HOSEA 7:2 - BUKUIT NE TILIL

² Ama ibwati eng’ mugulelwekwak kole abwati yaitienywa tugul: yiemei ichek anyun boisionikwak; mi tainnyu choto.

Bukuit Ne Tilil

² Ama ibwaati eng' mugulelwekwak kole abwaati yaityennywa tugul: yiemei icheek anyun poisyonikwak; mi tainnyu chooto.

BUKUIT NE TILIIL Sireet ne Dutero Kanon

² Ama ibwaati eng' mugulelwekwak kole abwaati yaityennywa tugul: yiemei icheek anyun poisyonikwak; mi tainnyu chooto.

HOSEA 7:2 ပူးပေါင်းရင်းမြစ်များ

Kitabuutap JOB 34:21

Amu keerei konyekyik ortinwekab chi, Ak kogeerei banwekyik tugul.

TIENWOGIKAL 10:11

Len eng’ muguleldanyi, Kogoutie Kamuktaindet: Unyei togennyi; mageerei agoi.

TIENWOGIKAL 25:7

Amebwat tengekwogik che bo ming’inatennyu, anan bistoennyu: Ibwata ko u chamnyeng’ung’ ne tala, Amu mieindang’ung’, ee Jehovah.

TIENWOGIKAL 50:22

Ara anyun obwat chuto, okwek che outie Kamuktaindet, Si matonak, ama biitu chi ne soruok:

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

TIENWOGIKAL 90:8

Kiinde tengekwogikyok taing’ung’, Ak kiinde tengekwogikyok che ung’otin lapkeiyetab togeng’ung’.

ISAIAH 1:3

Ingen eito chitab kobo, ak kongen sigiriet biutab kiptaiyandennyi: ago manaei Israel, amaibwati bikyuk.

ISAIAH 26:16

Ee Jehovah, kigobwanjin ichek eng’ nyalilda, kisain ye kiitigon ichek.

ISAIAH 44:19

Ama mi ne ibwati, ama mi naet anan kaguiyet ne mwaei kole, Kaabeel alak eng’ ma: ee, kaabeele makatinik nesekyik kogeny; kaawatane banyek ak aam: ak tos ayai ne kang’et koek kit ne kiwechei? Tos abutyini kit ne kiyae ketit?

ISAIAH 5:12

Ak ketubet ak kibugandet, ak sugutit ne ming’in ak ndurerut, ak maiyek, mi choto igorwekwak: ago maiiti ichek boisietab Jehovah, anan kobwat boisionikab eunekyik.

JEREMIA 14:10

Mwachin Jehovah bichu ko u ni kole, Kicham ko u noto koombenso; tom koisto kelyekwak: mataachei anyun Jehovah ichek amu noto; ibwati inendet tengektanywa, ak koityin biret amu tengekwogikwak.

JEREMIA 16:17

Amu ageere emotinwekwak tugul: ma ung’otin eng’ tainnyu, ama ung’at tengektanywa si mageer.

JEREMIA 17:1

Kigisire tengektab Juda kalamitab karnet koboto ng’atibindab koita ne uui: kigisirji mugulelwekwak ak eng’ kuinoikab kapkorosusiekwak;

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 32:19

inendet ne o eng’ kiruoget, ak ko bo kamuktaet eng’ boisiet; ne keerei konyekyik ortinwek tugul che bo werikab bik; si kogochi age tugul ko u ortinwekyik ak ko u logoekab boisionikyik;

JEREMIA 4:18

Kagoibun oreng’ung’ ak boisioniguk tuguchuto; nito ko yaitieng’ung’; amu ng’wan, amu itei muguleldang’ung’.

JEREMIA 44:21

Tos kima ibwat Jehovah ichek ama chut metinnyi, nyamdutik che kiobeele eng’ nganasokab Juda, ak eng’ ortinwek che bo Jerusalem, okwek ak kwanisiekwok, laitorinikwok, ak bounikwok, ak bikab emet,

EZEKIEL 21:29

kota kogeerjinin tangoita, kota kong’orei lembechek agobo inye, si kondein kaatwekab kiptengeginik che kigiguoten ne bo meet, che kagonyo betunywa, eng’ betusiekab yaitiet ne bo let.

HOSEA 12:2

Ibeligei kogeny Jehovah ak Juda, ak kobir Jakobo ko u ortinwekyik; yaakyin inendet ko u boisionikyik.

HOSEA 4:9

Ak kit ne u eng’ bik, ko u noto eng’ tisiindet: ak abire ichek amu ortinwekwak, ak ayaakyi boisionikwak.

HOSEA 6:2

Isoobech ye ibata betusiek aeng’u: ak kong’eetech eng’ betut ne bo somok, ak kesopche eng’ tainnyi.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

HOSEA 9:15

Mi yaitienywa tugul Gilgal; amu kiawech ichek eng’ oloto: aone ichek koba eng’ gonnyu amu yaitietab boisionikwak: ma achame kogeny; bistoik bounikwak tugul.

HOSEA 9:9

Kigong’emgei mising’, ko u eng’ betusiekab Gibea: ibwati inendet tengektanywa, iityin biret amu tengekwogikwak.

AMOS 8:7

Kogoyosio Jehovah eng’ telunatetab Jakobo, kole, Magoi autie iman boisionikwak, agot agenge.

JONAH 1:2

Ng’eet, ui Ninebe, nganasanato o, ak ititenji; amu kagotogos yaitienywa tainnyu.

KAITOSYEK 32:23

Ago ngot ko moyai ko u noto, ogeero, ko kaoyai tengekto eng’ taitab Jehovah: ak onai anyun ole ng’ang’dook tengektang’wong’.

LUKA 12:2

Ago mami kiy ne tugot, ne matun king’anyei, anan ne ung’at, ne matun naaksei.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.