HOSEA 4:14 - BUKUIT NE TILIL

¹⁴ Mabire tibikwok ye yaei kugoinatet, anan murerenikwok ye yaei ibetab ge; amu mastoi icheget koboto che yaei kugoinatet, ak koenyei tiseiywek koboto chepkugonik: ak kobutyo bik che maiguitos.

Bukuit Ne Tilil

¹⁴ Ma pirei tiibiikwok ye yaei kugoinatet, anan murerenikwok ye yaei ibeetapkei; amu mastoi icheeget kobooto che yaei kugoinatet, ak koenyei tiseiywek kobooto chepkugonik; ak kobutyo piik che ma iguitos.

BUKUIT NE TILIIL Sireet ne Dutero Kanon

¹⁴ Ma pirei tiibiikwok ye yaei kugoinatet, anan murerenikwok ye yaei ibeetapkei; amu mastoi icheeget kobooto che yaei kugoinatet, ak koenyei tiseiywek kobooto chepkugonik; ak kobutyo piik che ma iguitos.

HOSEA 4:14 ပူးပေါင်းရင်းမြစ်များ

1 LAITORINIK 15:12

Ak kiisto sodomik eng’ emet, ak kiisto kanamonik tugul che kiga koyai kwanisiekyik.

2 LAITORINIK 23:7

Ak kibut gorikab sodomik, che kimi gotab Jehovah, ole kiyae kwonyik ngoroik che songinindos che bo Asera.

KALEWANAIK 28:5

Maiguitos bik che yaach kiruoget: Ago iguitos tuguk tugul icheget che cheng’ei Jehovah.

ISAIAH 1:5

Amu nee si kota kebirok, kot obistoe mising’ kosiir? Miani metit komugul, kigotanui muguleldo komugul.

ISAIAH 27:11

Ye kagoresyo temenikyik, koilyo; bwanei kwonyik ak kobeel: amu bororiot ne matinyei naet; noto anyun marire ichek inendet ne kiyai, ama tiytii ichek inendet ne kimimii.

ISAIAH 56:11

Ee, kipkein sesenik, mabiyong’dos agoi; ak chuto ko mestowek che maiguitos kiy: kigomasta tugul kosub orenywa, kigosub chi tugul keljinennyi, eng’ komosta age tugul.

DANIEL 12:10

Ianyinyegei che chang’, ak koyaegei koleelagitu, ak kotililegei: ago yaei kiptengeginik tengekto; amaiguitos kiptengeginik agot agenge: ago iguitos ichek che ng’omen.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 4:17

Kigonamgei Epraim ak kanamonik; bagakte inegei.

HOSEA 5:4

Machamjin ichek boisionikwak koweekyigei Kamuktaindenywa: amu tinyei tamirmirietab kugoinatet, amaingen Jehovah.

AMOS 2:7

che isienyi komachei temburiekab emet eng’ metowekab kibananok, ak komaas ortinwekab che taloen: ak koba kwanda ak werinnyi koipgei ak chepto agenge, si kong’wanit kainennyu ne tilil:

AMOS 7:17

Mwaei anyun Jehovah ko u ni kole: Egu osotiondeng’ung’ chepkugoniot eng’ nganaset, ak kebare rotwetab chok weriguk ak tibiguk, ak kepchee borowet emeng’ung’; ak imee inyendet eng’ emet ne ng’wan, ak keluul iman Israel kimut eng’ emennyi.

KAITOSYEK 25:3

Ak kinamgei Israel ak Baal-peor: ak kilalyo neregekab Jehovah agobo Israel.

JOHANA 8:43

Amu nee si monai choto amwae? Amu momuchi ogas ng’olyondennyu.

ROMANIK 3:11

Mami ne iguitos, Mami ne cheng’ei Jehovah;

1 KORINTOEK 6:16

Anan, tos mongen ole inendet ne ituitos gei ak chepkugoniot ko borto agenge? Amu, mwaei inendet kole, Egu tuwai borto agenge.

EPESOEK 4:18

che imenen eng’ nautikwak, che kigiyai koek kipsagarek eng’ sobondab Jehovah, amu berberindo ne mi eng’ ichek, amu uuindab mugulelwekwak;

NG'ATUTIK 23:17

Amat kobiit chepkugonio eng’ tibikab Israel, anan ne isubi biteetab Sodomik eng’ werikab Israel.

HEBRANIK 12:8

Ago ngot ko motinye kotigonet, ne kigonyorune tugul yamdaet, o bo sarbuch anyun, ma o werik.