ISAIAH 1:1 - BUKUIT NE TILIL

¹ Ng’ang’utietab Isaia weritab Amos, ne kigeer agobo Juda ak Jerusalem, eng’ betusiekab Usia, Jotam, Ahas ak Hesekia, laitorinikab Juda.

Bukuit Ne Tilil

¹ Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.

BUKUIT NE TILIIL Sireet ne Dutero Kanon

¹ Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.

ISAIAH 1:1 ပူးပေါင်းရင်းမြစ်များ

2 LAITORINIK 15:1

Kitoi kolaitoran Asaria weritab Amasia laitoriatab Juda eng’ kenyitab tiptem ak tisab ne bo Jeroboam laitoriatab Israel.

2 LAITORINIK 15:13

Kitoi kolaitoran Salum weritab Jabes eng’ kenyitab sosom ak sogol ne bo Usia laitoriatab Juda: ak kilaitoran arawet agenge eng’ Samaria.

2 LAITORINIK 15:32

Kitoi kolaitoran Jotam weritab Usia laitoriatab Juda eng’ kenyitab aeng’ ne bo Peka weritab Remalia laitoriatab Israel.

2 LAITORINIK 15:7

Ak kiru Asaria koboto kwanisiekyik; ak kigitub koboto kwanisiekyik, eng’ nganasetab Daudi: ak kilaitoran Jotam werinnyi kogeer inendet.

2 LAITORINIK 18:1

Kitoi kolaitoran Hesekia weritab Ahas laitoriatab Juda eng’ kenyitab somok ne bo Hosea weritab Ela laitoriatab Israel.

2 LAITORINIK 19:2

Ak koyokto Eliakim, ne kibou got, ak Sebna sirindet, ak boisiekab tisiik, kotugotegei kuniok, koba ole mi Isaia maotiot, weritab Amos.

2 ATEPTAP PEETUUSYEK 26:1

Yeityo konam bik tugul che bo Juda Usia, ne ki bo kenyisiek taman ak lo, ak koeet inendet koek laitoriat kogeer kwandanyi Amasia.

2 ATEPTAP PEETUUSYEK 26:22

Ak boisionik che ng’etunotin che bo Usia, che bo tai ak che bo let, ko kisir maotiot Isaia, weritab Amos.

2 ATEPTAP PEETUUSYEK 27:1

Ki bo Jotam kenyisiek tiptem ak mut ye kitau kolaitorani; ak kilaitoran kenyisiek taman ak lo eng’ Jerusalem: ak kigiguure kamennyi Jerusa cheptab Sadak.

2 ATEPTAP PEETUUSYEK 28:1

Ki bo Ahas kenyisiek tiptem ye kitau kolaitorani; ak kilaitoran kenyisiek taman ak lo eng’ Jerusalem: ak kima yai ne mie eng’ taitab Jehovah, ko u Daudi kwandanyi:

2 ATEPTAP PEETUUSYEK 29:33

Ak kiek tuguk che kigitaban eik bogol lo ak kechirek elfusiek somok.

TIENWOGIKAL 89:19

Kiing’alalji anyun cheguk che tililen eng’ ng’ang’utik, Ak ilenjini, Kaalaakyi toretet inendet ne nyigan; Kiatoror ne kigilewen eng’ bik.

ISAIAH 13:1

Lautietab Babulon, ne kigeer Isaia weritab Amos.

ISAIAH 2:1

Ng’olyotab Isaia weritab Amos, ne kigeer agobo Juda ak Jerusalem.

ISAIAH 20:2

king’alal Jehovah eng’ betusiechoto eng’ Isaia weritab Amos, kole, Ui ireegu kuniok che igermenege, ak ireegu kweoniguk. Ak kiyai ko u noto, kowendot ach ngor ama tinyei kweonik.

ISAIAH 21:2

Kagiborua ng’ang’utiet ne ng’wan; iberberisiei kaberberindet, ak kong’emisiei ng’emindet. Ee Elam, togoste; ee Media, yiemisie; kaawong’u tigenoikyik tugul.

ISAIAH 37:2

Ak koyokto Eliakim ne kibou got, ak Sebna sirindet, ak boisiekab tisiik, kotugotegei kuniok, koba ole mi Isaia maotiot, weritab Amos.

ISAIAH 38:1

Kimian Hesekia eng’ betusiechoto kot ko negit kome. Ak kinyo ole mi inendet Isaia maotiot weritab Amos, ak kolenji inendet, Mwaei Jehovah ko u ni kole, Rarji ket bikab gong’ung’; amu imee, mesobe.

