ISAIAH 13:2 - BUKUIT NE TILIL

² Olumde songoliet eng’ tulwet ne churat, owaakyi, ong’werer, si kobiit komandae ormarichokab bik che toogunotin.

Bukuit Ne Tilil

² Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

BUKUIT NE TILIIL Sireet ne Dutero Kanon

² Olumde penderet eng' tulweet ne churat, owaakyi, onde parak eunekwok ye ong'usei koba komoswek tuwai, si kobiit komandae ormariichogap piik che taagunotiin.

ISAIAH 13:2 ပူးပေါင်းရင်းမြစ်များ

TIENWOGIKAL 60:4

Kiigochi che iywein songoliet, Si kobarta amu imanda.

ISAIAH 10:32

Tonone Nob eng’ betuni bo rani: ing’wereri tulwetab cheptab Sion, tulwetab Jerusalem.

ISAIAH 11:12

Ak kolumda songoliet agobo bororiosiek, ak koyum che kigitimda che bo Israel, ak koyum che kiyesta che bo Juda eng’ luukwek ang’wan che bo ng’ony.

ISAIAH 11:15

Ak kong’em Jehovah kowong’ ng’elyeptab nyanjetab Misri; ak kotwaitwai eunnyi kotokyi Ainet eng’ usonennyi ne beelsei, ak kobir kobiitune ainosiek tisabu, ak kogochi bik kolanda kolaagoti kweonik.

ISAIAH 18:3

Okwek tugul che omenye ng’ony, ak okwek che omenye emet, ogeer ye kinamjin barak songoliet eng’ tulonok; ak oeb it ye kiguutei iriaget.

ISAIAH 19:16

Eng’ betunoto, ko kergeitu Misri ak kwonyik: botani ak koiyweisiei amu twaitwaetab eutab Jehovah ne bo lugosiek, ne twaitwai eng’ baragunnyi.

ISAIAH 31:9

Ak komwei ruandennyi amu kamuiset, ak kotoptobenso bounikyik amu songoliet ne kageer, mwaei Jehovah ne mi mannyi Sion, ak komi mannyi ne o Jerusalem.

ISAIAH 5:26

Ak konamji barak songoliet koborji bororiosiek che looen, ak koititenji ichek kobwa eng’ tabanwekab ng’ony: ak ogeero, ruou kochogu:

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

JEREMIA 50:41

Ogeero, bunu bik murot ne bo katam; koboto bororiet ne o, ak king’eeti laitorinik che chang’ che bunu komoswek che looen che bo ng’ony.

JEREMIA 51:12

Onamji barak songoliet, otokyi irimoikab Babulon, ogimit ripset, onde ribik, ochob bik che sapchin: amu kagochob Jehovah ak koyai kit ne kimwa agobo bik che menyei Babulon.

JEREMIA 51:25

Keero, aborienen, ee inye tulwet ne ing’emisiei, mwaei Jehovah, ne ng’emei ng’ony komugul: ak achuul eunnyu atokyin, ak amilden eng’ ruandosiek, ak ayain iegu tulwet ne kigolal.

JEREMIA 51:58

Mwaei Jehovah ne bo lugosiek ko u ni kole: Kigabui irimoik che tebeesen che bo Babulon kigesu, ak kebeel ormarichokyik che koen; ak kobirtogei bik buch, ak kobirtogei bororiosiek amu mat; ak kong’eetyo.