ISAIAH 20:2 - BUKUIT NE TILIL

² king’alal Jehovah eng’ betusiechoto eng’ Isaia weritab Amos, kole, Ui ireegu kuniok che igermenege, ak ireegu kweoniguk. Ak kiyai ko u noto, kowendot ach ngor ama tinyei kweonik.

Bukuit Ne Tilil

² ki ng'alaal Kamuktaindet ne Toroor eng' Isaiah weeriitap Amos, kole, “Ui ireegu kuniok che igermenegei, ak ireegu kweoniguk.” Ak ki yai ko uu nooto, kowendoot aach ngor ama tinyei kweonik.

BUKUIT NE TILIIL Sireet ne Dutero Kanon

² ki ng'alaal Kamuktaindet ne Toroor eng' Isaiah weeriitap Amos, kole, “Ui ireegu kuniok che igermenegei, ak ireegu kweoniguk.” Ak ki yai ko uu nooto, kowendoot aach ngor ama tinyei kweonik.

ISAIAH 20:2 ပူးပေါင်းရင်းမြစ်များ

2 SAMUEL 15:30

Ak kitogosta Daudi kobun oret ne kitogoste kebendi tulwetab emitik, ak kiriroti; ak kiga tuigei met, ak kiwendi ko matinyei kweonik: ak kituigei met chi age tugul eng’ bik tugul che kimi koboto inendet, ak kitogosta, koririoti kotogostoi.

2 SAMUEL 6:20

Yeityo koweek Daudi koberur bikab gonnyi. Ak kinyo sang’ Mikal cheptab Saul kotorok Daudi, ak kole, Ka itororot ne tia, laitoriatab Israel rani, ne kang’anygei rani eng’ taitab otwogikyik che tibik che bo otwogikyik, ko u age eng’ kiptangoinik che ng’anyegei ama iliani!

2 LAITORINIK 1:8

Ak kiwolji inendet kolenji, Ka chito ne sabul, ak koratategei birenet eng’ suennyi. Ak kile, Inendet ko Elija Tisbindet.

TIENWOGIKAL 30:11

Kiiwal kateennyu koek ureriet; Kiireegunena kuniet, ak ilaakwa boiboiyet:

KOMONG'U 3:5

Ak kilenji, Amerigu yu: icheru kweoniguk eng’ kelyeguk amu tilil yoto itonone.

ISAIAH 1:1

Ng’ang’utietab Isaia weritab Amos, ne kigeer agobo Juda ak Jerusalem, eng’ betusiekab Usia, Jotam, Ahas ak Hesekia, laitorinikab Juda.

ISAIAH 13:1

Lautietab Babulon, ne kigeer Isaia weritab Amos.

ISAIAH 37:2

Ak koyokto Eliakim ne kibou got, ak Sebna sirindet, ak boisiekab tisiik, kotugotegei kuniok, koba ole mi Isaia maotiot, weritab Amos.

JEREMIA 48:37

Amu churat metit age tugul, ak kigetil tamnet age tugul: mi eunek tugul berutik che kigitilei, ak kogermenegei kuniok.

EZEKIEL 24:17

Tigen, ago ma mising’; ametechi che kigobek, taae meting’ung’ anget, ak ilaach kweoniguk, ametuch kuting’ung’, ameam amitwogikab bik.

EZEKIEL 24:23

Ak komi metowekwok angok che otaae, ak komi kweonik kelyekwok; moteitosi anan oririe; ago ochuichuitosi eng’ tengekwogikwok, ak otigenjige.

EZEKIEL 4:1

Ee, inye weritab chi, cheng’jige matabariat, ak inde taing’ung’ ak isir itondab nganaset, noto Jerusalem:

EZEKIEL 4:5

Amu kiang’at kenyisiekab tengektanywa koek eng’ inye koitetab betusiek, choto ko betusiek bogol somok ak tamanwogik sogol: iibe anyun ko u noto tengektab gotab Israel.

MIKAH 1:11

Osiirte, ee okwek bik che omenye Sapir, osiirte omi ach ngor ak kalilanet: tomo komong’ chito ne menyei Saanan; rebenok kateiyetab Bet-esel kinnyi ne tonone.

MIKAH 1:8

Ateei ak awaache amu nito, awendi ko kagireegunena ngoroik ak ami ach ngor: ateei ko u lelwek, ak arire ko u tiong’ikab songolik.

SEKARIA 13:4

Ak tun ililandos maotik eng’ betunoto, ililani age tugul agobo ng’ang’utiennyi, ye kamaoten; ama kolaachi ngoriet ne sabul si kobiit koberber bik:

MATAYO 16:24

Kilenji Jesu anyun alamalyennyi, Ngo machei chi kosubwa, ko kanyol koesiogei, ak kosut kimurtoiyondennyi, ak kosubwa.

MATAYO 3:4

Ak kiilaachi Johana inendet sambutab tambesik, ak kirategei birenetab muito; ak amitwogikyik ko ki chereng’endet ak kumikab timin.

JOHANA 21:7

Komwachi age ne bo alamalyet, noto ne chamei Jesu, Petero, kolenji, Kiptaiyat nito. Ye kingogas anyun Simon Petero kole Kiptaiyat, kolaach kotit anyun (amu kimi ach ngor) ak kochorjigei araraita.

POISYONIGAP CHE KIYOKTOI 19:16

Ak kitorombenji chichoto kitinyei tamirmiriet ne ya ichek, ak konenet ichek, ak koterter, kot komwei komanda eng’ goyoto ach ngor ko kagiguoten.

POISYONIGAP CHE KIYOKTOI 21:11

Ak kingo kagoit ole kimi, konam birenetab Paulo, ak korate kelyekyik ak eunekyik, ak kole, Mwaei Tamirmiriet ne Tilil ko u ni kole, Ratei ko u nito Yahudik che mi Jerusalem chitab kobo birenoni, ak tun indoi inendet eunekab Bororiosiek.

JOSHUA 5:15

Ak kimwachi kiptaiyatab lugetab Jehovah Josua kolenji, Icheru kweoniguk eng’ kelyeguk; amu tilil yo itonone. Ak kiyai Josua ko u noto.

NG'ANG'UTYET 11:3

Ak agochini baorinikyuk aeng’ komaoten betusiek elfut agenge bogol aeng’ ak tamanwogik lo, kolaachi kuniok.

1 SAMUEL 19:24

Ak kiireek ngoroikyik, ak kimaoten agine eng’ taitab Samuel, ak koru ach ngor betunoto tugul ak kemounoto tugul. Noto anyun mwaei ichek kole, Bo Saul agine maotik?