ISAIAH 15:3 - BUKUIT NE TILIL

³ Kermenegei kuniok eng’ ortinwekwak: iteei age tugul ak korirei mising’, eng’ gorikwak barak, ak eng’ komoswekwak che baraen.

Bukuit Ne Tilil

³ Kermenegei kuniok eng' ortinwekwak. Iteei age tugul ak koriirei miising', eng' kooriikwak parak ak eng' komoswekwak che paraen.

BUKUIT NE TILIIL Sireet ne Dutero Kanon

³ Kermenegei kuniok eng' ortinwekwak. Iteei age tugul ak koriirei miising', eng' kooriikwak parak ak eng' komoswekwak che paraen.

ISAIAH 15:3 ပူးပေါင်းရင်းမြစ်များ

2 SAMUEL 3:31

Ak kilenji Daudi Joab, koboto bik tugul che kimi ak inendet, Ogerer ngoroikwok, ak ogermenege kuniok, ak oteiye eng’ taitab Abner. Ak kiisubi Daudi kit ne kigisute.

2 LAITORINIK 6:30

Ak kingogas laitoriat ng’alekab kwonyoto, kogerer ngoroikyik; (ak kiwendote irimet barak;) ak kigeer bik, ogeero, kiilaagoti kuniok.

ISAIAH 15:2

Katogosta Bayit, ak Dibon, kot koit komoswek che tororen, koba korir: rirjin Moab Nebo, ak eng’ Mediba: mi boswek metowekwak, kigetil tamnet age tugul.

ISAIAH 22:1

Lautietab atebwetab ng’ang’utiet. Amin nee anyun, kot itogoste gorik barak?

ISAIAH 22:4

Kiamwa anyun ale, Welelge amegeera, si arir eng’ ng’wanindo; mat ibirtege ile igaigaa, amu luuletab cheptab bikyuk.

ISAIAH 3:24

Ak tun kigeere nyamdutik che anyiny, nunatet: ak kogeere birenet, rogoet; ak kogeere sumeek che iletotin, bosta; ak kogeere anget ne kararan, kuniet ne kigermenegei: ak kogeere kororonindo, soremik.

JEREMIA 19:13

ak kogergeit gorikab Jerusalem, ak gorikab laitorinikab Juda, che kiging’wanit, ak komostab Topet, gorik tuguk che kibeele ichek baragunywa nyamdutik kobeeljine tuguk tugul che bo kipsengwet, ak kigorong’ji kagochinoik che kieei, kanamonik che ter.

JEREMIA 48:37

Amu churat metit age tugul, ak kigetil tamnet age tugul: mi eunek tugul berutik che kigitilei, ak kogermenegei kuniok.

RIREKAB JEREMIA 2:10

Tebyei ng’ony boisiekab cheptab Sion, sistos; Kigoseerji temburiek metowekwak; kigogermenegei kuniok: Abuchi bergeinikab Jerusalem metowekwak.

EZEKIEL 7:18

Kermenegei kogeny kuniok, ak kotuch ichek kamuiset; ak kolilanso tugul, ak konam ichek tugul boswek.

AMOS 8:10

Ak awal igorwekwok koek rirek, ak awal tienwogikwok tugul koek kateiyet; ak agochi bik tugul kogermenegei kuniok, ak koam bosta chi tugul; ak ayae noto koek che kirirjin werit ne kigii inegei, ak ayae kagesunennyi koek betut ne ng’wan.

MATAYO 11:21

Bwa we, Korasin! Bwa we, Betsaida! Amu nda kiga kiyai eng’ Turo ak Sidon boisionik che bo kamuktaet che kigiyai eng’ okwek, ta kiga kosik keny, kolaach kuniok ak koiilegei orek.

NG'ATUTIK 22:8

Ye iteech got ne leel, itegel got barak iyiem kotuiyo, si meipchi gong’ung’ korotik, ngo chirkwin chi eng’ oloto.

JAKOBO 5:1

Ogas anyun, okwek magorek, oririe ak oteeiye amu nyalwogikwok che bwanjinok.

1 SAMUEL 5:12

Ak bik che ma bek ko kigibire miando ne ibwansei: ak kitogosta kipsengwet rirekab nganaset.