ISAIAH 13:9 - BUKUIT NE TILIL

⁹ Ogeero, nyonei betutab Jehovah, ne korom, koboto nereknatet ak neregek che ng’wonen; si kobiit koyai emet koguber, ak kong’em kiptengeginik koges eng’ yoto.

Bukuit Ne Tilil

⁹ Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

BUKUIT NE TILIIL Sireet ne Dutero Kanon

⁹ Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

ISAIAH 13:9 ပူးပေါင်းရင်းမြစ်များ

TIENWOGIKAL 104:35

Ingiwong’ kiptengeginik eng’ ng’ony, Ak ingobetyo che yaachen agoi. Ilosu Jehovah, ee sobondanyu. Olosu Jehovah.

KALEWANAIK 2:22

Ago kiistoi bik che yaachen eng’ emet, Ak kitutu eng’ emet che yaei kaberberisiet.

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

ISAIAH 34:8

Amu betutab Jehovah ne bo yaaktaetab mugetut, kenyitab kageeret ne bo toiyetab Sion.

ISAIAH 63:4

Amu kimi muguleldanyu betutab yaaktaetab mugetut, ak kagoit kenyitab chechuk che kitiachi.

ISAIAH 66:17

Mwaei Jehovah kole, Igesugei ichek tugul che ianyinyegei ak kotililegei si koba mbarenik, kosubotgei ak koamei banyekab torok, ak che kiwechei, ak murek.

ISAIAH 9:19

Kigolal emet eng’ neregekab Jehovah ne bo lugosiek: kagoigei bik kwenik che kilaali; marire chi ng’etab kamet.

EZEKIEL 13:5

Ma otogoste obe ole kigobutok, ama ong’ot gotab Israel, si kobiit kotonon eng’ boriet eng’ betutab Jehovah.

EZEKIEL 30:3

Amu kagorik betunoto, kagorik betutab Jehovah, betutab tulungenet; betusiekab bororiosiek.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 2:1

Oguut iriaget eng’ Sion, ak owaach eng’ tulwennyu ne tilil; ingobotanso bik tugul che menyei emet: amu nyonei betutab Jehovah, amu kagorik,

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

NAHUM 1:2

Jehovah ko Kamuktaindet ne bo ng’etkonda ak koyaaktoi mugetut; yaaktoi Jehovah mugetut, ak ko neregat; yaakyin Jehovah mugetut bunikyik, ak kogonorjin bunikyik neregek.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

NAHUM 1:8

Ago igesu komosato eng’ maranet ne o, ak koon bunikyik koba mesundeito.

SEPANIA 1:15

Egu betunoto betutab neregek, betutab nyalilda ak bichiindo, betutab ng’emisiet ak kubernatet, betutab mesundeito ak tuuindo, betutab bolik ak mesundeito ne nyigis.

SEKARIA 14:1

Ogeero, nyonei betutab Jehovah, ye tun kipcheei baruneniguk eng’ kwenung’ung’.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

NG'ANG'UTYET 18:8

Noto anyun itu korotwekyik eng’ betunak, meet, ak rirek, ak rubet; ak kebeel inendet eng’ mat kogesgei; amu kim Kiptaiyat Jehovah ne kiiruokyi inendet.