HOSEA 2:7 - BUKUIT NE TILIL

⁷ Ak kosubot chamanikyik, ago manyoru ichek; ak kocheng’ ichek, ago manyoru: yeityo komwa kole, Kaweekyige manong’otiondennyu ne bo tai; amu kiagaigai eng’ betusiechoto kosiir nguno.

Bukuit Ne Tilil

⁷ Isubi chamanikyik ko uu kotugul, ago ma nyooru icheek; ak cheeng'ei icheek, ago ma nyooru. Yeityo anyun komwa kole, awendi ak aweekyigei manong'otyonnnyu ne po tai amu ki agaigai eng' peetuusyechooto kosiir nguno.

BUKUIT NE TILIIL Sireet ne Dutero Kanon

⁷ Isubi chamanikyik ko uu kotugul, ago ma nyooru icheek; ak cheeng'ei icheek, ago ma nyooru. Yeityo anyun komwa kole, awendi ak aweekyigei manong'otyonnnyu ne po tai amu ki agaigai eng' peetuusyechooto kosiir nguno.

HOSEA 2:7 ပူးပေါင်းရင်းမြစ်များ

2 ATEPTAP PEETUUSYEK 28:23

Amu kieng’ji tiseiywek cheptalelisiekab Damasko, che kibar inendet; ak kile, Amu toreti cheptalelisiekab laitorinikab Suria ichek, aeng’jini anyun agane ichek, si kobiit kotoreta. Ago kiek choto che king’em inendet ak Israel tugul.

TIENWOGIKAL 116:7

Iweekyige kamuung’eng’ung’, ee sobondanyu; Amu kagoyaun Jehovah eng’ aiyebindo.

ISAIAH 30:16

Ago kiomwa ole, Achicha, kimwee mbartanyisiek; omweei anyun: ak kiole, Kilanye che chepcheb; chepchebitu anyun agichek che onok.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 2:2

Ui, ititenji Jerusalem, ilenji, Mwaei Jehovah ko u ni kole, Abwatin agobo mieindab ming’inateng’ung’, chamnyetab katunisieng’ung’; ko u ye kiisubwa eng’ ong’atet, eng’ emet ne kima kegolei.

JEREMIA 2:28

Ago mi ano kanamonik che kiiyachige? Ingong’eetyo ichek, ngot komuchi kosorun eng’ betusiekab nyalildang’ung’: amu ko u ole te koitetab nganasoguk, ko u noto kanamoniguk, ee Juda.

JEREMIA 2:36

Amu nee si iombenote iwal bandang’ung’? Ililani agobo Misri kogeny, ko u ye kiililan agobo Asuria.

JEREMIA 3:1

Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 31:18

Koagas iman koteechingei Epraim, kolen, Kiitigona, ak kiatigonage: ko u moita ne tom konai chogit: welela, si awelelok; amu i Jehovah Kamuktaindennyu.

JEREMIA 31:32

ma ko u kayomiset ne kigiyomisge ak kwanisiekwak eng’ betut ne kianamanu ichek amutu komong’ eng’ emetab Misri; kayomisonotonyunet ne king’em ichek, nganda kia manong’otiot eng’ ichek, mwaei Jehovah.

JEREMIA 44:17

Ago kiyae iman ng’olyot age tugul ne kagemwa, kele kibeeljini nyamdutik laitoriatab kipsengwet, ne kwondo, ak kerong’jini inendet kagochinoik che kieei, ko u ye kigeyai, achek ak kwanisiekyok, ak laitorinikyok, ak bounikyok, eng’ nganasokab Juda, ak eng’ ortinwek che bo Jerusalem: amu kigitinye eng’ betusiechoto amitwogik che chang’, ak kigichamege, ama kigeer yaitio.

EZEKIEL 16:18

ak kiib ngoroiguk che kiginde lelesta, ak ituge tuguchoto, ak kiinde tainywa mwanikyuk ak nyamdutikyuk che kibeelei.

EZEKIEL 16:8

Ak kingabun ye imi, ageerin, keero, betusieguk ko ki bo betusiekab chamnyet; ak kiatugunen ngoriennyu ak atuch ach ngorieng’ung’: ee, kiayosieun, ak kigoyomisge ak inye, mwaei Kiptaiyat Jehovah, ak kiibunja.

EZEKIEL 20:32

ak mabiitu agot kitigin noto obwati; amu omwae ole, Kigergeitu ak bororiosiek, ak kergeitu ak ortinwekab emotinwek, keot ketik ak koik.

EZEKIEL 23:12

Kicham mising’ Asuriek, che ki kiruogutik ak bounik, bikab kokwennyi, che kiilaachigei mising’, murenik che lanyei mbartanyisiek, murenik tugul che kichamei.

EZEKIEL 23:22

Ara anyun, ee Oholiba, mwaei Kiptaiyat Jehovah ko u ni kole: Keero, ang’eetyinin chamaniguk, che kigotoiyegei sobondang’ung’, ak amutu ichek kobwanjin eng’ komosta age tugul;

EZEKIEL 23:4

Kainaikwak ko ki Ohola, ne o, ak Oholiba, chepkamet: ak kibunja, ak kisich werik ak tibik. Ak ki u ni kainaikwak, Samaria ko Ohola, ak Jerusalem ko Oholiba.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 5:21

ak kigion kwo eng’ ole mi bik; ak kigiyai naennyi koigei ne bo tiong’ik, ak kimeny koboto sigirokab timin; ak kigibae suswek ko u tuga, ak kiibutyi rewot bortanyi: agoi konai kole bou Kamuktaindet ne Toror Mising’ bounatetab bik, ak kogochin age tugul ne makyin koboi.

HOSEA 1:2

Ye kingong’alale Jehovah Hosea eng’ tai, kolenji Jehovah Hosea, Ui imutyige chepkugoniot koek osotiondeng’ung’, ak lagokab kugoinatet: amu yaei emet kugoinatet ne o, kometoi Jehovah.

HOSEA 13:6

Kibiyong’so ko u kit ne ki u ole kiagete; kibiyong’so, ak kiitororgei eng’ mugulelwekwak: kigoutiena anyun.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 2:16

Ak iguurena eng’ betunoto, Isi, mwaei Jehovah; ama iguurena Baali.

HOSEA 5:13

Kigogeer Epraim miandanyi, ak kogeer Juda ng’otobosiekyik, kwo anyun Epraim Asuria, ak koyokto keguur laitoriat Jareb: ago maimuchi kosoobok, amainyaiywok ng’otobosiekwok.

HOSEA 5:15

Aweekyinige anyun oldanyu, agoi kong’any chalwoktanywa, ak kocheng’a: cheng’a eng’ kagiiletab ge eng’ nyalildanywa.