HOSEA 9:3 - BUKUIT NE TILIL

³ Mamenyei ichek emetab Jehovah; ago weekyingei Epraim Misri, ak koam amitwogik che ma tililen eng’ Asuria.

Bukuit Ne Tilil

³ Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

BUKUIT NE TILIIL Sireet ne Dutero Kanon

³ Ma menyei icheek emetap Kamuktaindet ne Toroor; ago weekyingei Ephraim Misiri, ak koam amitwogik che ma tiliileen eng' Assyria.

HOSEA 9:3 ပူးပေါင်းရင်းမြစ်များ

1 LAITORINIK 9:7

ang’etoi Israel anyun eng’ emet ne kiagochi; ak goi kiatilil agobo kainennyu, aistoi eng’ tainnyu; si koek Israel kalewenet ak atindiot eng’ bik tugul:

2 LAITORINIK 17:6

Kinam laitoriatab Asuria Samaria, eng’ kenyitab sogol ne bo Hosea, ak komut Israel koba Asuria, ak kwo konde ichek Hala, ak Habor, eng’ ainetab Gosan, ak nganasokab Medek.

JEREMIA 16:18

Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

JEREMIA 2:7

Ak kiamutwak obwa emet ne chang’ amitwogik, si kobiit oam logoekyik ak mieindanyi; ago kingoit emonoto, ong’wanit emennyu, ak oyai borotennyu koek kit ne kiwechei.

RIREKAB JEREMIA 5:6

Kigenamge eunek ak Misrik eng’ kayosiet, Koboto Asurik, si kobiit kebiye.

EZEKIEL 4:13

Ak kimwa Jehovah kole, Amei ko u noto lagokab Israel makatinikwak ko ng’wonen, eng’ bororiosiek ole tun aonjini.

DANIEL 1:8

Ago kitil Daniel eng’ muguleldanyi kole si maing’wanitegei amitwogikab laitoriat, anan divaik che kieei laitoriat: kisom anyun bounindetab kiptainik kole si maing’wanitgei.

HOSEA 11:11

Bwanei kobotanionu ko u taritiet ne mong’une Misri, ak ko u cheptuget ne mong’une emetab Asuria: ak agochi ichek komeny gorikwak, mwaei Jehovah.

HOSEA 11:5

Maweekyingei inendet emetab Misri; ago egu Asuriaindet laitoriandennyi, amu kiesio ichek koweeigei.

HOSEA 7:11

U Epraim cheptuget ne berber, ne matinyei kaguiyet: kuurei Misri, bendi Asuria.

HOSEA 7:16

Weechigei, ago maweekyingei inendet ne mi barak; u kwanget ne ma litit: kibarei bounikwak eng’ rotwetab chok amu neregekab ng’elyebwekwak: egu nito chotisienywa eng’ emetab Misri.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

HOSEA 9:6

Ogeero, kigoistoegei ng’emisiet, ago iyumi Misri ichek, ak tubei Mempis ichek: bunjin siwek tugukwak che kororon che bo feda: mi katok emaisiekwak.

ATEPTAP LAWIK 18:28

si maing’ung’dak ak okwek emet, ye omuruon, ko u ye kiing’ung’da bororiosiek che kimi kotom oitu.

ATEPTAP LAWIK 20:22

Orib anyun ng’atutikyuk tugul amu noto, ak kiruogutikyuk tugul, ak oyai: si maing’ung’dak emet ole amutok omeny.

ATEPTAP LAWIK 25:23

Ak magialdoi emonoto agoi; amu nenyu emet: amu o toek kobota eng’ emonoto ak o kiprutoinik kobota.

AMOS 7:17

Mwaei anyun Jehovah ko u ni kole: Egu osotiondeng’ung’ chepkugoniot eng’ nganaset, ak kebare rotwetab chok weriguk ak tibiguk, ak kepchee borowet emeng’ung’; ak imee inyendet eng’ emet ne ng’wan, ak keluul iman Israel kimut eng’ emennyi.

MIKAH 2:10

Ong’eetye, ak obe; amu ma olito ole omuung’e: amu muruonindo ne ng’emisiei, ee, ng’emisiet ne ya kot.

POISYONIGAP CHE KIYOKTOI 10:14

Ago kile Petero, Ma u noto, Kiptaiyandani; amu tom aam kiy ne ma tilil anan ne ng’wan koboch atkinyei kora.

NG'ATUTIK 28:63

Ak ko u ye kibaibait Jehovah eng’ okwek koyaiywok ne mie, ak kotesak; u noto boiboitu Jehovah eng’ okwek kolusak, ak kowong’wok; ak kitutok eng’ emet ne iwendi iname kobunjin.

NG'ATUTIK 28:68

Ak koweekyin Jehovah Misri kogeny eng’ melisiek, eng’ oret ne kiamwaun, ale, Ma igeere kogeny: ak oaldochige bunikwok eng’ oloto oegu otwogik che murenik ak che kobogorisiek, ago mabiitu chi ne alok.

NG'ATUTIK 4:26

kaguur kipsengwet ak ng’ony kobaorianjin betuni, ale osib olustosi owong’ugei eng’ emet ne obendi olandoe Jordan oname kobunjok; machang’aitu betusiekwok eng’ oloto, ago king’emok owong’ugei.

JOSHUA 23:15

Ak koek ko u ye kibwanjok tuguk tugul che miachen che kimwawok Jehovah Kamuktaindeng’wong’, koibwok Jehovah ko u noto, tuguk tugul che yaachen, agoi kogeswok eng’ emoni kararan kigonok Jehovah Kamuktaindeng’wong’.