ISAIAH 26:7 - BUKUIT NE TILIL

⁷ Litit oretab inendet ne bo iman: inye ne i litit, indochini ortinwekab chito ne bo iman.

Bukuit Ne Tilil

⁷ Litit ooreetap ineendet ne po iman; inyee ne ii litit, indochini ortinwegap chiito ne po iman.

BUKUIT NE TILIIL Sireet ne Dutero Kanon

⁷ Litit ooreetap ineendet ne po iman; inyee ne ii litit, indochini ortinwegap chiito ne po iman.

ISAIAH 26:7 ပူးပေါင်းရင်းမြစ်များ

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

Kitabuutap JOB 31:6

(Ngegera anyun eng’ karogendoet ne bo iman, Si kobiit konai Kamuktaindet imandanyu;)

TIENWOGIKAL 1:6

Amu ingen Jehovah oretab che bo imanda: Ago betei oretab kiptengeginik.

TIENWOGIKAL 11:4

Mitei Jehovah hekalunnyi ne tilil, Mitei kipsengwet ng’echeretab laitornatet ne bo Jehovah; Keerei konyekyik, tiemei iririotab konyekyik werikab bik.

TIENWOGIKAL 11:7

Amu bo imanda Jehovah; chamei imanda: Keerei che bo iman togennyi.

TIENWOGIKAL 25:4

Iborua ortinweguk, ee Jehovah; Ineta ole ibune.

TIENWOGIKAL 25:5

Indoiywa eng’ imaning’ung’, ak ineta; Amu i Kamuktaindetab yetunennyu; Agenin betut komugul.

TIENWOGIKAL 27:11

Ineta oreng’ung’, ee Jehovah; Ak imutena oret ne litit, Amu che sapchina.

TIENWOGIKAL 5:9

Amu mami lititindo eng’ kutuswekwak; Tengek kityo mugulelwekwak: Kererit ne yatat mokwekwak; Lasei bich eng’ ng’elyebwekwak.

KALEWANAIK 11:5

Indochin ne igesunotgei imandanyi eng’ orennyi: Ago ibuti kiptengekyot eng’ tengektanyi.

KALEWANAIK 20:7

Iberurotin lagokab chito ne bo iman, Ne wendote imandanyi.

KALEWANAIK 21:8

Kunur mising’ oretab inendet ne laei ng’ogisto: Ago eng’ inendet ne tilil, ko litit boisiennyi.

KALEWANAIK 3:6

Ng’any inendet eng’ ortinweguk tugul, Si kolitit ortinweguk.

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

ISAIAH 30:18

Igenok anyun Jehovah, si kobiit koboruok mieindo, ak koek anyun inendet ne itororot, si kobiit korirenak: amu Jehovah ko Kamuktaindetab kiruoget; iberurotin tugul che igeni inendet.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

ISAIAH 52:12

Amu momandoi eng’ kagirgiret, anan omwei: amu indoenok Jehovah; ak letwok Kamuktaindetab Israel.

ISAIAH 57:2

Mong’jin ole mi kalyet; imuunyi eng’ itogusiekwak, age tugul ne wendoti eng’ lititindanyi.

JEREMIA 10:23

Ee Jehovah, angen ale, ma bo chito ortinwekyik; amaindochin chito ne wendoti, kabwatutikyik.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

EPESOEK 2:10

Amu ki boisiennyi achek, ne kigiyaech eng’ Kristo Jesu agobo boisionik che miachen, che kisib kochob Jehovah si kebendate ichek.

1 JOHANA 3:10

Ng’ang’aksei lagokab Jehovah eng’ nito, ak lagokab oindet: chi age tugul ne mayaei imanda ko ma bo Jehovah, anan inendet ne machamei ne tupcho.

1 JOHANA 3:7

Lagochu mengech, among’ kobeetok chi: inendet ne yaei imanda ko bo imanda ko u ye bo imanda inendet: