ISAIAH 19:3 - BUKUIT NE TILIL

³ Ak tun kiyaei koek buch tamirmirietab Misri eng’ kwenunnyi; ak ang’em kiruogennyi: ak koba kocheng’ kanamonik, ak bik che abusisiei, ak che boisie oik, ak bonik.

Bukuit Ne Tilil

³ Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

BUKUIT NE TILIIL Sireet ne Dutero Kanon

³ Ak tuun kiyaei koek puch kimnateet Misiri eng' kwenunnyi, ak ang'em kirwoogutikyik; ak koba kocheeng' kanamonik ak piik che abusisyei, ak che poisyee oik, ak pooniik.

ISAIAH 19:3 ပူးပေါင်းရင်းမြစ်များ

2 SAMUEL 15:31

Ak kigimwachi Daudi, kelenji, Mi Aitopel koboto njaamikab Absalom. Ak kile Daudi, Ee Jehovah, asomin ale, wal kiruogetab Aitopel koek berberindo.

2 SAMUEL 17:14

Ak kile Absalom ak bik tugul che bo Israel, Kararan kiruogetab Husai Arkindet kosiir kiruogetab Aitopel. Amu kiga til Jehovah koterter kiruoget ne mie ne bo Aitopel, si kobiit koipchi Jehovah yaitiet Absalom.

2 SAMUEL 17:23

Ak kingogeer Aitopel kole, mata kosub chi kiruogennyi, koiito sigiriennyi, ak kong’eet, kwo ga, kot koit nganasennyi, ak kwo korarji ket bikab gonnyi, ak kogetgei; ak kime; ak kigitupchi kereritab kwandanyi.

2 LAITORINIK 1:2

Ak kirorok Aasia eng’ tirisietab gonnyi ne bo barak ne kimi Samaria, ak kimian: ak kiiyokto bik, ak kolenji, Oba, oteebe Baal-sebub kanamwetab Ekron ngo tos asob eng’ miani.

1 ATEPTAP PEETUUSYEK 10:13

Kome anyun Saul amu chalwoktanyi ne kiyachi Jehovah, amu ng’olyotab Jehovah ne ma rib; ak amu kiteeb ng’omnatet kogeny eng’ inendet ne kiboisie oik, koteepse,

TIENWOGIKAL 107:27

Iyongooti ak koterterioti ko u chi ne kagobogit, Ak kokwalilendos.

TIENWOGIKAL 33:10

Walei Jehovah ruchinaikab bororiosiek koek buch: Yaei kabwatutikab bik koek che matilei kiy.

TIENWOGIKAL 76:12

Tilei inendet sobonwekab bounik: Imui inendet laitorinikab ng’ony.

KALEWANAIK 21:30

Mami ng’omnatet anan kaguiyet Anan kiruoget ne kirindoi Jehovah.

ISAIAH 14:27

Amu kigochob Jehovah ne bo lugosiek, ko tos ng’o ne walei koek buch? Ak chuulat eunnyi, ko tos ng’o ne arunyi?

ISAIAH 15:2

Katogosta Bayit, ak Dibon, kot koit komoswek che tororen, koba korir: rirjin Moab Nebo, ak eng’ Mediba: mi boswek metowekwak, kigetil tamnet age tugul.

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

ISAIAH 47:12

Tonon anyun nguno itinye ng’orsosiek, koboto chang’indab orgoinatosieguk, che kiibirtochige koboch ko i ming’in; ngo tos imuchi inyorune kelunet, ngo tos imuchi iterterisie.

ISAIAH 57:16

Amu magibortosi agoi, ama kinerechi kotugul: amu katatanui tamirmiriet eng’ tainnyu, ak sobonwek che kiayai.

ISAIAH 8:19

Ak ye mwawok kole, Ocheng’ate ichek che boisie oik ak bonik, che twegu ko u taritik ak che nyeanyei ng’alek: tos manyoljin bik kocheng’ Kamuktaindenywa? Tos nyoljin kocheng’at che kigobek agobo che soptos?

JEREMIA 46:15

Amu nee si kibukto cheguk che kimen? Ma tononso, amu kion Jehovah.

EZEKIEL 21:7

Ak ye teebenen, kolenjin, Amu nee si itigen? Ile anyun, Amu ng’alek, amu nyonei: ak kome muguleldo age tugul ak konyalulso eunek tugul, ak kotanui tamirmiriet age tugul, ak kochootyo kutung’oik tugul ko u beek: ogeero, nyonei, ak ko yaoksei, mwaei Kiptaiyat Jehovah.

EZEKIEL 22:14

Tos imuchi komuita muguleldang’ung’, anan kogimegitu euneguk, eng’ betusiek che agerin kong? Kamwae ane Jehovah ng’olyondonito, ak ayae.

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

1 SAMUEL 25:37

Ak karon, ko kagogesgei bogitetab Nabal, komwachi osotiondennyi inendet tuguchuto tugul, ak kime muguleldanyi, ak koigei inendet koita.