ISAIAH 11:3 - BUKUIT NE TILIL

³ Ak komi boiboiyennyi kaiyweisiet ne kiywei Jehovah: amairuochi ko u ye keerei, ama kerei kong’ ko u ye kasei;

Bukuit Ne Tilil

³ Mi poiboiyennyi kaiyweisyet ne kiywei Kamuktaindet ne Toroor. Amairwoochi ko uu ye keerei, ama kerei kong' ko uu ye kasei;

BUKUIT NE TILIIL Sireet ne Dutero Kanon

³ Mi poiboiyennyi kaiyweisyet ne kiywei Kamuktaindet ne Toroor. Amairwoochi ko uu ye keerei, ama kerei kong' ko uu ye kasei;

ISAIAH 11:3 ပူးပေါင်းရင်းမြစ်များ

2 SAMUEL 14:17

Amwa anyun ane otwogindeng’ung’ ale, Asomin ale, ingomieit ng’olyotab kiptaiyandennyu laitoriat: iguitos kiptaiyandennyu laitoriat kit ne mie ak ne ya ko u malaikaiyatab Kamuktaindet: ak ingoteb Jehovah Kamuktaindeng’ung’ koboten.

2 SAMUEL 14:8

Ak kilenji laitoriat kwonyoto, Ui gong’ung’, si ang’at keyaun ng’alechato.

1 LAITORINIK 3:28

Ak kigas Israel tugul kiruoget ne kiiruoch laitoriat; ak kiiywei laitoriat: amu kigeer kole mi ng’omnatetab Kamuktaindet eng’ inendet, si kobiit koruoch.

1 LAITORINIK 3:9

Igochi anyun otwogindeng’ung’ muguleldo ne tinyei kaguiyet si koruokyi biguk, si kobiit abesio ne mie ak ne ya; amu ng’o anyun ne imuchi koruokyi bororioning’ung’et toogunot?

Kitabuutap JOB 12:11

Tos matiemei itit ng’alek, Ko u ye chamjami kutit amitwogik?

Kitabuutap JOB 34:3

Amu tiemei itit ng’alek, Ko u ye chamjami kutit amitwogik.

KALEWANAIK 2:5

Iguiye anyun kaiyweisiet ne kiywei Jehovah, Ak inyoru inai Kamuktaindet.

KALEWANAIK 2:9

Iguiye anyun imanda ak kiruoget, Ak ne nyolu, ak oret age tugul ne mie.

ISAIAH 33:6

Tun biitu kimnatet eng’ betusieguk, ak oindab yetunet, ng’omnatet, ak naet: kaiyweisiet ne kiywei Jehovah ko konoruennyi.

EZEKIEL 45:8

Bunjin inendet emonoto eng’ Israel: ama kousei kogeny bounikyuk bikyuk; ago igochin emet gotab Israel kobee bororiosiekwak.

MIKAH 4:3

Ak koruoksechin bororiosiek che chang’, ak koger kong’ bororiosiek che kimen che mi ole loo; ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobaregei bororiosiek, ama konetegei luget kogeny.

LUKA 2:52

Kitesak ng’omnatetab Jesu, ak etunatet, ak mieindo eng’ Jehovah ak eng’ bik.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

JOHANA 7:24

Amoruoch ko u ye ogeere, ago oruoch kiruoget ne bo imanda.

HEBRANIK 5:14

Ago bo bik che eechen amitwogik che uuen, icheget che kigoboisie ng’omnatosiekwak komuchi kobesio che miach ak che yaach.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.