiek.

ISAIAH 46:11

aguure taritiet ne amei banyek eng’ kong’asis, aguure kiruogindennyu kobun emet ne loo; ee, kaamwa, ak ayae kosulda; kiachob, ak ayai.

ISAIAH 48:15

Ane, ee anendet ne kiamwae; ee kiaguur inendet: kiamutu, ak borei inendet eng’ orennyi.

RIREKAB JEREMIA 1:15

Kigoyai Kiptaiyat bik tugul che nyigonen koek buch eng’ kwenunnyu; Kigoguurja tuiyet ne kiging’at kole kotuatui neranikyuk: Kigotiechatiech Kiptaiyat bergeiyatab Juda ko u ye kitiechei ole kitue sabibuk.

HEBRANIK 7:1

Amu Meldisedeki-nito, laitoriatab Salem, Tisiindet ne bo Jehovah ne Toror Mising’, ne kituiyo ak Abraham ye kiweeksei kobunu ole kibare laitorinik, ak koberur inendet,

NG'ANG'UTYET 16:12

Ak kirong’ji malaikaiyat ne bo lo tabennyi ainet ne o, noto ko Euprate; ak kiyaamnyo beekyik, si kobiit kochobok oretab laitorinik che bunu kong’asis.

NG'ANG'UTYET 7:2

Ak kiageer malaikaiyat age kotogosta kobunei kong’asis, kotinyei ng’oksetab Jehovah ne sobei: ak kimwachi malaikaisiek ang’wan eng’ kutit ne o, che kigigochi kong’em ng’ony ak nyanjet,