ISAIAH 40:9

Togoste tulwet ne koi inye ne imwachini logoiywek che miach Sion; waach mising’ eng’ kimnatet inye ne imwachini Jerusalem logoiywek che miach; waach, ameiywei; mwachi nganasokab Juda ilenji, Ogeer, Kamuktaindeng’wong’!

ISAIAH 6:1

Eng’ kenyit ne kimee laitoriat Usia, ageer Kiptaiyat kotebe ng’echeretab laitornatet, kotoror ak komi barak, ak kinyi ngoriennyi hekalut.

ISAIAH 7:1

Eng’ betusiekab Ahas weritab Jotam, weritab Usia, laitoriatab Juda, kotogosta Resin Jerusalem laitoriatab Suria, ak Peka weritab Remalia, laitoriatab Israel, kolen kobargei; ago ma imuch koterter.

JEREMIA 23:16

Mwaei Jehovah ne bo lugosiek ko u ni kole, Amoepchi it ng’alekab maotik che maotenwok; inetok tangoita: mwaei ng’ang’utiet ne bunu mugulelwekwak, ama ne mong’une kutitab Jehovah.

EZEKIEL 1:1

Kiyatak kipsengwet eng’ kenyitab sosom, eng’ arawet ne bo ang’wan, eng’ betutab mut ne bo arawanato, ye kiami koboto luulenik eng’ ye negite ainetab Kebar, ak kiageer ng’ang’utikab Kamuktaindet.

HOSEA 1:1

Ni ng’olyotab Jehovah ne kinyonji Hosea weritab Beri, eng’ betusiekab Usia, Jotam, Ahas, ak Hesekia, che ki laitorinikab Juda, ak eng’ betusiekab Jeroboam weritab Joas, laitoriatab Israel.

AMOS 1:1

Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

AMOS 4:5

ak ogoite korosiotab kongoi ne bo kit ne kaginde mermerek, ak omwaite kagochinoikab chamnyet, ak obarte: amu ochame nito, ee lagokab Israel, mwaei Jehovah.

MIKAH 1:1

Ng’olyotab Jehovah ne kinyonji Mika Morastindet eng’ betusiekab Jotam, Ahas, ak Hesekia, laitorinikab Juda, ne kigeer agobo Samaria ak Jerusalem.

NAHUM 1:1

Lautietab Ninebe. Bukuitab ng’ang’utietab Nahum Elkosindet.

HABAKUK 2:2

Ak kiwolwa Jehovah, kolenja, Sir ng’ang’utiet ak iyai kotook eng’ tuguk che kisirei, si kobiit komuch kosoman chito ne labati.

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

KAITOSYEK 24:16

Mwaei inendet ne kasei ng’alekab Kamuktaindet, Ne ingen ng’omnatetab Inendet ne Toror Mising’, Ne keerei ng’ang’utietab Inendet ne bo Kamuktaet, Ak kobutyi ng’ony, ko kayatogis konyekyik:

KAITOSYEK 24:4

Kale inendet ne kasei ng’alekab Kamuktaindet, Ne keerei ng’ang’utietab Inendet ne bo Kamuktaet, Ak kobutyi ng’ony, ko kayatogis konyekyik:

MATAYO 17:9

Ak kingota kochorugei eng’ tulwet, kong’at Jesu ichek, kolenji, Amomwachi chi kaborunonito, agoi tun kong’eet Weritab chi eng’ che kibek.

POISYONIGAP CHE KIYOKTOI 10:17

Ak ye kita koiimegei Petero mising’ eng’ muguleldanyi kole, iboru nee ng’ang’utioni kagogeer, ogeero, kotononso eng’ kurgat bik che kiga koyok Kornelio, ko kagoteeb ole mi gotab Simon,

POISYONIGAP CHE KIYOKTOI 26:19

Noto anyun, ee, laitoriandani Agripa, ma abistoe kaborunet ne bo kipsengwet:

2 KORINTOEK 12:1

Kanyol alosge, agot ngo manyolu; ago aityini keersosiek ak ng’ang’utik che bo Kiptaiyat.

2 PETERO 1:21

Amu mami maoinatet ne kigobiit eng’ magetab chi: ago king’alali bik eng’ Jehovah, kondochin Tamirmiriet ne Tilil.