ISAIAH 1:4 - BUKUIT NE TILIL

⁴ Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

Bukuit Ne Tilil

⁴ Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

BUKUIT NE TILIIL Sireet ne Dutero Kanon

⁴ Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 1:4 ပူးပေါင်းရင်းမြစ်များ

TAUNET 13:13

Ago ki yaachen bikab Sodom, ak ki kiptengeginik mising’ kosiir, eng’ taitab Jehovah.

2 LAITORINIK 21:22

ak kometo Jehovah, Kamuktaindetab kwanisiekyik, ama isub ortinwekab Jehovah.

2 ATEPTAP PEETUUSYEK 12:1

Ak kingo kagigimit bounatetab Reoboam, ak kogimit agine, kometo ng’atutikab Jehovah, inendet ak Israel tugul.

2 ATEPTAP PEETUUSYEK 27:2

Ak kiyai ne mie eng’ taitab Jehovah, ko u tugul che kiga yai kwandanyi Usia: ago kimawa hekalutab Jehovah. Ak kita koyaei bik yaitwogik kora.

NEEMIA 1:7

Kigeyaun ne ya mising’, ama kirib ng’atutik, anan kayomisutik, anan kiruogutik, che kiing’at otwogindeng’ung’ Musa.

TIENWOGIKAL 58:3

Betyotin kiptengeginik koboch komi mo: Mastoi koboch ko kagisich, komwaei lembechek.

TIENWOGIKAL 71:22

Alosun agane eng’ kibugandet, Agot imandang’ung’, ee Kamuktaindennyu: Atienun kalosunoik eng’ ketubet, Ee Inye ne Tilil ne bo Israel.

TIENWOGIKAL 78:40

Ak kingelelji inendet konyil ata eng’ ong’atet, Ak kiigochi arogenet eng’ surkwen!

TIENWOGIKAL 78:41

Ak kiweek kogeny kotiem Kamuktaindet, Ak kitach Inendet ne Tilil ne bo Israel.

TIENWOGIKAL 78:57

Ak kiweektagei let, kosub ng’alset ko u kwanisiekwak: Kigiweekta koba taban ko u kwanget ne ma litit.

TIENWOGIKAL 78:8

Ak si matun igei kwanisiekwak, Ibinda ne uui met ak ko ngelelio; Ibinda ne kima chob mugulelwekwak, Ak che kima litititu tamirmirikwak eng’ Kamuktaindet.

TIENWOGIKAL 89:18

Amu bo Jehovah long’ennyo; Ak bo Inendet ne Tilil ne bo Israel laitoriandennyo.

KOMONG'U 32:7

Ak king’alalji Jehovah Musa kolenji, Ui, chortegei; amu kagong’emgei biguk che kiimutu komong’une emetab Misri:

ISAIAH 1:23

Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.

ISAIAH 1:28

Ago tun biitu ng’emisietab bistoik ak ne bo kiptengeginik eng’ betut agenge, ak tun kigesu che metoi Jehovah.

ISAIAH 10:6

Ayoktoi kobargei ak bororiet ne ya, ak agochini kobargei ak bik che anerekyini, si koluul ak koib barunenik, ak ketiech ichek, ko u ye kitiechi ng’atatek eng’ oret.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 14:20

Motuitosi koboto ichek eng’ tubet, amu kiing’em emeng’ung’, kiibar biguk; ma kemwaei koigeny iyotetab bik che yaei yaitio.

ISAIAH 29:19

Tesei kogeny boiboiyenywa eng’ Jehovah, bik che iming’inegei, ak koboiboitune bik che bonon, Inendet ne Tilil ne bo Israel.

ISAIAH 3:8

Amu kogong’emak Jerusalem, ak kogobut Juda: amu kongelelji Jehovah eng’ ng’elyebwekwak ak eng’ boisionikwak, kotach konyekab torornatennyi.

