ISAIAH 10:1 - BUKUIT NE TILIL

¹ Bwa eng’ ichek che ng’atei ng’atutik che ma bo iman, ak eng’ ichek che sirei kamaaset:

Bukuit Ne Tilil

¹ Pwo eng' icheek che ng'atei ng'atuutik che ma po iman, ak eng' icheek che sirei kamaaset,

BUKUIT NE TILIIL Sireet ne Dutero Kanon

¹ Pwo eng' icheek che ng'atei ng'atuutik che ma po iman, ak eng' icheek che sirei kamaaset,

ISAIAH 10:1 ပူးပေါင်းရင်းမြစ်များ

1 LAITORINIK 21:13

Ak kibwa go bik aeng’u, werikab Belial, ak kotebi ng’ony eng’ tainnyi: ak kobaorian kotaam inendet, bichoto bo Belial, kogen agobo Nabot eng’ taitab bik, kole, Kachub Nabot Kamuktaindet ak laitoriat. Komut anyun inendet komaanda eng’ nganaset, ak kolach inendet eng’ koik, kome.

TIENWOGIKAL 58:2

Ee, oyae tengekto eng’ muguleldo; Ak oyae koromnatetab eunekwok eng’ ng’ony.

KOMONG'U 23:3

ametiytii kibanania eng’ ng’alekyik.

KOMONG'U 23:6

Amat imaas kiruogetab kibananiandeng’ung’ eng’ ng’alekyik.

ISAIAH 29:21

che igochin bik kochalwogense ng’alekwak, ak koriich mestet agobo inendet ne itigonisiei eng’ ormarichet, ak komaas chito ne bo iman eng’ kit ne bo buch.

ISAIAH 3:11

Bwa eng’ kiptengekyot! Yaitu eng’ inendet; amu kigochin melektab boisionikab eunekyik.

ISAIAH 3:14

Chutei Jehovah kiruoget, koruokyin boisiekab bikyik, ak bounikab bikyik: ak kolenji, Okwek che kioam mbaretab sabibuk; mi gorikwok barunenikab kibananok.

ISAIAH 5:11

Bwa eng’ ichek che ng’eetos karon mising’, kocheng’at maiywek; che eeisei agoi kemoi kwen, kot kobogityo mising’!

ISAIAH 5:18

Bwa eng’ ichek che ichuutune ng’ogisto boroonik che bo buch, ak kochuutu tengekto ko u eng’ rogoetab karit:

ISAIAH 5:23

Che iityin kiptengekyot agobo tugukab kagaigaet, ak korebe imanda chito ne bo iman!

ISAIAH 5:8

Bwa eng’ ichek che ituitos gorik, ak mbarenik, kot ko ma komi boroindo, ak kebirjok omeny okwege kwenutab emet!

ISAIAH 59:13

kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

ISAIAH 59:4

Mami agot agenge ne cheng’ei imanda ne bo kiruoget, ama mi ne ibei ng’alek che bo iman kapkiruok: imang’u ichek tangoita, ak komwaei lembechek; manachi yaitiet, ak koi tengekto.

JEREMIA 22:13

Bwa eng’ inendet ne teechei gonnyi ko ma eng’ imanda, ne teechei gorikyik che bo orit eng’ sastaet; ne boisie chitab kokwennyi amaigochin melekto, amaigochin kit ne yamegei ak boisiennyi;

AMOS 2:7

che isienyi komachei temburiekab emet eng’ metowekab kibananok, ak komaas ortinwekab che taloen: ak koba kwanda ak werinnyi koipgei ak chepto agenge, si kong’wanit kainennyu ne tilil:

MIKAH 6:16

Amu kiorib ng’atutikab Omri, ak boisionik tugul che bo gotab Ahab, ak obendate kiruogutikwak: si kobiit ayain iegu banan, ak ayai bik che menyei oloto koek che kirenyei; ak oib chotisietab bikyuk.

HABAKUK 2:12

Bwa inendet ne teege nganaset korotik, ak kogimite nganaset tengekto!

HABAKUK 2:15

Bwa inendet ne igochin chitab kokwennyi maiyek, inye ne itesyini ng’woneng’ung’, ak igochini kogeny kobogit, si kobiit igeer ichek komi ach ngor.

HABAKUK 2:19

Bwa inendet ne lenjin ketit, Kosu; ak ne lenjin koita ne matwegu, Ng’eet! Tos inetisiei nito? Ogeero, kigiliige tahabu ak feda, ama tinyei kabuset eng’ kwenunnyi, agot kitigin.

HABAKUK 2:6

Tos mamwaei bichuto tugul karagutiet agobo chichito, ak komwaei kalewenet ne sasisiei agobo inendet, ak komwaei kole, Bwa inendet ne tesyingei che ma che chik! Tianitu? Ak bwa inendet ne sutyingei tuguk che kiname besendo!

HABAKUK 2:9

Bwa inendet ne taachei kelunet ne ya agobo gonnyi, si kobiit koteech keswennyi eng’ ole toror, si kobiit kesor eng’ eutab yaitiet!

MATAYO 11:21

Bwa we, Korasin! Bwa we, Betsaida! Amu nda kiga kiyai eng’ Turo ak Sidon boisionik che bo kamuktaet che kigiyai eng’ okwek, ta kiga kosik keny, kolaach kuniok ak koiilegei orek.

MATAYO 23:23

Bwa okwek, sirik ak Parisaik, chombilik! Amu ogoitoi kebebertab taman ne bo heduosmon ak bisalik ak kamon, amoyae ng’alek che eechen che bo Ng’atutik, choto ko kiruoget, ak rirenetab ge, ak kayanet; ago kanyoljinok oyai chuto, amobagach chun alak.

MATAYO 23:27

Bwa okwek, sirik ak Parisaik, chombilik! Amu o kerge ak kererisiek che kigesal koleelagitu, che kororon iman barak eng’ keeret, ago nyiitotin orit kowek che bo bik che kigobek, ak muruonindo tugul.

MATAYO 23:29

Bwa okwek, sirik ak Parisaik, chombilik! Amu oteeche kererisiek che bo maotik, ak olelesanjini kererisiekab che bo imanda.

MATAYO 26:24

Wendi Weritab chi, ko u ye kigisir agobo inendet: ago bwa chichoto ne king’wektoe Weritab chi! Kita mie eng’ chichoto nda kima kisich.

LUKA 11:52

Bwa okwek ng’omotikab ng’atutik! Amu kioib yateiywot ne bo ng’omnatet ama obe orit okweget, ak kioger che kita mong’jin.

JOHANA 19:6

Ye kingogeer anyun inendet tisiik che eechen ak kiptainik, kobolyo, kole, Igartat, igartat. Kolenji Pilato, Omut okwek inendet ak ogartat: amu ma anyorji lelut.

JOHANA 9:22

Kimwa ng’alechu sigikyik, amu kiiywei Yahudik: amu kiga sib kochamnyechi Yahudik, kole, ngo ng’any chi age tugul kole Kristo inendet, kibeetoi eng’ sunagogit.

JUDA 1:11

Bwa ichek! Amu kiisub oretab Kaen, ak kogochigei mastaetab Balaam komach melekto, ak kilusyo eng’ ngelelnatetab Kora.