ISAIAH 27:3 - BUKUIT NE TILIL

³ Ane Jehovah ne aribe; abisi kotugul, aribe kemoi ak bet si mang’em chi.

Bukuit Ne Tilil

³ Anee Kamuktaindet ne Toroor ne ariibe; abisi kotugul, ariibe kemoi ak peet si ma ng'em chii.

BUKUIT NE TILIIL Sireet ne Dutero Kanon

³ Anee Kamuktaindet ne Toroor ne ariibe; abisi kotugul, ariibe kemoi ak peet si ma ng'em chii.

ISAIAH 27:3 ပူးပေါင်းရင်းမြစ်များ

TAUNET 6:17

Ogeero, aipchini ane ng’ony maranet ne o ne bo beek, si ang’eme borwek tugul, age tugul ne tinyei kabusetab sobondo, eng’ kureretab kipsengwet; ak kome age tugul ne mi ng’ony.

TAUNET 9:9

Ogeero, kaagimit, ane, kayomisennyu kobotok ak koboto iyoteng’wong’ ne biitu let;

1 LAITORINIK 8:59

Ak ingorikyi ng’alechuchuk Jehovah Kamuktaindennyo, bet ak kemoi, chu kasome eng’ taitab Jehovah, si kobiit koyachi otwogindennyi kit ne machei, ak kit ne machei bikyik Israel, ko u ye machei eng’ betut age tugul:

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:5

Mi Kamuktaindet kwenunnyi; ama kiistoi: Toreti Kamuktaindet inendet ko kaeech.

ISAIAH 31:5

Ko u ye tirirendos taritik, ko u noto ribei Jehovah ne bo lugosiek Jerusalem; ribei ak kosoru, siirtoi kowendi koribei.

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 44:3

Amu arong’jini beek ne amei melel, arong’jini ainosiek emet ne yaamat: arong’jini Tamirmiriennyu iyoteng’ung’, ak arong’jini berurtanyu lagoguk:

ISAIAH 46:4

A inendet agoi osindo, ak agesenok agoi osich kalwalek: kiayae, ak ageseni, ee ageseni, ak asoru.

ISAIAH 46:9

Obwat tuguk che bo tai che bo keny; amu a Kamuktaindet, ama mi age; a Kamuktaindet, ama mi age ne kegerge;

ISAIAH 49:8

Mwaei Jehovah ko u ni kole, Kiawolun eng’ betut ne chamaksei, ak kiatoretin eng’ betutab yetunet: ak aribin, ak agonin iegu arorutietab bik, si ilang’u emet, si igochi kobore borotosiek che kimi buch;

ISAIAH 5:6

ak angem; ma kesabori, ama kesemberi; ago bitos katablelinik ak katok: ang’ate kogeny bolik si mata korobonji.

ISAIAH 58:11

Ak kondoun Jehovah kotugul, ak kogochi sobondang’ung’ kobiyo eng’ komoswek che yaamnyotin, ak kogimit koweguk; ak iige mbaret ne kibisi, ak iige kererut ne matenyei.

ISAIAH 60:16

Ichuchuni kogeny chegab bororiosiek, ak irerie kinaikab laitorinik: si kobiit inai ile ane Jehovah, ko a yetindeng’ung’, ak ko katiagindeng’ung’, Inendet ne bo Kamuktaet ne bo Jakobo.

EZEKIEL 34:11

Amu mwaei Kiptaiyat Jehovah ko u ni kole: Ogeero, ane, anendet ne acheng’oti kechirekyuk, ak asuboti ichek.

EZEKIEL 34:24

Ak aegu ane Jehovah Kamuktaindenywa, ak koek Daudi otwogindennyu, bounindet eng’ kwenunywa; kamwae ane Jehovah ng’olyondonito.

EZEKIEL 37:14

Ak andeok Tamirmiriennyu, si osopche, ak andeok emeng’wong’ si kobiit onai ole ane Jehovah ne kamwae ng’olyondonito, ak ayai, mwaei Jehovah.

EZEKIEL 37:28

Ak konai bororiosiek kole a Jehovah ne atabani Israel, ye tun tebe oldanyu ne tilil kwenunywa koigeny.

1 SAMUEL 2:9

Ribei kelyekab bikyik che tililen, Ago igochin kiptengeginik kosisyo eng’ ole imen; Amu maiterterisiei chi amu kimnatet.