ISAIAH 30:1

Bwa eng’ lagok che ngelel, mwaei Jehovah, che tilei ng’alek, ama eng’ ane; ak che tuchegei, ama eng’ tamirmiriennyu, si kobiit kotes tengekto eng’ tengekto:

ISAIAH 30:15

Amu komwa Kiptaiyat Jehovah, Inendet ne Tilil ne bo Israel, ko u ni kole, Kisoruok ye oweege ak omuuny; egu kimnateng’wong’ sisek ak kamang’unet: ago ma ocham.

ISAIAH 30:9

Amu icheget ko bik che ngelel, lagok che bo lembeita, lagok che machamei kogas ng’atutietab Jehovah:

ISAIAH 31:2

Ago ng’om inendet agine, ak ibu yaitiet, ama walei ng’alekyik: ago ng’eetei kogirindoi gotab yaikab yaitiet, ak toretetab icheget che yaei tengekto.

ISAIAH 37:23

Ak ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.

ISAIAH 41:14

Ameiyweisie, inye Jakobo, ne i kutiet, ak okwek bikab Israel; atoretin, mwaei Jehovah, ak katiagindeng’ung’ ko Inendet ne Tilil ne bo Israel.

ISAIAH 41:16

Iruri, si koib usonet, ak koyesta kipchurjuriet: ak ibaibaitu eng’ Jehovah, ilosunegei Inendet ne Tilil ne bo Israel.

ISAIAH 41:20

Si komuch kogeer, ak konai, ak kobwat, ak koguiyo kibagenge, kole kiyai eutab Jehovah nito, ak kitoi koyai nito Inendet ne Tilil ne bo Israel.

ISAIAH 5:19

che mwaei kole, Ingochakta inendet, kochokyi boisiennyi, si kobiit kegeer: ak ingorik konyo kiruogetab Inendet ne Tilil ne bo Israel, si kobiit kenai!

ISAIAH 5:24

Noto anyun, ko u ye beelei liblibenetab mat mobek, ak ko u ye igesu liblibenetab mat suswek che yaamnyotin, ko u noto kergeitu tigitikwak ak nunatet, ak kotogosta taptokwak ko u temburiek: amu kigoesio ng’atutikab Jehovah ne bo lugosiek, ak kosas ng’olyotab Inendet ne Tilil ne bo Israel.

ISAIAH 57:17

Amu kianerech agobo tengektab kasennyi ne bo miat, ak abir inendet, kiauny togennyu ak anerech: ak kites komaasak eng’ oretab muguleldanyi.

ISAIAH 58:2

Ago cheng’a betut age tugul, ak chamei konai ortinwekyuk: ko u bororiet ne kiyai imanda, ama meto kiruogetab Kamuktaindenywa, teebena kiruogutik che bo iman, chamei korikyi Kamuktaindet.

ISAIAH 65:11

Ago okwek che ometoi Jehovah, che outie tulwennyu ne tilil, che ochobe meset agobo Kelunet, ak che onyiityini Kagesunet divaik che kigiburuch:

ISAIAH 65:3

bik che tacha kimni kotugul, koeng’sei eng’ mbarenik, ak kobeelei nyamdutik eng’ matabaruk barak;

ISAIAH 9:17

Maboiboitu Jehovah eng’ murenikwak, ama rire chechuak che matinyei kwanda ak mosogikwak: amu ya age tugul, ak ko yaindetab yaitiet, ak komwaei kutit age tugul abusnatet. Nganda u noto, ko ma istogei neregekyik, ago ta ko chuulat eunnyi kora.

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 2:33

Ichoptoi ano oreng’ung’ si icheng’ chamnyet! Kiinet anyun kwonyik che yaachen ortinweguk.

JEREMIA 2:5

Mwaei Jehovah ko u ni kole, Nee kit ne ma bo iman ne kinyorja kwanisiekwok, kot kolooitena, ak kosubot tangoita, ak kagoek buch?

JEREMIA 32:32

amu yaitiet tugul ne bo lagokab Israel ak ne bo lagokab Juda, che kigoyai kotagena anerech, ichek, laitorinikwak, bounikwak, tisiikwak, ak maotikwak, ak bikab Juda, ak bik che menyei Jerusalem.

