ISAIAH 10:3 - BUKUIT NE TILIL

³ Ak oyae nee eng’ betut ne ityinok bireng’wong’, ak eng’ ng’emisiet ne bunu ole loo? Omwechini ng’o kotoretok? Ak ondoi ano torornateng’wong’?

Bukuit Ne Tilil

³ Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

BUKUIT NE TILIIL Sireet ne Dutero Kanon

³ Oyae nee anyun eng' peetuut ne ityinok pireeng'wong', ak eng' ng'emisyet ne punu ole loo? Omwechini ng'oo kotoretook? Ak ondoi ano toroornateng'wong'?

ISAIAH 10:3 ပူးပေါင်းရင်းမြစ်များ

TAUNET 31:1

Ak kigas Jakobo ng’alekab werikab Laban, kolen, Kigokweri Jakobo tugul che bo kwandanyo: ak kigonyor magornatoni te ni eng’ tugukab kwandanyo.

2 LAITORINIK 7:15

Ak kiisub kot koit Jordan: ak ogeero, ki nyiitat oret ngoroik ak terenik, che kiwirtooti Suriek koruaei. Ak kiweek bichoto kiga kiyokto komwachi laitoriat.

Kitabuutap JOB 31:14

Yaei nee anyun ye kang’eet Kamuktaindet? Ak ye nyo koteepso, awoljini nee?

KALEWANAIK 11:4

Matilei kiy magornatosiek eng’ betutab neregek: Ago sorunisiei imanda eng’ meet.

ISAIAH 13:6

Oteiye; amu kagorik betutab Jehovah; nyonei ko u ng’emisiet ne bunu Inendet ne ko Kamuktaet.

ISAIAH 17:4

Nyerotitu torornatetab Jakobo eng’ betunoto, ak kosagit bortanyi.

ISAIAH 20:6

Ak tun mwaei eng’ betunoto ne menyei emoni bo ngegut, kole, Ogeero, nito ko kamang’unennyo, ne kigimwachi agobo toretet si kesoruech eng’ laitoriatab Asuria: ak achek anyun, kechilildoi ano?

ISAIAH 26:14

Kigobek ichek, ma kosoptos; kigobek, ma kong’eetos: kiinyonji anyun ak ing’em ichek, ak kiigochi kolus kabwatet age tugul agobo ichek.

ISAIAH 26:21

Amu, ogeero, mong’u Jehovah eng’ oldanyi si kobiit kobir che menyei ng’ony amu yaitienywa: ng’anyei ng’ony kogeny korotikyik, ama kotuchei bikyik che kigibar.

ISAIAH 28:20

Amu nwagitu itogut kosiir ne imuchi koiitoegei chito; ak kotendenit kit ne ketugegei kot kosiir ne yamei kotugegei chito.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 30:16

Ago kiomwa ole, Achicha, kimwee mbartanyisiek; omweei anyun: ak kiole, Kilanye che chepcheb; chepchebitu anyun agichek che onok.

ISAIAH 30:5

Ililandos tugul agobo bik che maimuchi konyorune kiy, che ma toretet, anan ko kelunet, ago egu kalilanet, ak chotisiet agine.

ISAIAH 30:7

Amu toretisiei buch Misri, ama tilei kiy toretonoto: kiaguure anyun inendet Rahab ne tebyei kosisei.

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 39:3

Kinyo anyun maotiot Isaia oldab laitoriat Hesekia, ak koteebe kolenji, Kale nee bichu? Ak kabunu ano kobwanei oling’ung’? Ak kile Hesekia, Kabwa olinnyu kobunu emet ne loo, emetab Babulon.

ISAIAH 5:14

Noto anyun, kigobarait oldab che kigobek, ak kigoseng’eng’ ne ma aechin ak kiy: ak chorjingei oloto teegistanywa, ak chang’indanywa, ak etunatenywa, koboto inendet ne igasegei eng’ kwenunywa.

ISAIAH 5:26

Ak konamji barak songoliet koborji bororiosiek che looen, ak koititenji ichek kobwa eng’ tabanwekab ng’ony: ak ogeero, ruou kochogu:

JEREMIA 22:7

Ak achob ng’emik agobo inye, chi tugul ak karikyik: ak koluul ichek taragoniguk che kororon ak kowirji ma.

JEREMIA 4:30

Ak inye, ye king’emin, iyae nee? Agot ngilaachi ngoroik che biriren, agot ngilelesane tuguk che bo tahabu, agot ngibaraae konyeguk saleiywek, ko buch kororonindo ne iyachinige; sasin chamaniguk, cheng’ei sobondang’ung’.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 9:9

Tos manyone abire ichek agobo tuguchu? Mwaei Jehovah: tos mayaaktachinige mugetut eng’ bororiet ne u ni?

HOSEA 5:13

Kigogeer Epraim miandanyi, ak kogeer Juda ng’otobosiekyik, kwo anyun Epraim Asuria, ak koyokto keguur laitoriat Jareb: ago maimuchi kosoobok, amainyaiywok ng’otobosiekwok.

HOSEA 9:5

Tos oyae nee eng’ betutab tuiyet ne kiging’at, ak eng’ betutab igortab Jehovah?

HOSEA 9:7

Kagoit betusiek che kiitu biret, kagoit betusiek che kiyaaktoisie; naei Israel noto: berber maotiot, amei iywek chito ne tinyei tamirmiriet, amu oindab tengektang’ung’, ak amu o bunyondit.

AMOS 5:19

ko u ye kamwee chito ng’etundo, ak kotuiye tiondo ne u keerit; anan kwo go ak kotiing’e eunnyi inat, ak kosus erenet inendet.

MIKAH 7:4

Ne mie eng’ ichek ko u katableliat: ne litit mising’ eng’ ichek ko ya kosiir ng’otwetab katok: kagoit betutab ribiguk, betut ne kiityinin biret; egu anyun kaiimenywa bo ge.

SEPANIA 1:18

Ama imuchi fedaisiekwak anan tahabusiekwak kosor ichek eng’ betutab neregekab Jehovah; ago kibeelei emet komugul eng’ matab ng’etkondanyi: igesu, ee, igesu eng’ kamuiset, ichek tugul che menyei emet.

LUKA 19:44

ak kowirjin ng’ony, ak lagoguk che mi oring’ung’; ama bagagun agot koita agenge ne mi baragutab age; amu kima inai betutab rutochineng’ung’.

NG'ATUTIK 28:49

Imutun Jehovah bororiet konyo koborienen ne bunu ole loo, tabandab ng’ony, ko u ye tirireni kipsichit; bororiet ne megase ng’alekwak;

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.