ISAIAH 3:5 - BUKUIT NE TILIL

⁵ Ak tun kiusei bik, usei age age, ak kous age tugul chitab kokwennyi: ak kosas lakwa boiyo, ak kosas chito ne nyerat chito ne konyitot.

Bukuit Ne Tilil

⁵ Ak tuun kiusei piik, usei `age age, ak kous age tugul chiitap kokwennyi. Sasei `lakwa poiyo, ak kosas `chiito ne nyeraat chiito ne konyitot.

BUKUIT NE TILIIL Sireet ne Dutero Kanon

⁵ Ak tuun kiusei piik, usei `age age, ak kous age tugul chiitap kokwennyi. Sasei `lakwa poiyo, ak kosas `chiito ne nyeraat chiito ne konyitot.

ISAIAH 3:5 ပူးပေါင်းရင်းမြစ်များ

2 LAITORINIK 2:23

Ak kitogosta eng’ oloto kwo Bet-el: ak ye kita kotogostoi eng’ oret, komong’ werik che mengechen eng’ nganaset, ak kowit inendet, kolenji, Togoste inye kipchurmet, togoste, inye kipchurmet.

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

ISAIAH 11:13

Ak koistogei ng’et kondab Epraim kogeny, ak keisto ichek che inyalili Juda: ak maamei ng’etkong’ Epraim agobo Juda, amainyalili Juda Epraim.

ISAIAH 19:2

Ak ang’eet Misrik kobargei ak Misrik: ak kobargei chi tugul ak tupchennyi, ak kobargei chi tugul ak chitab kokwennyi; baregei nganaset age ak age, ak kobargei bounatet age ak age.

ISAIAH 9:18

Amu lalei yaitiet ko u mat; igesu katablelinik ak katok: ee, lalei eng’ osnet ne o, ak koiyen iyeto ne o ne u bolik che nyigisen.

JEREMIA 22:17

Ago matokyingei konyeguk ak muguleldang’ung’ kiy age kobate tugukab ng’wen, ak tumdaetab korotik che matinyei tengek, ak sastaet, ak koromnatet, koyai choto.

EZEKIEL 22:12

Kigotaach ichek eng’ inye tugukab kagaigaet si kotumda korotik; kiib kelunet ne siirtoot ak che tesotin, ak kiinyoru borotet eng’ keiyandit amu kiisastae bikab kokweng’ung’, ak kilutiena, mwaei Kiptaiyat Jehovah.

ATEPTAP LAWIK 19:32

Tononji ne tinyei kalwalek, ak igonyit boiyo, ak iywei Kamuktaindeng’ung’: a Jehovah.

AMOS 4:1

Ogas ng’olyondoni, okwek tugab Basan, che mitei tulwetab Samaria, che sastoe kibananok, che tiekyin ng’ony che matinyei kiy, che lenjin kiptainikwak, Oibu, kee.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 7:2

Kigobet chi ne iywei Jehovah eng’ ng’ony, ama mi agot agenge ne bo iman eng’ bik: saptoi tugul kotumdoi korotik; riichei chi age tugul mestet agobo ng’etab kamet.

SEKARIA 11:6

Amu ma arire kogeny bik che menyei emoni, mwaei Jehovah: ago keero, agoitoi chi tugul kwo eutab chitab kokwennyi, ak agoite kwo eutab laitoriandennyi: ak kobar emet, amasoru ichek eng’ eunywa.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 26:67

Yeityo kosing’ilji togennyi ak koluch: ak korabach alak,

MARIKO 14:65

Ak kitoi alak kosing’ilji inendet, ak kotuch togennyi, ak koluch, ak kolenji, Ng’orse: ak kinam ng’atik inendet ak korabach.

LUKA 22:64

Ak kituch konyekyik, ak koteebe, kole, Ng’orse: ng’o ne kamasin?

JAKOBO 2:6

Ago kaosas kibananiat. Tos mainyalilok magorek, ak kochuutok obe kapkiruogutik?

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.