JEREMIA 50:29

Kuur mwogik tugul kobargei ak Babulon, ichek tugul che riichei kwangok koyiem komoswekyik; amengochilil agot agenge eng’ oloto: yaakyi mugetut ko u boisionikyik; oyachi ko u tugul che kigoyai: amu kigomenji Jehovah, kigomenji Inendet ne Tilil ne bo Israel.

JEREMIA 51:5

Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

JEREMIA 7:19

Tos tacha bichoto anerech? Mwaei Jehovah. Tos matachegei ichegei, si kogochigei kalilanet eng’ togochikwak?

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

EZEKIEL 14:5

si kobiit anam gotab Israel eng’ mugulelwekwak icheget, amu kigotoiyenagei ichek tugul amu kanamonikwak.

EZEKIEL 16:33

Igochin bichoto chepkugonik tugul tugukab kagaigaet: ago igochini inyendet tuguguk che bo kagaigaet chamaniguk tugul, ak igaigae ichek tuguchoto, si kobiit kobwanjin eng’ komosta age tugul agobo kugoinatosieguk.

EZEKIEL 16:45

I cheptab kamet, ne wechei manong’otiondennyi ak lagokyik; ak i chepto ne otupche ak chepkametwogiguk, che kiweche manong’otaikwak ak lagokwak: ki bo komet Hitik, ko bo kwandang’ung’ Amorik.

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

SEPANIA 1:6

ak ichek che kiweek kometo Jehovah; koboto ichek che ma cheng’ Jehovah, anan koteepse inendet.

KAITOSYEK 32:14

Ak ogeero, kong’eetye oyai ko u ye kiyai kwanisiekwok, oegu kiptengeginik che tesoksei, otes neregek che koromen che bo Jehovah eng’ Israel.

MATAYO 11:28

Obwanja, okwek tugul che oiimige, ak che olae tuguk che nyigisen, si amuung’wok.

MATAYO 23:33

Okwek erenok, o lagokab erenok che ng’wonen, ochilildoi ano eng’ kiruogetab Gehenna!

MATAYO 3:7

Ago ye kingogeer kobwanji kabatisanennyi che chang’ che bo Parisaik ak Sadukaik, kolenji, Okwek lagokab erenok che ng’wonen, ng’o ne kiiteeywok omwee nereknatet ne nyonei?

ROMANIK 8:7

amu kererwekab met che bo borto ko bunyondit eng’ Jehovah; amu magase it Ng’atutietab Jehovah, amaimuchi:

1 KORINTOEK 10:22

Anan kitache Kiptaiyat konyor ng’etkong’? Tos ki kimen kosiir inendet?

NG'ATUTIK 29:25

Kole anyun bik, Amu kibagakta kayomisetab Jehovah, Kamuktaindetab kwanisiekwak, ne kiyai koboto ichek ye kiimutu komong’ eng’ emetab Misri;

NG'ATUTIK 31:16

Ak kilenji Jehovah Musa, Keero, irue koboto kwanisieguk; yeityo kong’eetyo bichu koibotgei ak kanamonik che bo bororiosiek alak che bo emet, ole bendi kotebe kwenunywa, ak kobagakta, ak kobut kayomisennyu, ne kigiyomisge ak ichek.

NG'ATUTIK 32:19

Ak kigeer Jehovah, ak kowech, Amu tagetab ne kitach werikyik ak tibikyik.

NG'ATUTIK 32:5

King’emgei; berutiet ne tinyei ko ma bo lagokab Jehovah; Ichek bororiet ne ngelelio ne mastaat.

KOLOSAIK 1:24

Abaibai anyun nguno eng’ nyalilwogikyuk agobo okwek, ak anyiiti eng’ komostanyu noto ne rarunot agobo nyalilwogikab Kristo eng’ bortanyu agobo bortanyi, noto kaniset;

NG'ANG'UTYET 18:5

amu kigoit tengekwogikyik kipsengwet, ak kagobwat Jehovah tengekwogikyik.

KIRUOGIK 10:10

Ak kirirji lagokab Israel Jehovah, kolenji, Kigeyaun tengekto, amu kigemete Kamuktaindennyo, ak kigeot Baalik.