HOSEA 9:7 - BUKUIT NE TILIL

⁷ Kagoit betusiek che kiitu biret, kagoit betusiek che kiyaaktoisie; naei Israel noto: berber maotiot, amei iywek chito ne tinyei tamirmiriet, amu oindab tengektang’ung’, ak amu o bunyondit.

Bukuit Ne Tilil

⁷ Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

BUKUIT NE TILIIL Sireet ne Dutero Kanon

⁷ Kagoit peetuusyek che kiitu pireet, kagoit peetuusyek che kiyaaktoisye; naei Israel nooto, “Perber maotyot, amei iywek chiito ne tinyei Kabuuset ne Tiliil” amu ooindap tengektong'ung', ko oo puunyoonding'ung'.

HOSEA 9:7 ပူးပေါင်းရင်းမြစ်များ

2 LAITORINIK 9:11

Konyo anyun Jeu ole kimi otwogikab kiptaiyandennyi: ak kilenji age inendet, Kalyet? Kanyonjin kibiywoni amu nee? Ak kilenji ichek, Ongen chichoto, ak kit ne ka u ng’alekyik.

ISAIAH 10:3

Ak oyae nee eng’ betut ne ityinok bireng’wong’, ak eng’ ng’emisiet ne bunu ole loo? Omwechini ng’o kotoretok? Ak ondoi ano torornateng’wong’?

ISAIAH 26:11

Kasutok eung’ung’ Jehovah, ama keerei ichek: ago keerei kagiileng’ung’ bo ge agobo bik, ak kolilanso; ee, laldos buniguk.

ISAIAH 34:8

Amu betutab Jehovah ne bo yaaktaetab mugetut, kenyitab kageeret ne bo toiyetab Sion.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 11:23

ama biitu che ng’etu eng’ ichek: amu aipchini yaitiet bikab Anatot, eng’ kenyit ne agikyini ichek abire.

JEREMIA 16:18

Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

JEREMIA 23:13

Ak kiageer berberindo eng’ maotikab Samaria; kimaotene Baal, ak kogochi bikyuk Israel kolel.

JEREMIA 25:14

Amu yaei bororiosiek che chang’ ak laitorinik che eechen ichek koek otwogikwak, koot ichek: ak ayaakyi ichek ko u boisionikwak, ko u boisionikab eunekwak.

JEREMIA 29:26

Kaindein Jehovah iegu tisiindet igeer tisiindet Jeoiada, si kobiit oegu bounik eng’ gotab Jehovah, amu chi age tugul ne kibiywet, ak koyaegei koek maotio, iratyi ketik kelyekyik, ak iratyi mugurek kaatinnyi.

JEREMIA 46:21

U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei.

JEREMIA 6:14

Kigonya kogeny mookab bikyuk kobir barak, kolenjin, Kalyet, kalyet; ye mami kalyet.

JEREMIA 8:11

Ak kigonya mookab cheptab bikyuk kobir barak, kolenjin, Kalyet, kalyet; ye mami kalyet.

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

EZEKIEL 13:10

Ee, amu kigoberber bikyuk, kolenji, Kalyet; ama mi kalyet; ak ye teech chito inatut, ogeero, male tartarik che ma miachen:

EZEKIEL 13:3

Mwaei Kiptaiyat Jehovah ko u ni kole: Bwa maotik che berber, che isubi tamirmirikwak ichegei, ak ko tom kogeer kiy!

EZEKIEL 25:17

Ak ayaakyi ichek mugetut ne korom, eng’ keretab kong’ ne ng’wan; si konai kole a Jehovah, ye ayaakyini ichek mugetut.

EZEKIEL 38:23

Ak atororge, ak atabange, ak abartege eng’ taitab bororiosiek che chang’; si konai ichek kole a Jehovah.

EZEKIEL 9:10

Ago ne u ane, ko marire kondanyu, ama rira mo, ago aipchini orenywa metowekwak.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 5:9

Egu karatia Epraim eng’ betutab keretab kong’: kiaboru eng’ kwenutab bororiosiekab Israel kit ne tun biitu.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

HOSEA 9:8

Ki ribindet Epraim koboto Kamuktaindennyu: ago ne u maotiot, komi mestetab taritik ortinwekyik tugul, ak komi bunyondit gotab Kamuktaindennyi.

AMOS 8:2

Ak kilenja, Amos, igeere nee? Ak kialenji, Ageere kitongetab logoek che bo kemeut. Kilenja anyun Jehovah, Kanyonji kagesunet bikyuk Israel; ma abune kogeny ole mi ichek.

MIKAH 2:11

Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

MIKAH 7:4

Ne mie eng’ ichek ko u katableliat: ne litit mising’ eng’ ichek ko ya kosiir ng’otwetab katok: kagoit betutab ribiguk, betut ne kiityinin biret; egu anyun kaiimenywa bo ge.

SEPANIA 3:4

Bik che tangusen ak koberberisiei maotikyik: kigomuruon tisiikyik ole tilil, kigong’em ng’atutik.

MARIKO 3:21

Ak ye kingogas choronokyik, koba konam inendet: amu kimwa kole, Kagobet met.

LUKA 21:22

Amu chuto ko betusiekab mugetut, si kobiit kosulda tuguk tugul che kigisir.

2 KORINTOEK 5:13

Agot ngo kogobetech met, ko eng’ Jehovah; anan ngo litit ng’omnatennyo, ko amu okwek.

NG'ANG'UTYET 16:19

Ak kipcheak nganaset ne o koek kebeberwek somok, ak kilulyo nganasokab bororiosiek: ak kigibwat Babulon ne o eng’ taitab Jehovah, si kobiit kigochi inendet kikombet ne bo divaikab koromnatetab neregekyik.