ISAIAH 1:5 - BUKUIT NE TILIL

⁵ Amu nee si kota kebirok, kot obistoe mising’ kosiir? Miani metit komugul, kigotanui muguleldo komugul.

Bukuit Ne Tilil

⁵ Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

BUKUIT NE TILIIL Sireet ne Dutero Kanon

⁵ Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

ISAIAH 1:5 ပူးပေါင်းရင်းမြစ်များ

2 LAITORINIK 1:13

Ak kiiyokto kogeny kiptaiyat ne bou konomutab somok koboto bikyik konom. Ak kitogosta kiptaiyatab somok ne bou konom, ak konyo kogutuny eng’ taitab Elija, ak kosaisai inendet, kolenji, Ee chitab Kamuktaindet, asain ale, ingobunji kamanut ne o, sobondanyu, ak sobonwekab otwogichuguk konom eng’ taing’ung’.

2 ATEPTAP PEETUUSYEK 28:22

Ak kites kosiir kongelelji Jehovah eng’ betusiekab nyalildanyi, laitoriandanito Ahas.

NEEMIA 9:34

ama rib Ng’atutieng’ung’ laitorinikyok, koboto bounikyok, tisiikyok, anan kwanisiekyok, ama kas it ng’atutiguk ak baornatosieguk, che kiibaorian agobo ichek.

ISAIAH 1:23

Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.

ISAIAH 31:6

Oweekyige inendet ne kiongelelji mising’, ee lagokab Israel.

ISAIAH 33:24

Ak ma tun mwaei ne meng’isiei kole, Amiani: kinyochin kaat bik che menyei oloto, tengekwogikwak.

ISAIAH 9:13

Nganda u noto ko ma weekyigei bik inendet ne kibir ichek, ama cheng’ Jehovah ne bo lugosiek.

ISAIAH 9:21

amei Manase Epraim; ak amei Epraim Manase: ak kogirindoi ichek tuwai Juda. Nganda u noto, ko ma istogei neregekyik, ago ta ko chuulat eunnyi kora.

JEREMIA 13:23

Tos imuchi kowal Etiopindet iririondennyi, anan kowal cheblanget simormorindanyi? Ngo u noto, omuchi ak okwek oyai ne mie, che kionaite oyae yaitiet.

JEREMIA 17:9

Kaberberindet muguleldo kosiir tuguk tugul, ak ko ya mising’: ng’o ne imuchi konai?

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

JEREMIA 44:15

Kiwol anyun murenik tugul che kiingen kole kibeeljin osotikwak nyamdutik cheptalelisiek che ter, ak kwonyik tugul che kitonondos eng’ ole negit, che ki tuiyet ne o, agot bik tugul che kimenyei emetab Misri, eng’ Patros, kowolji Jeremia kolenji,

JEREMIA 5:3

Ee Jehovah, tos mageerei konyeguk imanit? Kiibir ichek, ago ma arogenso; kiigesu ichek, ago kiesio kotaach kotigonet: kiiuuiit ichek togochikwak kosiir ruandet; kiesio koweek.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 5:5

awendi oldab bik che eechen, ak ang’alalji ichek; amu ingen icheget oretab Jehovah, ak kiruogetab Kamuktaindenywa. Ago kigoiri chu ka bo tai chogit kibagenge, ak kong’eti ratutik.

JEREMIA 9:3

Ak riichei ng’elyebwekwak ko u ye riichei kwangokwak, agobo lembechek; ak kagogimegitu eng’ emet, ago ma eng’ imanit: amu kong’eetye yaitiet koba yaitiet, amaingena, mwaei Jehovah.

RIREKAB JEREMIA 5:17

Kagotanuiso mugulelwekyok amu noto; Kagogorio konyekyok amu tuguchuto;

EZEKIEL 24:13

Mi yaitiet simdang’ung’: amu kiatililin, ama itililage, magitililin kogeny eng’ simdang’ung’, kot agesu neregekyuk che ng’wonen eng’ inye.

EZEKIEL 34:16

Acheng’e ne kibet, ak amutu kogeny ne kigion, ak arob ne kiil, ak agimit ne kimiani: ak abar ne nerat koboto ne kim: abae ichek kiruoget.

EZEKIEL 34:4

Ma ogimit che miandos, ama onya ne kigomian, ama orob ne kigoil, ama oweech kogeny ne kigeon, ama ocheng’ ne kigobet: ago kiobou eng’ kimnatet ak eng’ koromnatet.