ISAIAH 40:9 - BUKUIT NE TILIL

⁹ Togoste tulwet ne koi inye ne imwachini logoiywek che miach Sion; waach mising’ eng’ kimnatet inye ne imwachini Jerusalem logoiywek che miach; waach, ameiywei; mwachi nganasokab Juda ilenji, Ogeer, Kamuktaindeng’wong’!

Bukuit Ne Tilil

⁹ Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

BUKUIT NE TILIIL Sireet ne Dutero Kanon

⁹ Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 40:9 ပူးပေါင်းရင်းမြစ်များ

2 ATEPTAP PEETUUSYEK 13:4

Ak kitonon Abija eng’ tulwetab Semaraim, ne mi emetab tulonok ne bo Epraim, ak kole, Ogasa, ee Jeroboam ak Israel tugul;

ISAIAH 1:1

Ng’ang’utietab Isaia weritab Amos, ne kigeer agobo Juda ak Jerusalem, eng’ betusiekab Usia, Jotam, Ahas ak Hesekia, laitorinikab Juda.

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 25:9

Ak tun kimwaei eng’ betunoto kele, Ogeero, nito ko Kamuktaindennyo; kigigen inendet, ak soruech inendet: nito ko Jehovah; kigigen inendet, kigasige ak keboiboitu eng’ yetunennyi.

ISAIAH 35:2

Yiei mising’, ak kobaibait eng’ boiboiyet ak eng’ tiendo; kigochin torornatetab Lebanon, telunatetab Karmel ak Saron: keerei ichek torornatetab Jehovah, telunatetab Kamuktaindennyo.

ISAIAH 41:27

Amwachini korok Sion, alenjini, Keero, keer ichek-o; ak agochini Jerusalem inendet ne ibu logoiywek che miach.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

ISAIAH 51:12

Ane, anendet ne agoigook: i ng’o, kot iywei chito ne meei, ak iywei weritab chi ne kiyaei koek suswot;

ISAIAH 51:7

Oepcha it, okwek che ongen imanda, bik che mi ng’atutiennyu mugulelwekwak: amoiywei chotisietab bik, amoarogense amu churisiosiekwak.

ISAIAH 52:6

Nae anyun bikyuk kainennyu: naei anyun eng’ betunoto kole ane ne ang’alali; ogeero, ane.

ISAIAH 58:4

Ogeero, orugutige agobo boriet ak suriet, ak olugisie yaitiet: morugutige eng’ betuni si kegas kuting’wong’ eng’ ole bo barak.

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

JEREMIA 22:20

Togoste Lebanon, ak irir; ak iwaach eng’ Basan: ak irir eng’ Abarim; amu kagobar chamaniguk tugul.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

NAHUM 1:15

Ogeero, mi tulonok kelyekab inendet ne ibu logoiywek che miach, ne mwaitoi kalyet! Rib igorweguk, ee Juda, yai kaarortaosieguk kosulda: amu ma kosiirei kogeny kiptengekyot ole imi: kibarei inendet.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

POISYONIGAP CHE KIYOKTOI 2:14

Ago kitonon Petero koboto taman ak aeng’, ak kolenji, eng’ kutit ne o, Okwek, bikab Judea, ak okwek tugul che omenye Jerusalem, ingonaak ni eng’ okwek, ak oepchi it ng’alekyuk.

POISYONIGAP CHE KIYOKTOI 4:13

Ak kingogeer nyiganatetab Petero ak Johana, ak konai kole bik che ma kinet, ama toogunotin, kokwong’io; ak kinai kole, kicham komi koboto Jesu.

POISYONIGAP CHE KIYOKTOI 4:29

Ak nguno anyun, Kiptaiyandani, keer kertaenywa bo kong’: ak igochi otwogiguk komwa ng’olyondeng’ung’ eng’ nyiganatet tugul,

ROMANIK 10:18

Ago amwae ale, Tos kima kas? Ee, iman, Kiwa twegunenywa koyom emet komugul, Ak kiba ng’alekwak agoi tabanwekab ng’ony.

EPESOEK 6:19

Ak agobo ane, si kobiit kegona twegunet, ayat kutinnyu, abarta eng’ nyiganatet ung’otiet ne bo logoiywek che miach,

1 TIMOTEO 3:16

Ak ne matiny, ko o ung’otiot ne bo kaiyweet ne kiywei Jehovah; Inendet ne king’ang’ak eng’ borto, Kigiityi imanda eng’ tamirmiriet, Ne kigeer malaikaisiek, Ne kigiamda eng’ Bororiosiek, Ne kiiyan che bo ng’ony, Ne kigimut kwo barak eng’ torornatet.

1 PETERO 3:14

Ago ngot onyalili agobo imanda, ko o boiboen: amoiywei kamuisenywa, anan oiimge:

KIRUOGIK 9:7

Ak ye kingemwachi Jotam, kwo kotonone tulwet barak ne bo Gerisim, ak komwa eng’ kutit ne o, kowaach, kolenji, Ogasa, okwek bikab Sekem, si kobiit kogasak Kamuktaindet.