HOSEA 7:1 - BUKUIT NE TILIL

¹ Ye kata amache asoob Israel, kotook anyun tengektab Epraim, ak yaitietab Samaria; amu boisie lembechek: ak kwo orit chorindet, ak ng’emisiei lugetab rebik eng’ sang’.

Bukuit Ne Tilil

¹ Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

BUKUIT NE TILIIL Sireet ne Dutero Kanon

¹ Ye kata amache asoop Israel, kotook anyun tengektap Ephraim ak yaityetap Samaria; amu poisyee lembechek: ak kwo oriit choriindet, ak kong'emisyei lugeetap rebiik eng' saang'.

HOSEA 7:1 ပူးပေါင်းရင်းမြစ်များ

ISAIAH 28:1

Bwa eng’ chepkuletab menotet ne bo kibogitinikab Epraim, ak eng’ taptet ne resei ne bo kororonindab laitornatennyi, ne mi metitab atebwet ne akwai ne bo ichek che kigoterter divaik!

ISAIAH 59:12

Amu kigotesogis bistaosiekyok eng’ taing’ung’, ak baorianjinech tengekwogikyok: amu mi kobotech bistaosiekyok, ak kingen tengekwogikyok:

ISAIAH 59:13

kigiesie Jehovah eng’ bistoennyo, ak kigemaste ama kisub Kamuktaindennyo, keng’alali ng’alekab sastaet ak ngelelnatet, kichobe eng’ mugulelwekyok ng’alekab lembech, ak kemwae.

ISAIAH 59:14

Ak kikwa let kiruoget, ak tononi imanda eng’ ole loo: amu kagobutyi imanda oret, ak maimuchi komong’ lititindo.

JEREMIA 51:9

Kata kimache kisoob Babulon, ago ma sob: omete inendet, ak ongebe, kwo chi tugul emennyi: amu itei kipsengwet kiruogennyi, ak kaginamji barak agoi koit kipsengwet.

EZEKIEL 16:46

Chepkameng’ung’ ne o ko Samaria, ne menyei komostab eungung’ ne bo katam, inendet ak tibikyik; ak chepkameng’ung’ ne ming’in, ne menyei komostab eung’ung’ ne bo tai, ko Sodom ak tibikyik.

EZEKIEL 23:4

Kainaikwak ko ki Ohola, ne o, ak Oholiba, chepkamet: ak kibunja, ak kisich werik ak tibik. Ak ki u ni kainaikwak, Samaria ko Ohola, ak Jerusalem ko Oholiba.

EZEKIEL 24:13

Mi yaitiet simdang’ung’: amu kiatililin, ama itililage, magitililin kogeny eng’ simdang’ung’, kot agesu neregekyuk che ng’wonen eng’ inye.

HOSEA 10:5

Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 11:12

Yiemena Epraim lembechek, koyiemena gotab Israel ng’alset: ago bounisiei Juda kora koboto Kamuktaindet, ak koyanat eng’ Inendet ne Tilil.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

HOSEA 12:1

Baegei Epraim usonet, ak kosuboti usonetab kong’asis: tesei kotugul lembechek ak ng’emisiet; ak koyomisegei koboto Asuria, ak keib mwanik koba Misri.

HOSEA 12:2

Ibeligei kogeny Jehovah ak Juda, ak kobir Jakobo ko u ortinwekyik; yaakyin inendet ko u boisionikyik.

HOSEA 4:17

Kigonamgei Epraim ak kanamonik; bagakte inegei.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

HOSEA 5:1

Ogas nito, ee okwek tisiik, ak koeb it, okwek gotab Israel, ak ogas komie, ee, gotab laitoriat, amu nyonjinok kiruoget; amu kioegu mestet eng’ Mispa, ak mestet ne u regereiywot ne kiitoi eng’ Tabor.

HOSEA 6:4

Ee Epraim, ayaun nee? Ee Juda, ayaun nee? Amu u mieindang’wong’ boldet ne bo karon, ak ko u rewot ne sib kobetei.

HOSEA 7:13

Bwa eng’ ichek! Amu kigoombeniot kometa: ingonyonji ichek ng’emisiet! Amu kigongelelja: agot nganda amache atiach ichek, ko kigomwa kora lembechek agobo ane.

HOSEA 8:5

Kigometo moitang’ung’, ee Samaria, kagolalyo neregekyuk agobo ichek: tianitu si koek bik che matinyei tengek?

HOSEA 8:9

Amu kitogosta koba Asuria, ko u sigiriet ne bo timin ne mi inegei: kial Epraim chamanik.

AMOS 3:10

Mwaei Jehovah kole, Amu maingen koyai ne mie, che konori koromnatet ak rebisiet eng’ gorikwak che bo laitoriat.

AMOS 3:9

Omwaite eng’ gorikab laitoriat eng’ Asdod, ak eng’ gorikab laitoriat che mi emetab Misri, ole, Oyumjige tulonokab Samaria, ak ogeer ole te wasetab ge ne o ne mi oloto, ak ole te sastaosiek che mi kwenunnyi.

AMOS 8:14

Icheget che iyostos eng’ tengektab Samaria, kole, Ee Dan, ko u ye sobei Kamuktaindeng’ung’; ak ko u ye sobei oretab Beer-seba; ibutos choto agichek, amagoi ng’eetyo kogeny.

MIKAH 6:16

Amu kiorib ng’atutikab Omri, ak boisionik tugul che bo gotab Ahab, ak obendate kiruogutikwak: si kobiit ayain iegu banan, ak ayai bik che menyei oloto koek che kirenyei; ak oib chotisietab bikyuk.

MATAYO 23:37

Ee Jerusalem, Jerusalem, ne barei maotik, ak kolage koik ichek che kigiyokyi! Kiamach konyil ata ayum lagoguk, agot ko u ye iyumi ngogiet arekyik eng’ kebebaikyik, ago ma ocham!

LUKA 13:34

Ee, Jerusalem, Jerusalem, inye ne ibare maotik, ak ilage koik che kiyogun! Kiamach konyil ata ayum lagoguk, ko u ngogiet ne iyumjin arekyik kebebaikyik, ago kima ocham!

LUKA 19:42

kolen, Nda kengen eng’ betuni, agot inye, tuguk che bo kalyet! Ago nguno ko kagoung’ogis eng’ konyeguk.