ISAIAH 10:6 - BUKUIT NE TILIL

⁶ Ayoktoi kobargei ak bororiet ne ya, ak agochini kobargei ak bik che anerekyini, si koluul ak koib barunenik, ak ketiech ichek, ko u ye kitiechi ng’atatek eng’ oret.

Bukuit Ne Tilil

⁶ Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

BUKUIT NE TILIIL Sireet ne Dutero Kanon

⁶ Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 10:6 ပူးပေါင်းရင်းမြစ်များ

ISAIAH 9:17

Maboiboitu Jehovah eng’ murenikwak, ama rire chechuak che matinyei kwanda ak mosogikwak: amu ya age tugul, ak ko yaindetab yaitiet, ak komwaei kutit age tugul abusnatet. Nganda u noto, ko ma istogei neregekyik, ago ta ko chuulat eunnyi kora.

SEKARIA 10:5

Ak koigei bik che nyigonen, che tiechei bunikwak eng’ ng’atatekab ortinwek eng’ boriet; ak kobargei, amu mi Jehovah koboto ichek: ak kotoptobenso bik che lanyei mbartanyisiek.

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

ISAIAH 19:17

Ak koek emetab Juda kamuiset eng’ Misri, ak iyweisiei age tugul ne kemwachin agobo noto amu chobetab Jehovah ne bo lugosiek, ne kichob kogirinda emonoto.

MATAYO 15:7

Okwek chombilik! Kimaoten Isaia komie agobo okwek, kole,

MIKAH 7:10

Yeityo kogeer anyun bunyondennyu, ak kotuch tewernatet inendet; ne kilenja, Mi ano Jehovah Kamuktaindeng’ung’? Keerei konyekyuk inendet; kitiekyin ng’ony anyun inendet ko u ye kitiechei ng’atatek che mi ortinwek.

JEREMIA 4:14

Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

JEREMIA 3:10

Ak eng’ chu tugul ko ma weekyagei eng’ muguleldanyi komugul Juda chepkamennyi, kaberberindet, ago eng’ ng’alset, mwaei Jehovah.

ISAIAH 63:6

Ak kiatiech bik eng’ neregekyuk, ak kiagochi kobogityo eng’ neregekyuk che ng’wonen, ak kiatumji ng’ony korotikwak che soptos.

ISAIAH 63:3

Kiatiech anege sabibuk eng’ ole kitue; ak kima komi chi kobota eng’ bichoto; ee, kiatiech eng’ neregekyuk, atiechatiech eng’ neregekyuk che laldos; ak koisegei ngoroikyuk korotikwak che soptos, ak kiamuruon ngoroikyuk tugul.

ISAIAH 41:25

Koang’eet age ne bunu murot ne bo katam, ak kagoit; bunu inendet ne kuure kainennyu ole chorunei asista: ak nyonjin bounik ko u ye nyonjin menet, ak ko u cheptereniot ne tiechei menet.

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 29:13

Ak kile Kiptaiyat, Amu rikyina bichu kong’alalwa, ak kogonyita eng’ kutuswekwak, ago kigoisto mugulelwekwak kolooegitu eng’ ane, ak kaiyweisiet ne iywea ko ng’atutiet ne kiineti bik ichek:

ISAIAH 22:5

Amu betutab nyalilda ni, ak ne bo tieget, ak ne bo kaiimetab ge, ne bunu Kiptaiyat, Jehovah ne bo lugosiek, eng’ atebwetab ng’ang’utiet: butetab irimoik, ak rirek che kirirjin tulonok.

ISAIAH 9:19

Kigolal emet eng’ neregekab Jehovah ne bo lugosiek: kagoigei bik kwenik che kilaali; marire chi ng’etab kamet.

ISAIAH 5:29

u borisenenywa ne bo ng’etundo, borisendos ko u barnotikab ng’etunyik: ee, borisendos, ak konam luulenik, ak komut kochamegei, ama biitu chi ne soru.

2 SAMUEL 22:43

Kiatonaton anyun ichek komengegitu koigei temburiekab ng’ony, Kiatiech ko u ng’atatek che mi ortinwek, ak ayeste.

ISAIAH 5:5

Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

ISAIAH 7:17

Ibun Jehovah, ak koipchi biguk, ak gotab kwandang’ung’, betusiek che tom kobiit, koboch betut ne kiistoegei Epraim Juda; noto laitoriatab Asuria.

ISAIAH 8:8

ak kobokto kwo Juda; ak koyom kosiir oloto; nyiiei kot koit kaatit; ak konyiiei kaiitoetab kebebaikyik tebeesindab emeng’ung’, ee Imanuel.

ISAIAH 24:5

Kigimuruon ng’ony amu bik che menyei; amu kigobistoe ng’atutik, kigowal kiruogutik, kigobut kayomiset ne bo koigeny.

ISAIAH 32:6

Amu ng’alali ne berber kaberberisiet, ak koyai muguleldanyi tengekto, kochombilis, komwa ne ya agobo Jehovah, kometo buch sobondo ne amei rubet, ak koete koee ne amei melel.

ISAIAH 33:1

Bwa eng’ inye ne ing’emisiei, ama king’emin; ak ne iberberisiei, ama iberberin ichek! Ye ma ing’emisiei, keng’emin: ak ye ma iberberisiei, koberberin ichek.

ISAIAH 49:17

Igirgiri lagoguk; mandaenen ng’emiguk, che yain iguber.

ISAIAH 49:25

Ago mwaei Jehovah ko u ni kole, Kirebe che kimen luulenikwak, ak kitiachi tugul che kigiluulei, che bo che imuisei: amu kibortosi ak inendet ne borienen, ak asoru lagoguk.

EZEKIEL 29:20

Kaagochi inendet emetab Misri koek melektanyi amu boisiennyi, amu kiboisiewa, mwaei Kiptaiyat Jehovah.

EZEKIEL 38:12

si kobiit aluul ak aib barunenik; si kobiit ibar komoswek che ki karatwek che kimenyei nguno, ak obarge ak bik che kigiyum komong’une bororiosiek, che tinyei tuga ak tuguk, che menyei emet kwen.

EZEKIEL 38:13

Teebenen Sheba, ak Dedan, ak chemung’arainikab Tarsis, koboto ng’etunikyik tugul che neranik, kolenjinin, Tos kenyo iluul? Tos kaiyum lugosieguk si kobiit iib barunenik? Si kobiit iib feda ak tahabu, ak ikweri tuga ak iib tuguk, iluul luulet ne o?

HABAKUK 1:12

Tos, mebo koigeny, inye, ee Jehovah Kamuktaindennyu, Inendet ne Tilil ne nenyu? Magibegu. Ee Jehovah, kiichopchi inendet kiruoget; ak ee inye Ruandet, kiigimit inendet si kobiit kitigon.

2 LAITORINIK 18:25

Ara anyun, kanyo ko magimi ak Jehovah anyo abar oli, ang’em? Kolenja Jehovah, Togoste bar emoni, ak ing’em.

ISAIAH 8:4

Amu kotom komuch lakwanato kotwek kole, Baba, ak Eiyo, koluulei laitoriatab Asuria magornatosiekab Damasko ak barunenikab Samaria.