ISAIAH 2:12 - BUKUIT NE TILIL

¹² Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

Bukuit Ne Tilil

¹² Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

BUKUIT NE TILIIL Sireet ne Dutero Kanon

¹² Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 2:12 ပူးပေါင်းရင်းမြစ်များ

2 SAMUEL 22:28

Ak isoru che nyerotin. Ago igeere che mendos, si kobiit iming’in.

Kitabuutap JOB 24:1

Amu nee si ma konor Inendet ne bo Kamuktaet betusiek? Ak amu nee si mageer betusiekyik ichek che ingen inendet?

TIENWOGIKAL 131:1

Jehovah, mamenei muguleldanyu; Ama mi katororetab ge eng’ koneykyuk; Amayae tuguk che eechen, Anan alosyige tuguk che kikwong’e mising’.

TIENWOGIKAL 18:28

Amu inaami tainnyu: Ikweng’wa Jehovah Kamuktaindennyu mesundeitanyu.

TIENWOGIKAL 37:13

Rorechin Kiptaiyat inendet: Amu keerei kole nyonei betunnyi.

TIENWOGIKAL 94:2

Ng’eet, inye kiruogindetab ng’ony: Igeerji menotik ko u ye nyoljin.

KALEWANAIK 16:5

Kit ne wechei Jehovah ko muguleldo age tugul ne menei: Agot ngo namgei eunek, ko magimetoi ama kibir.

ISAIAH 10:12

Noto anyun ye tun kagoyai Kiptaiyat boisiennyi komugul eng’ tulwetab Sion ak eng’ Jerusalem, abir anyun logoekab menotetab muguleldo ne bo laitoriatab Asuria, ak torornatetab kachaunennyi bo ge.

ISAIAH 10:33

Ogeero, tun ebei Kiptaiyat, Jehovah ne bo lugosiek, temenik eng’ kamuiset: ak kiluulei che koen, ak kinyeroti che ieetegei.

ISAIAH 13:11

Ak abir ng’ony amu yaitiennyi, ak abir kiptengeginik amu tengektanywa; ak awong’u menotetab che mendos, ak anyeroti menotetab che imuisei.

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 13:9

Ogeero, nyonei betutab Jehovah, ne korom, koboto nereknatet ak neregek che ng’wonen; si kobiit koyai emet koguber, ak kong’em kiptengeginik koges eng’ yoto.

ISAIAH 14:15

Ago anyun, kichoortoin iwe oldab che kigobek, agoi komoswek che looen che bo keringet.

ISAIAH 23:9

Kigochob noto Jehovah ne bo lugosiek, si kobiit komuruon menotet tugul ne bo torornatet, ak kotewer bik tugul che konyitotin che bo ng’ony.

ISAIAH 24:21

Ak tun birei Jehovah eng’ betunoto eng’ barak lugetab icheget che tororen, ak kobir laitorinikab ng’ony eng’ ng’ony.

ISAIAH 24:4

Arogeni ng’ony ak kowong’gei, nyaluli ng’ony ak kowong’gei, nyalildos bik che mendos che bo ng’ony.

ISAIAH 40:23

inendet ne yaei bounik koek buch, ne yaei kiruogikab ng’ony koek tangoita.

ISAIAH 42:15

Ang’eme tulonok ak tulonok che mengechen, ak ayaam sogekwak tugul; ak awal ainosiek koek ngegusiek, ak ateny tamboinik.

ISAIAH 5:15

Kinyeroti chito ne nyerat, ak kiming’ini chito ne o, ak kiabuchi konyekab icheget che ieetegei:

ISAIAH 61:2

Si kobiit aamda kenyit ne chamat eng’ Jehovah, ak betutab yaaktaetab mugetut ne bo Kamuktaindennyo; ak agaigai tugul che rirtos;

JEREMIA 12:9

Tos kaigei borotennyu eng’ ane taritiet ne lege, ne barisiei? Tos kayiem inendet taritik che barisiei? Oba, oyum tiong’ik tugul che bo timin, ogetu kobwa koamis.

JEREMIA 13:9

Mwaei Jehovah ko u ni kole, Ang’eme menotetab Juda ko u ni, koboto menotet ne o ne bo Jerusalem.

JEREMIA 30:7

Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

JEREMIA 46:10

Amu bo betunoto Kiptaiyat, Jehovah ne bo lugosiek, betutab yaaktaetab mugetut, si koyaaktochi inendet mugetut eng’ bunikyik: ak koamis rotwetab chok ak kobiyo, ak koeei korotikwak kobiyo: amu tinyei Kiptaiyat, Jehovah ne bo lugosiek, tiseiywot eng’ emetab murot ne bo katam ole negite ainetab Euprate.

JEREMIA 50:31

Keero, aborienen, inyendet ne i menotio, mwaei Kiptaiyat, Jehovah ne bo lugosiek: amu kait betung’ung’, betut ne aityinin biret.

EZEKIEL 13:5

Ma otogoste obe ole kigobutok, ama ong’ot gotab Israel, si kobiit kotonon eng’ boriet eng’ betutab Jehovah.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

AMOS 5:18

Bwa eng’ okwek che omache betutab Jehovah! Amu nee si omache betutab Jehovah? Mesundeito betunoto, ma lapkeiyet;

MIKAH 2:3

Mwaei anyun Jehovah ko u ni kole: Ogeero, achobe yaitiet agobo goi, ne moistoe kaatwekwok anan obendate menotet; amu yaachen betusiechoto.

MIKAH 5:11

ak abar nganasokab emeng’ung’, ak abut irimoiguk tugul:

SEPANIA 1:16

Betutab iriaget ak waagat, agobo nganasok che ng’ototin, ak irimoik che tororen.

SEPANIA 3:11

Matun ililani eng’ betunoto eng’ boisioniguk tugul, che kiiyaiywa ibistoe: amu tun aistoi komong’ eng’ kwenung’ung’ menotiguk che itororigei, si ma ichauge kogeny eng’ tulwennyu ne tilil.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MALAKI 4:5

Ogeero, ayokwok maotiot Elija kotom konyo betut ne o ne imuisei ne bo Jehovah.

MATAYO 23:12

Ak age tugul ne ieetegei kiming’ini; ak age tugul ne iming’inigei kieeti.

LUKA 14:11

Amu age tugul ne itororigei kiming’ini; ak inendet ne iming’inegei kitorori.

1 KORINTOEK 5:5

ogochi Setani chito ne u noto si keng’em borto, si tun kesor tamirmiriennyi eng’ betutab Kiptaiyat Jesu.

1 THESSALONIKEK 5:2

Amu ongen okweget komie ole nyonei betutab Kiptaiyat ko u chorin ne nyonei kemoi.

JAKOBO 4:6

Ago konu mieindo ne tesat. Len anyun, Kirindoi Jehovah che meniotin, ak kogochin mieindo che iming’inegei.