ISAIAH 4:3 - BUKUIT NE TILIL

³ Ak tun kiguure ne itabanat inendet ne ng’etu eng’ Sion, ak inendet ne ng’etu eng’ Jerusalem, chito age tugul ne kigisir eng’ che soptos eng’ Jerusalem:

Bukuit Ne Tilil

³ Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

BUKUIT NE TILIIL Sireet ne Dutero Kanon

³ Ak tuun kiguure ne itabaanat ineendet ne ki ng'et eng' Zion, ak Jerusalem, chiito age tugul ne ki kisir eng' che saptos eng' Jerusalem.

ISAIAH 4:3 ပူးပေါင်းရင်းမြစ်များ

TIENWOGIKAL 69:28

Ingibukto ichek eng’ bukuitab sobon, Amat kesir koboto che bo imanda.

TIENWOGIKAL 87:6

Tun iiti Jehovah ye sirei bik, kole Kigisikyin chichi oloto.

ISAIAH 1:27

Tun kitiachi Sion eng’ kiruoget, ak kitiache eng’ imanda bikyik che sigu.

ISAIAH 28:5

Egu Jehovah ne bo lugosiek eng’ betunoto nariet ne bo torornatet, ak kutwetab telunatet, eng’ bikyik che ng’etu;

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 46:3

Oepcha it, ee gotab Jakobo, ak tugul che ng’etunotin che bo gotab Israel, che kiageseni koboch ko kagisich, che kigigeseni koboch komi mo:

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

ISAIAH 60:21

Ak koek che bo imanda kogeny biguk tugul, ak koek emet borotenywa koigeny; temet ne kiamin, boisietab eunekyuk, si kobiit kegonyita.

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

EZEKIEL 13:9

Ak koborie eunnyu maotik che keerei tangoita, ak che ng’orei lembechek: matebe kapkiruogetab bikyuk, ama kisirjin bukuit ole kisirjin gotab Israel, ama bendi emetab Israel; si onai ole a Kiptaiyat Jehovah.

EZEKIEL 43:12

Nito ko ng’atutietab got: egu ne tilil mising’ eng’ tulwet barak komoswek tugul ole boch. Ogeero, nito ko ng’atutietab got.

JOEL 3:17

Onai anyun ole a Jehovah Kamuktaindeng’wong’, amenye Sion tulwennyu ne tilil: tililitu anyun Jerusalem, ama kobunei toek kogeny.

OBADIA 1:17

Ago biitu che chilildos eng’ tulwetab Sion, ak kotililit; ak konam gotab Jakobo tugukab bichoto, kobunji.

SEKARIA 14:2

Amu tun ayumi bororiosiek tugul kobokyi Jerusalem kobargei; ak kenam nganaset, ak keluul gorik, ak kesuub kwonyik: ak kimut kebebertab nganaset koek luulenik, ama kibarei bik che kang’et eng’ nganaset.

MALAKI 3:16

King’alaljigei anyun che iywei Jehovah: ak kieb it Jehovah kogas ak kigisir eng’ tainnyi bukuitab kabwatet agobo ichek che iywei Jehovah, ak kobwati kainennyi.

LUKA 10:20

Ago amoboiboitu amu ng’olyondoni, amu kasok it oik; ago oboiboitu amu sirotin kainaikwok eng’ kipsengwet.

POISYONIGAP CHE KIYOKTOI 13:48

Ak kingogas Bororiosiek ng’olyondonito, koboiboitu, ak kogonyit ng’olyotab Jehovah: ak koyan tugul che kiga kelewenji sobondab koigeny.

ROMANIK 11:4

Ago lenjin nee wolunetab Jehovah? Kaatukyige murenik elfusiek tisab, che ma kutung’ji Baal.

ROMANIK 11:5

Agot ko u noto anyun agine eng’ betusiechu, mitei che ng’etunotin ko u lewenet ne bo mieindo.

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

KOLOSAIK 3:12

Noto anyun, amu o lewenaikab Jehovah che tililen ak ko o chamanik, olaach muguleldo ne bo rirenetab ge, talasiet, kaming’inetab ge, mutyonet, ak muitaet;

HEBRANIK 12:14

Ogiilge otebi eng’ kalyet koboto bik tugul, ak tililinoto ne ngo matinyei chi ko maimuchi kogeer Kiptaiyat:

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 3:5

Inendet ne iterteri kotun kilaakyin ko u noto ngoroik che leelach; ak magoi abuch kainennyi eng’ bukuitab sobondo, ago ang’anye kainennyi eng’ taitab Baba, ak eng’ taitab malaikaisiekyik.