HOSEA 4:10 - BUKUIT NE TILIL

¹⁰ Ak koamisiei, ama biyong’dos; yaei kugoinatet, ama tesoksei: amu kigometa koepchi it Jehovah.

Bukuit Ne Tilil

¹⁰ Amisyei, ama piyang'dos; yaei kugoinatet ama tesoksei; amu ki kometa anee Kamuktaindet ne Toroor ak kobegechi

BUKUIT NE TILIIL Sireet ne Dutero Kanon

¹⁰ Amisyei, ama piyang'dos; yaei kugoinatet ama tesoksei; amu ki kometa anee Kamuktaindet ne Toroor ak kobegechi

HOSEA 4:10 ပူးပေါင်းရင်းမြစ်များ

2 ATEPTAP PEETUUSYEK 24:17

Kingo kagome Jeoiada kobwa bounikab Juda, ak kogetung’ji laitoriat. Kogasyi anyun laitoriat ng’alekwak.

TIENWOGIKAL 125:5

Ago ichek che mastoi kosubi ortinwekwak che kunuren, Koonei Jehovah ichek koboto yaikab tengekto. Ingotebe kalyet Israel.

TIENWOGIKAL 36:3

Ng’alekab kutinnyi ko tengekto ak ng’alset: Ma komage kiy kong’omit anan koyai ne mie.

KALEWANAIK 13:25

Amei ne bo iman kot kobiyo sobondanyi; Ago manyoru kiptengeginik che yamei.

JEREMIA 34:15

Ak kiowalage anyun, ak kiga oyai kit ne mie eng’ tainnyu, omwaitoi katiaget eng’ chi age tugul eng’ chitab kokwennyi; ak kiga oyai arorutiet eng’ tainnyu eng’ got ne kimwaitoe kainennyu:

JEREMIA 9:12

Ng’o chito ne ng’om ne imuchi koguiyo nito? Ak ng’o inendet ne king’alalji kutitab Jehovah, si kobiit komwaita? Amu nee anyun si kong’emak emet ak kolal ko u ong’atet, kot ko ma kobunei chi?

EZEKIEL 18:24

Ago ye week ne bo iman kometo imandanyi, ak koyai tengekto, ak koyai ko u tuguk tugul che kiwechei che yaei chito ne ya, ko tos sob? Magibwati agot agenge eng’ boisionikyik che bo iman che kigoyai: meei amu kachililutiennyi ne kigoyai, ak amu tengektanyi ne kigoyai.

EZEKIEL 22:9

Kigotebe chaamik kwenung’ung’ si kotumdoi korotik: ak kigoamisie tulonok eng’ inye: kigoyai yaitiet eng’ kwenung’ung’.

HOSEA 4:14

Mabire tibikwok ye yaei kugoinatet, anan murerenikwok ye yaei ibetab ge; amu mastoi icheget koboto che yaei kugoinatet, ak koenyei tiseiywek koboto chepkugonik: ak kobutyo bik che maiguitos.

HOSEA 7:4

Ichek tugul ko bik che yaei ibetab ge; u kapkoima ole ilaali beelindetab makatinik; maiyuokyin mat koboch kokwanykwanyi makatiat agoi koguut.

ATEPTAP LAWIK 26:26

Ye atil amitwogikwok kong’ering’itu, kobeel anyun kobogorisiek tamanu amitwogikwok eng’ kapkoimaut agenge, ak kebimanwak amitwogikwok eng’ ratilit; ak oamisiei amobiyonyi.

MIKAH 6:14

Iamisiei, amebiyonyi; ak kotebenen kalilaneng’ung’: ak iuu, ago mesoru ne imuti; ak abare rotwetab chok inendet ne imuti.

SEPANIA 1:6

ak ichek che kiweek kometo Jehovah; koboto ichek che ma cheng’ Jehovah, anan koteepse inendet.

HAGGAI 1:6

Kiogol che chang’, ago ogese che ng’ering’; oamisiei, ago mobiyong’dosi; oeeisei, ago manyiiok; olaachi ngoroik, ago mami ne lalang’; ak inendet ne nyoru melekto kondoi lolet ne undurot.