ISAIAH 14:3 - BUKUIT NE TILIL

³ Ak eng’ betut ne konin Jehovah kamuung’et eng’ arogeneng’ung’, ak eng’ nyalindang’ung’, ak eng’ otisiet ne uui ne kigibirjin,

Bukuit Ne Tilil

³ Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin,

BUKUIT NE TILIIL Sireet ne Dutero Kanon

³ Ak imwa kalewenoni agobo laitoryatap Babilon eng' peetuut ne koonin Kamuktaindet ne Toroor kamuung'et eng' arageneng'ung', ak eng' nyalildang'ung', ak eng' otisyet ne uui ne ki kibirchin,

ISAIAH 14:3 ပူးပေါင်းရင်းမြစ်များ

ISAIAH 11:10

Ak cheng’ei bororiosiek eng’ betunoto tigitiotab Jesii, ne tononi koegu songolietab bik; ak egu torornatet ole imuung’e.

ISAIAH 12:1

Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

ISAIAH 32:18

Ak kotebe bikyuk meng’otetab kalyet, ak eng’ meng’otosiek che ribotin, ak eng’ komoswek che kimuung’e ole sisat.

ISAIAH 40:2

Ong’alalji Jerusalem eng’ kagaigaet, ak omwachi eng’ kutit ne o olenji, kagogesgei boriennyi, kagenyochi kaat tengektanyi; kagotaach eng’ eutab Jehovah biret konyil aeng’ agobo tengekwogikyik tugul.

JEREMIA 17:4

Ak ibagaktoi aginye boroteng’ung’ ne kiagonin; ak agonin iot buniguk eng’ emet ne mengen: amu kiolaal mat eng’ neregekyuk, ne lalei koigeny.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 30:8

Ak tun airie eng’ betunoto choginnyi ne mi kaating’ung’, mwaei Jehovah ne bo lugosiek, ak ang’eti anoguk; ama koyaei toek inendet koek otwogindenywa.

JEREMIA 50:34

Kim Katiagindenywa; kainennyi ko Jehovah ne bo lugosiek: ng’alaldochin inendet ichek komie, si kobiit kogochi kamuung’et ng’ony, ak koiim bik che menyei Babulon.

EZEKIEL 28:24

Si ma kobiitu kogeny katableliat ne toorei bich, eng’ gotab Israel, anan katet ne ng’wan eng’ komoswekwak tugul, ne kisas ichek; si konai kole a Kiptaiyat Jehovah.

SEKARIA 8:2

Mwaei Jehovah ne bo lugosiek ko u ni kole: Ama ng’etkong’ agobo Sion, ng’etkonda ne o, ak ama ng’etkong’ agobo inendet eng’ neregek che ng’wonen mising’.

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

NG'ATUTIK 28:48

iote anyun buniguk che imutun Jehovah kong’eetyin, eng’ rubet, ak eng’ melelda, ak eng’ ach ngorit, ak eng’ rarunetab tuguk tugul: ak konde chogitab karnet kaating’ung’, agoi kobarin.

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.