HOSEA 4:1 - BUKUIT NE TILIL

¹ Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

Bukuit Ne Tilil

¹ Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

BUKUIT NE TILIIL Sireet ne Dutero Kanon

¹ Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

HOSEA 4:1 ပူးပေါင်းရင်းမြစ်များ

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

TIENWOGIKAL 81:9

Amat kobiitunenen kanamwet ne too; Anan igutung’ji cheptalelit age tugul ne bo bororiosiek alak.

ISAIAH 1:10

Ogas ng’olyotab Jehovah, okwek bounikab Sodom; oepchi it ng’atutietab Kamuktaindennyo, okwek bikab Gomora.

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

ISAIAH 28:14

Ogas anyun ng’olyotab Jehovah okwek bik sasik, che obou bichu mi Jerusalem.

ISAIAH 34:1

Origu okwek bororiosiek, si ogas; ak oeb it okwek bik: ingogas emet, ak tuguk che nyiitat oloto; ng’ony ak tuguk tugul che mong’une.

ISAIAH 34:8

Amu betutab Jehovah ne bo yaaktaetab mugetut, kenyitab kageeret ne bo toiyetab Sion.

ISAIAH 5:3

Ara anyun, ee, okwek che omenye Jerusalem, ak okwek bikab Juda, asaok ale oruokwa ak mbarennyu ne bo sabibuk.

ISAIAH 59:4

Mami agot agenge ne cheng’ei imanda ne bo kiruoget, ama mi ne ibei ng’alek che bo iman kapkiruok: imang’u ichek tangoita, ak komwaei lembechek; manachi yaitiet, ak koi tengekto.

ISAIAH 59:8

Maingen ichek oretab kalyet; ama mi kiruoget eng’ ortinwekwak: kigoyachigei ortinwek che kunuren; maingen kalyet age tugul ne bunei oloto.

ISAIAH 66:5

Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

JEREMIA 11:7

Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu.

JEREMIA 19:3

ile, Ogas okwek ng’olyotab Jehovah, ee laitorinikab Juda, ak bik che omenye Jerusalem; mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini yaitiet olito, ne ngo kas chi age tugul, kotildilyo itikyik.

JEREMIA 2:4

Ogas ng’olyotab Jehovah, ee gotab Jakobo, ak ortinwek tugul che bo gotab Israel:

JEREMIA 2:9

Ta aruokseiwok anyun, mwaei Jehovah, ak aruoksechini lagokab lagokwok.

JEREMIA 25:31

Itei bolatet tabanwekab ng’ony; amu bortos Jehovah ak bororiosiek, iruoksechin inendet bik tugul; ak igoitoi kiptengeginik kebar eng’ rotwetab chok, mwaei Jehovah.

JEREMIA 34:4

Ago kas ng’olyotab Jehovah, ee Sedekia laitoriatab Juda: mwaei Jehovah agobo inye ko u ni kole, Memee eng’ rotwetab chok;

JEREMIA 4:22

Amu berber bikyuk, maingena; lagok che uuen metowek, ama tinyei kaguiyet: ng’omen koyai yaitiet, ago maingen koyai ne mie.

JEREMIA 4:28

Rirei emet amu nito, ak kotuuegitu kipsengwetisiek: amu kaamwa, ak kaachob, ak tom awal kit ne abwati, amaweechigei let eng’ ng’olyondonito.

JEREMIA 5:4

Yeityo amwa ale, Nyalulyotin iman bichuto; berberen; amu manaei oretab Jehovah, anan kiruogetab Kamuktaindenywa:

JEREMIA 51:5

Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 7:28

Ak ilenji ichek, Nito bororiet ne ma epchi it kutitab Jehovah Kamuktaindenywa, ama taach kotigonet: kigobet imanda, ak kigeisto eng’ kutuswekwak.

JEREMIA 9:20

Ago ogas ng’olyotab Jehovah, okwek, ee kwonyichu, ak ingotaach itikwok ng’olyotab kutinnyi, ak onet tibikwok rirek, ak konet chi tugul chitab kokwennyi kateeiyet.

JEREMIA 9:3

Ak riichei ng’elyebwekwak ko u ye riichei kwangokwak, agobo lembechek; ak kagogimegitu eng’ emet, ago ma eng’ imanit: amu kong’eetye yaitiet koba yaitiet, amaingena, mwaei Jehovah.

JEREMIA 9:7

Mwaei anyun Jehovah ne bo lugosiek ko u ni kole, Ogeero, abeele ichek kochootyo, ak atiem; nee kit age ne amuchi ayai, agobo cheptab bikyuk?

EZEKIEL 16:35

Kas anyun, ee chepkugoniondoni, ng’olyotab Jehovah:

HOSEA 12:2

Ibeligei kogeny Jehovah ak Juda, ak kobir Jakobo ko u ortinwekyik; yaakyin inendet ko u boisionikyik.

HOSEA 12:3

Kinam kwariatab ng’etab kamet komi mo; ak kitinyei kimnatet koboto Kamuktaindet ko kagoeet:

HOSEA 5:1

Ogas nito, ee okwek tisiik, ak koeb it, okwek gotab Israel, ak ogas komie, ee, gotab laitoriat, amu nyonjinok kiruoget; amu kioegu mestet eng’ Mispa, ak mestet ne u regereiywot ne kiitoi eng’ Tabor.

HOSEA 5:4

Machamjin ichek boisionikwak koweekyigei Kamuktaindenywa: amu tinyei tamirmirietab kugoinatet, amaingen Jehovah.

JOEL 1:2

Ogas ng’olyondoni, okwek boisiek, ak oeb it, okwek tugul che omenye emet. Tos kibiit nito eng’ betusiekwok, anan eng’ betusiekab kwanisiekwok?

AMOS 3:1

Ogas ng’olyondoni kagomwa Jehovah agobo okwek, ee lagokab Israel, agobo got komugul ne bo Israel ne kiamutu kotogos eng’ emetab Misri, kole,

AMOS 7:16

Kas anyun nguno ng’olyotab Jehovah: Imwae inye ile, Amat imaotenji Israel agobo kiy ne ya, anan imwa ng’olyo agobo gotab Isak.

MIKAH 6:2

Ogas, ee okwek tulonok, ng’alek che ting’enok Jehovah, ak okwek lumeiywek che kimen che bo ng’ony: amu ting’e Jehovah bikyik ng’alek, ak machei kong’alal ak Israel.

JOHANA 8:55

ak tom onai inendet: ago angen inendet; ak ngot amwa ale, mangen inendet, aegu kiplembechwa, ko u okwek: ago angen inendet, ak aribe ng’olyondennyi.

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

1 KORINTOEK 15:34

Ogosu eng’ imanda, amat oyai tengek; amu maingen alak Jehovah: amwae ni si agonok olilan.

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:29

Inendet ne tinyei itit, kogas kit ne mwachin Tamirmiriet kanisosiek.