HOSEA 3:1 - BUKUIT NE TILIL

¹ Ak kilenja Jehovah, Ui kogeny ak icham kwondo ne chamat eng’ choruennyi, ak ko chepkugoniot, ko u ye chamei Jehovah lagokab Israel, agot nganda weekyingei cheptalelisiek, ak kochamei makatinikab sabibuk che yaamnyotin.

Bukuit Ne Tilil

¹ Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”

BUKUIT NE TILIIL Sireet ne Dutero Kanon

¹ Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”

HOSEA 3:1 ပူးပေါင်းရင်းမြစ်များ

2 SAMUEL 6:19

Ak kipchechi bik tugul eng’ tuiyet tugul ne bo Israel, murenik ak kwonyik, kogochi chi age tugul makatiat, ak bendo, ak makatiatab sabibuk che yaamnyotin. Kiba anyun bik tugul kwo chi tugul gonnyi.

2 LAITORINIK 13:23

Ago kiiborji Jehovah mieindanyi ichek, ak korire ichek ak kogonyit ichek, amu kayomisennyi ne kiiyomisgei ak Abraham, ak Isak, ak Jakobo, ko ma cham kobar ichek, anan koon ichek eng’ tainnyi agoi rani.

1 ATEPTAP PEETUUSYEK 16:3

Ak kiigochi chi age tugul ne bo Israel, ne muren ak kwonyu, kiigochi chi age tugul makatiat, ak bendo kitigin, ak makatiatab sabibuk che yaamnyotin.

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

TIENWOGIKAL 123:2

Ogeero, ko u ye keerei otwogik eutab kiptaiyandenywa, Ko u ye keerei chepto eutab chebioset ne bou inendet; Ko u noto keerei konyekyok Jehovah Kamuktaindennyo, Agoi korirenech.

KOMONG'U 32:6

Ak king’eetyo karon mising’ eng’ betut ne kiisubi betunoto, ak kiigoito kagochinoik che kibeelei, ak kiib kagochinoikab kalyet; ak kiteb ng’ony bik koamis ak koeeiso, ak kong’eetyo kourerenso.

TYENDO NE SIIREI TUGUL 2:5

Igimitena logoek che saiyotin, igoigoena logoek: Amu amiani agobo emostab chamnyet.

ISAIAH 45:22

Onyala, si kesoruok, okwek tabanwek tugul che bo ng’ony: amu a Kamuktaindet, ama mi age.

JEREMIA 3:20

Iman, ko u ye bagaktoi osotiot manong’otiondennyi eng’ kaberberisiet, ko u noto, kioyaiywa kaberberisiet, ee gotab Israel, mwaei Jehovah.

JEREMIA 31:20

Tos werinnyu ne achame, Epraim? Tos inendet ko lakwet ne kiboiboitune? Amu ye ang’alali kotugul arenye inendet, abwati inendet mising’ kora: iima moennyu amu inendet; arire inendet iman, mwaei Jehovah.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

HOSEA 2:5

Amu kiyaei kamet kugoinatet: kiyai inendet ne kimanachi ichek, tewernatet: amu kimwa kole, Asuboti chamanikyuk, che kona amitwogikyuk ak beekyuk, koboto kororikyuk che bo kechirek, ak mabutekyuk, mwanikyuk ak tuguk che aee.

HOSEA 4:11

Istoi kugoinatet ak divaik ak divaik che leelach, kaguiyet.

HOSEA 7:5

Kieeiso bounik kot kobogityo mising’ eng’ maiyek, eng’ betutab laitoriandennyo; kichuul eunnyi koboto chotik.

AMOS 2:8

ak koruiye ngoroik che kiname besendo eng’ ole negite kapkorosut age tugul, ak koee divaik eng’ gotab Kamuktaindanywa, che kigiibe bik che kigiruokyin.

AMOS 6:6

che eei divaik eng’ bagulisiek, ak koiilegei mwanik che kororon; ago maarogendos agobo nyalildab Josep.

MIKAH 7:7

Ago amang’u ane Jehovah; ageni Kamuktaindetab yetunennyu: kasa Kamuktaindennyu,

SEKARIA 1:16

Mwaei anyun Jehovah ko u ni kole: Kaaweekyige Jerusalem arire; kiteechei gonnyu nganasanato, mwaei Jehovah ne bo lugosiek, ak kechuul borowet ne kikwaise, eng’ Jerusalem.

MATAYO 26:50

Ak kilenji Jesu, Choruani, yai kit ne kenyonjini. Kibwa anyun bichoto ak koyogoito eunekwak konam Jesu.

1 KORINTOEK 10:21

Momuchi oee kikombetab Kiptaiyat, ak kikombetab oik: momuchi oam eng’ mesetab Kiptaiyat, ak mesetab oik.

1 KORINTOEK 10:7

Amoegu che saei kanamonik, ko u alak eng’ ichek; ko u ye kigisir kele, Kiteb ng’ony bik koamis ak koee, ak kong’eetyo kourerenso.

1 PETERO 4:3

Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.

KIRUOGIK 9:27

Ak kiba mbarenywa, koba kobut sabibuk, ak kotui, ak koyai igorta, yeityo koba gotab cheptalelinywa, koamis ak koeeisei, ak kochub Abimelek.