HOSEA 6:6 - BUKUIT NE TILIL

⁶ Amu amache rirenetab ge, mamache tiseiywot; ak amache naet konai Kamuktaindet kosiir kagochinoik che kibeelei.

Bukuit Ne Tilil

⁶ Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

BUKUIT NE TILIIL Sireet ne Dutero Kanon

⁶ Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

HOSEA 6:6 ပူးပေါင်းရင်းမြစ်များ

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

TIENWOGIKAL 50:8

Magerin kong’ agobo tiseiyweguk; Ak mi tainnyu kagochinoiguk che kebeelei kotugul.

KALEWANAIK 21:3

Keyaei iman ak kiruoget Ko taachaksei eng’ taitab Jehovah kosiir korosiot.

AMDOINDET 5:1

Rib keldang’ung’ ye iwendi gotab Kamuktaindet; amu kaigai kerikyi si kegas, kosiir kigoite korosek che bo bik che berber; amu manaei ichek kole yaei yaitiet.

ISAIAH 1:11

Tilei nee eng’ ane chang’indab tiseiywekwok? Mwaei Jehovah. Kigonyiia kagochinoik che bo beelset che bo mengichik, ak sunetikab tuga che bootin; ama baibaitune korotikab kirugik, anan ko che bo arekab kechir, anan ko che bo kwesik.

ISAIAH 58:6

Tos ma karugutetab ge ni ne kialewen: ale kitiach ratutikab yaitet, kitiach anokab chogit, ak keunda che kigetiekyi ng’ony, ak oiri chogit age tugul?

JEREMIA 22:16

Kiiruoksechi ne banan ak ne matinyei kiy; kimieit anyun. Tos kima konaena nito? Mwaei Jehovah.

JEREMIA 7:22

Amu kima ang’alalji kwanisiekwok anan ang’at ichek eng’ betut ne kiamutu komong’une emetab Misri, agobo kagochinoik che kibeelei ak tiseiywek.

DANIEL 4:27

Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

HOSEA 2:20

Achobe atunin eng’ imanda: ak inai Jehovah.

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

AMOS 5:21

Aweche, asase igorwekwok, amabaibaitune tuiyosiekwok che bo kaming’inetab ge.

MIKAH 6:6

Anyonundoi ano taitab Jehovah, ak ang’uruge eng’ taitab Kamuktaindet ne toror? Tos anyo tainnyi aibu kagochinoik che kibeelei koboto moek che masiirei kenyit agenge?

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MATAYO 12:7

Ago ngo kionai ole teptoi ni, Amache rirenetab ge, mamache tiseiywo, ta kama ogikyini che matinyei tengek.

MATAYO 5:7

Boiboen che riregei: amu tun nyoru agichek rirenetab ge.

MATAYO 9:13

Ago oba okwek, si onetge ole teptoi ng’olyondoni, Amache rirenetab ge, mamache tiseiywo: amu kima anyo aguur che bo imanda, ago kiptengeginik.

MARIKO 12:33

ak ngocham inendet eng’ muguleldo komugul, ak eng’ kaguiyet komugul, ak eng’ kimnatet komugul, ak ngo cham chitab kokwet ko u ole chamdogei, kosiirei noto kagochinoik tugul che kibeelei ak tiseiywek.

JOSHUA 5:5

Amu kiga kiyatita bik tugul che kimong’une oloto: ago bik tugul che kigisikyi ong’atet eng’ oret ye kimong’u eng’ Misri, ko kitom keyatita.

1 JOHANA 2:3

Ak kingen eng’ ni kele kingen inendet, ngot keribe ng’atutikyik.

1 JOHANA 3:6

Chi age tugul ne menyei inendet ko mayaei tengek: ak chi age tugul ne yaei tengek ko tom kogeer inendet, ama ingen inendet.

1 SAMUEL 15:22

Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.