ISAIAH 13:5 - BUKUIT NE TILIL

⁵ Bunu ichek emet ne loo, ole boch tabandab kipsengwet, inendet Jehovah koboto karikab neregekyik, si kobiit kong’em emet komugul.

Bukuit Ne Tilil

⁵ Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

BUKUIT NE TILIIL Sireet ne Dutero Kanon

⁵ Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 13:5 ပူးပေါင်းရင်းမြစ်များ

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

JEREMIA 51:11

Olit kipchabonik; onam long’onik komie: kagong’eet Jehovah tamirmirikab laitorinikab Medik; amu chobennyi ko kogirinda Babulon, kong’em: amu yaaktaetab mugetut ne bo Jehovah, yaaktaetab mugetut ne bo hekalunnyi.

JEREMIA 50:9

Amu, ogeero, ang’eeti tuiyetab bororiosiek che eechen che bunu emetab murot ne bo katam kobokyi Babulon: ak kotet luget kotokyigei emonoto; kiluulei eng’ oloto: u kipchabonikwak che bo chito ne nyigan, ne mwogindet; mami ne weeksei buch.

JEREMIA 50:3

Amu nyonei bororiet eng’ murot ne bo katam kobokyin, ne yaei emennyi koek karatia, ama menyei chi oloto: kagomwei, kagoba tugul, chi ak tiony.

ISAIAH 24:1

Ogeero, yaei Jehovah ng’ony koek ole mami kiy, koek surkwen, ak kogabui, ak koseer bik che menyei oloto.

ISAIAH 13:17

Ogeero, ang’eeti Medik koba kobargei ak ichek, che maiiti feda kole kiy, ama boiboitune ichek tahabu.

ISAIAH 5:26

Ak konamji barak songoliet koborji bororiosiek che looen, ak koititenji ichek kobwa eng’ tabanwekab ng’ony: ak ogeero, ruou kochogu:

2 SAMUEL 1:27

Kiibututa ano che kimen, Ak kibetyo karikab luget!

ISAIAH 7:18

Ak eng’ betunoto koititenji Jehovah kalyang’et ne mi tabanwek che looen che bo ainosiekab Misri, ak koititenji segemiat ne mi emetab Asuria.

ISAIAH 10:5

Bwa Asuriaindet, kiroktab neregekyuk, siaritab inendet ne mi neregekyuk eunnyi!

ISAIAH 26:20

Obwa, bikyuk, nyo goriguk orit, ak iger kurgotiguk: unyge ne matia, agoi kosiirto neregek.

ISAIAH 30:27

Ogeero, bunu kainetab Jehovah ole loo, lalei eng’ neregekyik, ak eng’ iyeto ne o ne togostoi; nyiitat kutinnyi nyitatet, ak u ng’elyeptanyi mat ne beelsei:

ISAIAH 34:2

Amu tinyei Jehovah nyitatet agobo bororiosiek tugul, ak neregek che laldos agobo lugosiekwak tugul: kigong’em ichek koges, kigogoito ichek kebar.

ISAIAH 48:14

Oyumge, okwek tugul, si ogas; ng’o eng’ ichek ne kigomwaita tuguchuto? Kigocham Jehovah inendet: yaei eng’ Babulon kit ne chamei, ak kotebe eunnyi Kaldeik.

ISAIAH 66:14

Ak ogeero, ak koboiboitu mugulelwekwok, ak kong’atyo kowekwok ko u suswek che ng’orng’or: ak konaak eutab Jehovah eng’ otwogikyik, ak konerekyi bunikyik.

JEREMIA 8:19

Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

JEREMIA 50:25

Kogoyat Jehovah ole konore karikyik che bo luget, ak kogonem karikab neregekyik: amu tinyei Kiptaiyat, Jehovah ne bo lugosiek, boisiet ne yaei eng’ emetab Kaldeik.

EZEKIEL 22:31

Kaarong’ji anyun neregekyuk ichek amu noto; kaagesu eng’ matab neregekyuk: kiande ortinwekwak metowekwak, mwaei Kiptaiyat Jehovah.