HOSEA 4:6 - BUKUIT NE TILIL

⁶ Kigeng’em bikyuk amu matinyei naet: amu kiiesie naet, aesioin agane, si ma iegu tisiindet eng’ ane: amu kiiutie ng’atutikab Kamuktaindeng’ung’, autie agane lagoguk.

Bukuit Ne Tilil

⁶ Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

BUKUIT NE TILIIL Sireet ne Dutero Kanon

⁶ Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

HOSEA 4:6 ပူးပေါင်းရင်းမြစ်များ

2 ATEPTAP PEETUUSYEK 15:3

Kiga kotebe Israel egosiek che chang’ ama tinyei Kamuktaindet ne bo iman, ama tinyei tisiindet ne inetisiei, ama tinyei ng’atutik:

Kitabuutap JOB 36:12

Ago ngot ko magas it, kolustos eng’ rotwetab chok, Ak kobek ama tinyei naet.

TIENWOGIKAL 119:139

Kigowong’wa kagiilennyu bo ge, Amu kigoutie bunikyuk ng’aleguk.

TIENWOGIKAL 119:153

Ibwat nyalildanyu, ak isorua; Amu mautie ng’atutieng’ung’.

TIENWOGIKAL 119:61

Kigoratarata boroonikab kiptengeginik; Ago tom autie ng’atutieng’ung’.

TIENWOGIKAL 18:27

Amu isoru che nyerotin; Ago iming’ini che mendos.

KALEWANAIK 10:21

Baei bik che chang’ kutitab chito ne bo iman: Ago begu che berber amu matinyei naet.

KALEWANAIK 19:2

Ma mie kogeny sobondo ne matinyei naet; Ak yaei tengekto inendet ne sartae bandanyi.

ISAIAH 1:3

Ingen eito chitab kobo, ak kongen sigiriet biutab kiptaiyandennyi: ago manaei Israel, amaibwati bikyuk.

ISAIAH 17:10

Amu kiutie Kamuktaindetab yetuneng’ung’, ama ibwat ruandetab kimnateng’ung’; igole anyun ketik che kororon, ak ketik alak che ter:

ISAIAH 27:11

Ye kagoresyo temenikyik, koilyo; bwanei kwonyik ak kobeel: amu bororiot ne matinyei naet; noto anyun marire ichek inendet ne kiyai, ama tiytii ichek inendet ne kimimii.

ISAIAH 28:7

Ago kigochilil chuto agichek amu divaik, ak kigomasta amu maiyek; kigochilil tisiindet ak maotiot amu maiyek, kigomaluuch divaik ichek, kigomasta amu maiyek; ichiliili eng’ ng’ang’utiet, ibutos eng’ kiruoget.

ISAIAH 29:12

Yeityo kigochi chito ne ma inetat, kolenji, Asomin ale, soman bukuini: ak kole, Ma a chi ne inetat.

ISAIAH 3:12

Usei lagok bikyuk, ak koboi kwonyik ichek. Ee bikyuk, konin ichiliil bik che indoun, ak kong’em bandab ortinweguk.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 5:13

Kigeluul anyun bikyuk, amu kibetyi naet: ak barei rubet bikwak che konyitotin, ak barei melelda tuiyenywa.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 4:22

Amu berber bikyuk, maingena; lagok che uuen metowek, ama tinyei kaguiyet: ng’omen koyai yaitiet, ago maingen koyai ne mie.

JEREMIA 5:21

Ogas ni anyun, ee okwek bik che berber, che motinye kaguiyet; che otinye konyek, amogeertoe; che otinye itik, amogastoe:

EZEKIEL 44:23

Ak konet bikyuk kobesyo che tililen ak che ma tililen, ak konet ichek koguiyo tuguk che ma ianyinyotin ak che ianyinyotin.

HOSEA 13:6

Kibiyong’so ko u kit ne ki u ole kiagete; kibiyong’so, ak kiitororgei eng’ mugulelwekwak: kigoutiena anyun.

HOSEA 2:13

Ak aipchi inendet biret agobo betusiekab Baalik, che kobeeljin nyamdutik; ye kilelesanjinegei munaokyik koboto tugukyik che bo lelesta, ak kwo kosubot chamanikyik, ak koutiena, mwaei Jehovah.

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 4:12

Somei bikyuk kiruoget eng’ ketik, iborjin ichek siarinywa: amu kiimaas ichek tamirmirietab kugoinatet, ak kigoba koyai kugoinatet, kometo Kamuktaindenywa.

HOSEA 4:14

Mabire tibikwok ye yaei kugoinatet, anan murerenikwok ye yaei ibetab ge; amu mastoi icheget koboto che yaei kugoinatet, ak koenyei tiseiywek koboto chepkugonik: ak kobutyo bik che maiguitos.

HOSEA 5:4

Machamjin ichek boisionikwak koweekyigei Kamuktaindenywa: amu tinyei tamirmirietab kugoinatet, amaingen Jehovah.

HOSEA 6:6

Amu amache rirenetab ge, mamache tiseiywot; ak amache naet konai Kamuktaindet kosiir kagochinoik che kibeelei.

HOSEA 7:11

U Epraim cheptuget ne berber, ne matinyei kaguiyet: kuurei Misri, bendi Asuria.

HOSEA 7:9

Kigoam kipsagarek kimnatennyi, ama naei, ee, mi kalwalek alage yu, komi alage yun, eng’ inendet, ama naei.

HOSEA 8:1

Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

HOSEA 8:12

Agot nda asirjini inendet ng’atutikyuk eng’ konetisiosiek elfusiek taman, kiiti choto kele tugun che tounen.

HOSEA 8:14

Amu kigoutie Israel Yaindennyi, ak koteech gorikab laitorinik; ak kigotes Juda nganasok che ng’ototin: ago ayokyini mat nganasokyik, ak kobeel irimoikyik.

HOSEA 9:17

Onei Kamuktaindennyu ichek, amu kima kas it inendet: ak koek bik che ombenioti eng’ bororiosiek.

MATAYO 1:6

ak kisich Jesii laitoriat Daudi. Ak kisich Daudi Solomon eng’ ne ki bo Uria;

MATAYO 15:14

Obagakte ichek: kandoik che koriotin. Ak ngondochi kipkoratiat kipkoratiat, kororokyin tuwai keringet.

MATAYO 15:8

Teecha bichu eng’ kutuswekwak: Ago looen mugulelwekwak eng’ ane.

1 SAMUEL 2:12

Werikab Eli ko ki werikab Belial; kima nai ichek Jehovah.